ಬೀಜಿಂಗ್:ಮಾರಣಾಂತಿಕ ಕೊರೊನಾ ವೈರಸ್ಗೆ ಚೀನಾದಲ್ಲಿ ಬಲಿಯಾದವರ ಸಂಖ್ಯೆ 500ಕ್ಕೆ ಏರಿಕೆಯಾಗಿದ್ದು, 24,000 ಜನರಲ್ಲಿ ಈ ಮಾರಣಾಂತಿಕ ಸೋಂಕು ಕಂಡು ಬಂದಿದೆ.
ಕೊರೊನಾ ವೈರಸ್ಗೆ ಚೀನಾದಲ್ಲಿ 500 ಸಾವು, ಸೋಂಕಿತರ ಸಂಖ್ಯೆ 24,000ಕ್ಕೆ ಏರಿಕೆ! - ಮಾರಣಾಂತಿಕ ಕೊರೊನಾ ವೈರಸ್
ಮಹಾಮಾರಿ ಕೊರೊನಾಗೆ ಸಾವಿನ ಸಂಖ್ಯೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದು, ಚೀನಾದಲ್ಲಿ ಮೃತರ ಸಂಖ್ಯೆ 500ಕ್ಕೆ ಏರಿಕೆಯಾಗಿದೆ.
Coronavirus
ಮಾರಣಾಂತಿಕ ಕೊರೊನಾ ವೈರಸ್ನಿಂದ ಇಡೀ ವಿಶ್ವವೇ ಬೆಚ್ಚಿಬಿದ್ದಿದ್ದು, ಭಾರತದಲ್ಲೂ ಅಲ್ಲಲ್ಲಿ ಈ ವೈರಸ್ ಕಾಣಸಿಗುತ್ತಿದೆ. ಇನ್ನು ಪಿಲಿಫಿನ್ಸ್ ಹಾಗೂ ಹಾಂಕಾಂಗ್ ನಲ್ಲೂ ಈ ವೈರಾಣು ಕಂಡು ಬಂದಿದ್ದು, ಇಬ್ಬರು ಸಾವನ್ನಪ್ಪಿದ್ದಾಗಿ ತಿಳಿದು ಬಂದಿದೆ.
ಸೋಂಕಿಗೆ ಒಳಗಾಗಿರುವ ವ್ಯಕ್ತಿಗಳಿಗೆ ಪ್ರತ್ಯೇಕವಾಗಿ ಚಿಕಿತ್ಸೆ ನೀಡಲಾಗುತ್ತಿದ್ದು, ಈಗಾಗಲೇ ಆಸ್ಪತ್ರೆಗೆ ದಾಖಲಾಗಿದ್ದ 892 ಸೋಂಕಿತರಿಗೆ ಚಿಕಿತ್ಸೆ ನೀಡಿ ಡಿಸ್ಚಾರ್ಜ್ ಮಾಡಲಾಗಿದೆ ಎಂದು ತಿಳಿದು ಬಂದಿದೆ. ಕೊರೊನಾ ವೈರಸ್ನಿಂದ ಚೀನಾ ಷೇರು ಮಾರುಕಟ್ಟೆಯಲ್ಲೂ ಆತಂಕ ಸೃಷ್ಟಿ ಮಾಡಿದ್ದು, ಹೂಡಿಕೆದಾರರು ತಲ್ಲಣಕ್ಕೊಳಗಾಗಿ ತಮ್ಮ ಷೇರು ಮಾರಾಟ ಮಾಡಿದ್ದಾರೆ ಹೀಗಾಗಿ ಒಂದೇ ದಿನ 30 ಲಕ್ಷ ಕೋಟಿ ನಷ್ಟ ಅನುಭವಿಸಿದ್ದಾರೆ ಎಂದು ತಿಳಿದು ಬಂದಿದೆ.