ಇಂದು ದೇಶದಲ್ಲಿ 44,684 ಸೋಂಕಿತರು ಪತ್ತೆ.. 47,992 ಮಂದಿ ಗುಣಮುಖ

ಭಾರತದಲ್ಲಿ 44,684 ಕೊರೊನಾ ಹೊಸ ಪ್ರಕರಣ ವರದಿಯಾಗಿವೆ. 47,992 ಜನ ಗುಣಮುಖರಾಗಿದ್ದು, 520 ಜನ ಕೊರೊನಾಗೆ ಬಲಿಯಾಗಿದ್ದಾರೆ..

ನವದೆಹಲಿ :ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ ಹೊಸ 44,684 ಕೊರೊನಾ ಪ್ರಕರಣ ವರದಿಯಾಗಿದ್ದು, ಒಟ್ಟು ಪ್ರಕರಣಗಳ ಸಂಖ್ಯೆ 87,73,479 ಕ್ಕೆ ಏರಿದೆ.

520 ಜನ ಕೊರೊನಾಗೆ ಬಲಿಯಾಗಿದ್ದು, ಮೃತಪಟ್ಟವರ ಸಂಖ್ಯೆ 1,29,188ಕ್ಕೆ ಏರಿದೆ. ಒಟ್ಟು ಸಕ್ರಿಯ ಪ್ರಕರಣಗಳ ಪೈಕಿ 47,992 ಜನ ಗುಣಮುಖರಾಗಿದ್ದಾರೆ. ಇದರಿಂದಾಗಿ ಕೋವಿಡ್​ನಿಂದ ಗುಣಮುಖರಾದವರ ಸಂಖ್ಯೆ 81,63,572ಕ್ಕೆ ಏರಿದೆ.

ದಿನವೊಂದಕ್ಕೆ 80- 90 ಸಾವಿರದ ಆಜುಬಾಜು ಇರುತ್ತಿದ್ದ ಕೋವಿಡ್​ ಪಾಸಿಟಿವ್​ ಸಂಖ್ಯೆ ಇತ್ತೀಚಿನ ದಿನಗಳಲ್ಲಿ ನಿರಂತರವಾಗಿ ಕಡಿಮೆ ಆಗುತ್ತಿವೆ. ಇದು ದೇಶದ ಜನರನ್ನ ತುಸು ನಿಟ್ಟುಸಿರು ಬಿಡುವಂತೆ ಮಾಡಿದೆ.