ಹೌದು ಇಂತಹದೊಂದು ಭಯಾನಕ ಘಟನೆ ನಡೆದಿರುವುದು ತಮಿಳುನಾಡಿನ ಚೆನ್ನೈನ ಹೂವಿನ ಮಾರ್ಕೆಟ್ನಲ್ಲಿ.
ಇಲ್ಲಿನ ಕೊಯಂಬೆಡುನ ಹೂವಿನ ಮಾರ್ಕೆಟ್ ಬೆಳಗ್ಗೆಯಿಂದ ಮಧ್ಯೆ ರಾತ್ರಿಯವರೆಗೂ ಜನಜಂಗುಳಿಯಿಂದಲೇ ಕೂಡಿರುತ್ತೆ. ಈ ಹೂವಿನ ಮಾರುಕಟ್ಟೆಗೆ ವ್ಯಾಪಾರಕ್ಕಾಗಿ ಅನೇಕರು ಬರುವುದು ಕಾಮನ್. ಹೀಗೆ ವ್ಯಾಪಾರಕ್ಕಾಗಿ ಬಂದ ಯುವಕ ಮತ್ತು ಯುವತಿಯೊಬ್ಬಳು ಸಮೀಪದ ಹೊಟೇಲ್ನಿಂದ ಬಿರಿಯಾನಿ ಖರೀದಿಸಿ ತಂದಿದ್ದರು.
ಯುವತಿ ತಿನ್ನುತ್ತಿದ್ದ ಬಿರಿಯಾನಿಯಲ್ಲಿ ಚಿಕನ್ ಪೀಸ್ಗಳೇ ಇರಲಿಲ್ಲ. ಈ ವಿಷಯವನ್ನ ಯುವಕನಿಗೆ ಯುವತಿ ಗಮನಕ್ಕೆ ತಂದಿದ್ದಾಳೆ. ಇದೇ ವಿಷಯವಾಗಿ ಇಬ್ಬರೂ ಕಿತ್ತಾಡಿಕೊಂಡಿದ್ದಾರೆ. ಜಗಳ ವಿಕೋಪಕ್ಕೆ ತಿರುಗಿದೆ. ಯುವಕನ ಸಿಟ್ಟು ನೆತ್ತಿಗೇರಿದೆ. ಇದೇ ಸಿಟ್ಟಿನಲ್ಲಿ ಯುವತಿಯ ಕುತ್ತಿಗೆ ಕೊಯ್ದು ಕೊಲೆ ಮಾಡಿದ ಯುವಕ ನಂತರ ಪರಾರಿಯಾಗಿದ್ದಾನೆ.
ಇದನ್ನು ಗಮನಿಸಿದ ಸ್ಥಳೀಯ ವ್ಯಾಪಾರಸ್ಥರು ಸ್ಥಳಕ್ಕೆ ದೌಡಾಯಿಸಿ ಪೊಲೀಸರಿಗೆ ಮಾಹಿತಿ ರವಾನಿಸಿದ್ದಾರೆ. ತಕ್ಷಣ ಸ್ಥಳಕ್ಕೆ ಧಾವಿಸಿದ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಕೊಲೆಗಾರ ಯುವಕನ ಬಂಧನಕ್ಕೆ ಬಲೆ ಬೀಸಿದ್ದಾರೆ.
