ಕೋವಿಡ್​ನಿಂದ ದೇಶದಲ್ಲಿ ಈವರೆಗೆ ಆದ ಸಾವು ನೋವುಗಳೆಷ್ಟು...ಸಂಪೂರ್ಣ ಮಾಹಿತಿ

ಕೊರೊನಾ ವೈರಸ್​ ಪ್ರಕರಣಗಳು ದಿನೇ ದಿನೆ ಹೆಚ್ಚಾಗುತ್ತಿದ್ದು, ಒಟ್ಟು ಪ್ರಕರಣಗಳ ಸಂಖ್ಯೆ 17,610 ಆಗಿದ್ದು, 4,748 ಜನರನ್ನು ಈಗಾಗಲೇ ಗುಣಪಡಿಸಲಾಗಿದೆ. ಇನ್ನು 23,502 ಪ್ರಕರಣಗಳು ಪಾಸಿಟಿವ್​ ಎಂದು ದೃಢಪಡಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ತಿಳಿಸಿದೆ.

ನವದೆಹಲಿ:ಕೋವಿಡ್​ 19 ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇದೆ. ಸಾವಿನ ಸಂಖ್ಯೆ 718ಕ್ಕೆ ಏರಿದ್ದು, ದೇಶದಲ್ಲಿ 23,077 ಪ್ರಕರಣಗಳು ಇದುವರೆಗೂ ದಾಖಲಾಗಿವೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.

ಒಟ್ಟು ಪ್ರಕರಣಗಳ ಸಂಖ್ಯೆ 17,610 ಆಗಿದ್ದು, 4,748 ಜನರನ್ನು ಈಗಾಗಲೇ ಗುಣಪಡಿಸಲಾಗಿದೆ. ಇನ್ನು 23,502 ಪ್ರಕರಣಗಳು ಪಾಸಿಟಿವ್​ ಎಂದು ದೃಢಪಡಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ತಿಳಿಸಿದೆ. ದೇಶದಲ್ಲಿ ವರದಿಯಾದ ಒಟ್ಟು 23,077 ಪ್ರಕರಣಗಳಲ್ಲಿ 77 ವಿದೇಶಿ ಪ್ರಜೆಗಳು ಕೂಡ ಸೇರಿದ್ದಾರೆ.

ನಿನ್ನೆ ಸಂಜೆಯಿಂದ ಈವರೆಗೆ ದೇಶದಲ್ಲಿ 32 ಸಾವುಗಳು ವರದಿಯಾಗಿವೆ. ಅದರಲ್ಲಿ 14 ಸಾವುಗಳು ಮಹಾರಾಷ್ಟ್ರದಿಂದ, ಒಂಬತ್ತು ಗುಜರಾತ್‌ನಿಂದ, ಮೂರು ಉತ್ತರಪ್ರದೇಶದಿಂದ ಮತ್ತು ದೆಹಲಿ, ಮಧ್ಯಪ್ರದೇಶ ಮತ್ತು ತಮಿಳುನಾಡಿನಿಂದ ತಲಾ ಎರಡು ಸಾವುಗಳು ಸಂಭವಿಸಿವೆ ಎಂದು ಸಚಿವಾಲಯ ತಿಳಿಸಿದೆ.

ಕೊರೊನಾ ವೈರಸ್​ ಪ್ರಕರಣಗಳು

718 ಸಾವುಗಳಲ್ಲಿ 283 ಸಾವು ಮಹಾರಾಷ್ಟ್ರವೊಂದರಲ್ಲೇ ಸಂಭವಿಸಿವೆ. ಈ ಹಿನ್ನೆಲೆ ಸಾವಿನ ಸಂಖ್ಯೆಯಲ್ಲಿ ಮಹಾರಾಷ್ಟ್ರ ಮೊದಲ ಸ್ಥಾನದಲ್ಲಿದ್ದರೆ, ಗುಜರಾತ್ 112 ಎರಡನೇ ಸ್ಥಾನ. ಉಳಿದಂತೆ ಮಧ್ಯಪ್ರದೇಶ 83, ದೆಹಲಿ 50, ರಾಜಸ್ಥಾನ ಮತ್ತು ಆಂಧ್ರಪ್ರದೇಶದಲ್ಲಿ ತಲಾ 27 ಸಾವು ಸಂಭವಿಸಿವೆ.

ಉತ್ತರ ಪ್ರದೇಶ ಮತ್ತು ತೆಲಂಗಾಣದಲ್ಲಿ ತಲಾ 24 ಸಾವುಗಳು ಸಂಭವಿಸಿದ್ದು, ತಮಿಳುನಾಡಿನಲ್ಲಿ 20 ಮತ್ತು ಕರ್ನಾಟಕದಲ್ಲಿ 17 ಸಾವುಗಳು ಈವರೆಗೆ ಸಂಭವಿಸಿವೆ. ಪಂಜಾಬ್‌ನಲ್ಲಿ 16, ಪಶ್ಚಿಮ ಬಂಗಾಳದಲ್ಲಿ 15, ಜಮ್ಮು ಮತ್ತು ಕಾಶ್ಮೀರದಲ್ಲಿ ಐದು, ಕೇರಳ, ಜಾರ್ಖಂಡ್ ಮತ್ತು ಹರಿಯಾಣದಲ್ಲಿ ತಲಾ ಮೂರು ಜನರು ಸಾವಿಗೀಡಾಗಿದ್ದಾರೆ. ಬಿಹಾರದಲ್ಲಿ ಎರಡು, ಮೇಘಾಲಯ, ಹಿಮಾಚಲ ಪ್ರದೇಶ, ಒಡಿಶಾ ಮತ್ತು ಅಸ್ಸೋಂನಲ್ಲಿ ತಲಾ ಒಂದು ಸಾವು ಸಂಭವಿಸಿದೆ ಎಂದು ಸಚಿವಾಲಯದ ನವೀಕರಿಸಿದ ಅಂಕಿ ಅಂಶಗಳು ತಿಳಿಸಿವೆ.

