ಬ್ರೇಕಿಂಗ್​: ನಿರ್ಭಯಾ ಅಪರಾಧಿಗಳಿಗೆ ನಾಳೆಯೂ ಇಲ್ಲ ಗಲ್ಲು ಶಿಕ್ಷೆ ..!

ನಿರ್ಭಯಾ ಅತ್ಯಾಚಾರ ಮತ್ತು ಕೊಲೆ ಪ್ರಕರಣ ಮುಂದಿನ ಆದೇಶದವರೆಗೆ ಮರಣ ದಂಡನೆಯನ್ನು ತಡೆಹಿಡಿಯಲಾಗಿದೆ ಎಂದು ಇಂದು ದೆಹಲಿ ಕೋರ್ಟ್​ ತಿಳಿಸಿದ್ದು, ಮಾರ್ಚ್ 3ಕ್ಕೆ ಫಿಕ್ಸ್​ ಆಗಿದ್ದ ಗಲ್ಲು ಶಿಕ್ಷೆ ಮೂರನೇ ಬಾರಿಗೆ ಮುಂದೂಡಿಕೆಯಾದಂತಾಗಿದೆ.

ನವದೆಹಲಿ: ನಿರ್ಭಯಾ ಅತ್ಯಾಚಾರ ಮತ್ತು ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಪರಾಧಿಗಳಿಗೆ ನಾಳೆಗೆ ನಿಗದಿಯಾಗಿದ್ದ ಗಲ್ಲು ಶಿಕ್ಷೆಯನ್ನು ದೆಹಲಿಯ ಪಟಿಯಾಲ ಹೌಸ್​ ಕೋರ್ಟ್​ ಮತ್ತೆ ಮುಂದೂಡಿದೆ.

ಮುಂದಿನ ಆದೇಶದವರೆಗೆ ಮರಣ ದಂಡನೆಯನ್ನು ತಡೆಹಿಡಿಯಲಾಗಿದೆ ಎಂದು ಇಂದು ಕೋರ್ಟ್​ ತಿಳಿಸಿದೆ. ಇದರಿಂದ ಗಲ್ಲು ಶಿಕ್ಷೆ ಸತತ ಮೂರನೇ ಬಾರಿಗೆ ಮುಂದೂಡಿಕೆಯಾದಂತಾಗಿದೆ.

ನಾಲ್ವರು ಅಪರಾಧಿಗಳಲ್ಲಿ ಒಬ್ಬನಾದ ಪವನ್​ ಕುಮಾರ್​ ಗುಪ್ತಾ ಸಲ್ಲಿಸಿದ್ದ ಕ್ಷಮಾದಾನ ಅರ್ಜಿ ರಾಷ್ಟ್ರಪತಿಗಳ ಮುಂದೆ ಬಾಕಿ ಇರುವುದರಿಂದ ಮರಣ ದಂಡನೆಯನ್ನು ಮುಂದೂಡಲಾಗಿದೆ ಎಂದು ಕೋರ್ಟ್ ತಿಳಿಸಿದೆ. ಗಲ್ಲು ಶಿಕ್ಷೆಗೆ ಕೇವಲ 12 ಗಂಟೆಗಳು ಬಾಕಿ ಇರುವಾಗ ಕೋರ್ಟ್​ ಶಿಕ್ಷೆಯನ್ನು ಮುಂದೂಡಿದೆ.