ಉಗ್ರರ ಅಟ್ಟಹಾಸಕ್ಕೆ ಸಿಆರ್​ಪಿಎಫ್​ ಯೋಧ ಹುತಾತ್ಮ

ಬುಡ್ಗಾಮ್​ ಜಿಲ್ಲೆಯಲ್ಲಿ ಉಗ್ರರ ಗುಂಡಿನ ದಾಳಿಯಲ್ಲಿ ಸಿಆರ್​ಪಿಎಫ್​ ಯೋಧನೊಬ್ಬ ಹುತಾತ್ಮನಾಗಿದ್ದು, ಯೋಧನ ಬಳಿ ಇದ್ದ ಸರ್ವಿಸ್​ ರೈಫಲ್​​ ಕೂಡ ಉಗ್ರರು ಕಿತ್ತುಕೊಂಡಿದ್ದಾರೆ.

ಬುಡ್ಗಾಮ್:ಜಮ್ಮು ಮತ್ತು ಕಾಶ್ಮೀರದ ಬುಡ್ಗಾಮ್​ ಜಿಲ್ಲೆಯಲ್ಲಿ ಉಗ್ರರು ನಡೆಸಿದ ಗುಂಡಿನ ದಾಳಿಗೆ ಸಿಆರ್​ಪಿಎಫ್​ ಯೋಧನೋರ್ವ ಹುತಾತ್ಮನಾಗಿದ್ದಾನೆ.

ಜಿ.ಡಿ.ಬಡುಲೆ ಹುತಾತ್ಮ ಸಿಆರ್​ಪಿಎಫ್ ಯೋಧರಾಗಿದ್ದಾರೆ. ಇವರು ಬುಡ್ಗಾಮ್ ಜಿಲ್ಲೆಯ ಕೈಸರ್​ಮುಲ್ಲಾದ 117 ಬೆಟಾಲಿಯನ್​ನಲ್ಲಿ ಸಹಾಯಕ ಪೊಲೀಸ್​ ಸಬ್ ಇನ್ಸ್‌ಪೆಕ್ಟರ್ (ASI) ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಘಟನೆಯಲ್ಲಿ ಗಾಯಗೊಂಡಿದ್ದ ಇವರನ್ನು ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಬದುಕುಳಿಯಲಿಲ್ಲ.

ಯೋಧನ ಬಳಿ ಇದ್ದ ಸರ್ವಿಸ್​ ರೈಫಲ್​​ ಕೂಡ ಉಗ್ರರು ಕಿತ್ತುಕೊಂಡಿದ್ದಾರೆ. ಉಗ್ರರಿಗಾಗಿ ಶೋಧ ಕಾರ್ಯಾಚರಣೆ ಮುಂದುವರೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.