ಆದಾಗ್ಯೂ, ವಿವಿಧ ರಾಜ್ಯಗಳು ವರದಿ ಮಾಡಿದ ಅಂಕಿ ಅಂಶಗಳ ಪ್ರಕಾರ ದೇಶದಲ್ಲಿ 722 ಸಾವುಗಳು ಸಂಭವಿಸಿವೆ. ವಿವಿಧ ರಾಜ್ಯಗಳು ಘೋಷಿಸಿದ ಸಾವಿನ ಸಂಖ್ಯೆಗೆ ಹೋಲಿಸಿದರೆ ಕೇಂದ್ರ ಆರೋಗ್ಯ ಸಚಿವಾಲಯ ನೀಡಿದ ಅಂಕಿ ಅಂಶ ವಿಳಂಬವಾಗಿದೆ.

ಬೆಳಗ್ಗೆ ಅಪ್ಡೇಟ್​​​ ಮಾಡಲಾದ ಸಚಿವಾಲಯದ ಅಂಕಿ ಅಂಶಗಳ ಪ್ರಕಾರ, ಮಹಾರಾಷ್ಟ್ರದಿಂದ 6,430, ಗುಜರಾತ್ 2,624, ದೆಹಲಿ 2,376, ರಾಜಸ್ಥಾನ 1,964, ಮಧ್ಯಪ್ರದೇಶ 1,699 ಮತ್ತು ತಮಿಳುನಾಡು 1,683 ಪ್ರಕರಣಗಳು ವರದಿಯಾಗಿವೆ.

ಉತ್ತರ ಪ್ರದೇಶದಲ್ಲಿ 1,510, ತೆಲಂಗಾಣದಲ್ಲಿ 960 ಮತ್ತು ಆಂಧ್ರಪ್ರದೇಶದಲ್ಲಿ 895 ಪ್ರಕರಣಗಳಿಗೆ ಏರಿಕೆಯಾಗಿದೆ. ಪಶ್ಚಿಮ ಬಂಗಾಳದಲ್ಲಿ 514, ಕೇರಳದಲ್ಲಿ 447, ಕರ್ನಾಟಕದಲ್ಲಿ 445, ಜಮ್ಮು ಮತ್ತು ಕಾಶ್ಮೀರದಲ್ಲಿ 427, ಪಂಜಾಬ್‌ನಲ್ಲಿ 277 ಮತ್ತು ಹರಿಯಾಣದಲ್ಲಿ 272 ಪ್ರಕರಣಗಳು ಈವರಗೆ ವರದಿಯಾಗಿವೆ.

ಬಿಹಾರದಲ್ಲಿ 153 ಪ್ರಕರಣಗಳು ವರದಿಯಾಗಿದ್ದರೆ, ಒಡಿಶಾದಲ್ಲಿ 90 ಪ್ರಕರಣ. ಜಾರ್ಖಂಡ್‌ನಲ್ಲಿ 53 ಜನರು, ಉತ್ತರಾಖಂಡದಲ್ಲಿ 47 ಮತ್ತು ಹಿಮಾಚಲ ಪ್ರದೇಶದಲ್ಲಿ 40 ಜನರು ಈ ವೈರಸ್‌ಗೆ ತುತ್ತಾಗಿದ್ದಾರೆ. ಛತ್ತೀಸ್​ಗಢ ಮತ್ತು ಅಸ್ಸೋಂನಲ್ಲಿ ಈವರೆಗೆ ತಲಾ 36 ಪ್ರಕರಣಗಳು ಕಂಡುಬಂದಿವೆ. ಹಾಗೆಯೇ ಚಂಡೀಗಢದಲ್ಲಿ 27, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ 22, ಲಡಾಖ್‌ನಿಂದ 18 ಪ್ರಕರಣಗಳು ವರದಿಯಾಗಿವೆ. ಮೇಘಾಲಯದಲ್ಲಿ 12 ಪ್ರಕರಣಗಳು ವರದಿಯಾಗಿದ್ದು, ಗೋವಾ ಮತ್ತು ಪುದುಚೇರಿಯಲ್ಲಿ ತಲಾ ಏಳು ಪ್ರಕರಣ ವರದಿಯಾಗಿವೆ.

ಮಣಿಪುರ ಮತ್ತು ತ್ರಿಪುರದಲ್ಲಿ ತಲಾ ಎರಡು ಪ್ರಕರಣಗಳಿದ್ದು, ಮಿಜೋರಾಂ ಮತ್ತು ಅರುಣಾಚಲ ಪ್ರದೇಶದಲ್ಲಿ ತಲಾ ಒಂದು ಪ್ರಕರಣ ದಾಖಲಾಗಿದೆ.

ಅಂಕಿ - ಅಂಶದಲ್ಲಿ ಏರುಪೇರಾದ ಹಿನ್ನೆಲೆ ನಮ್ಮ ಅಂಕಿ ಅಂಶಗಳನ್ನು ಐಸಿಎಂಆರ್ ಜೊತೆ ಹೊಂದಾಣಿಕೆ ಮಾಡಲಾಗುತ್ತಿದೆ ಎಂದು ಸಚಿವಾಲಯ ತನ್ನ ವೆಬ್‌ಸೈಟ್‌ನಲ್ಲಿ ತಿಳಿಸಿದೆ.