ನವದೆಹಲಿ:ಅಕ್ಟೋಬರ್ 04 ರಂದು ಕೇಂದ್ರ ಲೋಕಸೇವಾ ಆಯೋಗ ನಡೆಸುವ ನಾಗರಿಕ ಸೇವೆಗಳ ಪೂರ್ವಭಾವಿ ಪರೀಕ್ಷೆ ಇದ್ದು ಪರೀಕ್ಷಾರ್ಥಿಗಳ ಅನುಕೂಲಕ್ಕಾಗಿ ದೆಹಲಿಯ ಮೆಟ್ರೋ ರೈಲು ಸೇವೆಗಳು ಅಂದೇ (ಅ. 4 ಭಾನುವಾರ) ಎಲ್ಲ ಮಾರ್ಗಗಳ ಟರ್ಮಿನಲ್ ನಿಲ್ದಾಣಗಳಿಂದ ಬೆಳಗ್ಗೆ 6 ಗಂಟೆಗೆ ಪ್ರಾರಂಭವಾಗಲಿವೆ ಎಂದು ದೆಹಲಿ ಮೆಟ್ರೋ ರೈಲು ನಿಗಮ ಶನಿವಾರ ಟ್ವೀಟ್ ಮಾಡಿದೆ.
ಯುಪಿಎಸ್ಸಿ ಪರೀಕ್ಷೆಗಳಿಗೆ ಹಾಜರಾಗುವ ವಿದ್ಯಾರ್ಥಿಗಳ ಅನುಕೂಲತೆಗಾಗಿ ಅ. 4 ರಂದು ಎಲ್ಲ ಮಾರ್ಗಗಳ ಟರ್ಮಿನಲ್ ನಿಲ್ದಾಣಗಳಿಂದ ಬೆಳಗ್ಗೆ 6 ಗಂಟೆಗೆ ಪ್ರಾರಂಭವಾಗಲಿದೆ ಎಂದು ತಿಳಿಸಿರುವ ದೆಹಲಿ ಮೆಟ್ರೋ ರೈಲು ನಿಗಮ, ಈ ದಿನ ಹೊರತುಪಡಿಸಿ ಹಳೆ ಮಾರ್ಗಸೂಚಿಯಂತೆ (ಅನ್ಲಾಕ್ 3) ಬೆಳಗ್ಗೆ 8:00 ಗಂಟೆಗೆ (ಪ್ರತಿ ಭಾನುವಾರದಂದು) ಎಂದಿನಂತೆ ತನ್ನ ಸೇವೆ ಮುಂದುವರಿಸಲಿದೆ ಎಂದು ತಿಳಿಸಿದೆ.