ನವದೆಹಲಿ:ಕೊರೊನಾ ಸೋಂಕಿನಿಂದ ದೆಹಲಿ ಮತ್ತು ಕರ್ನಾಟಕದಲ್ಲಿ ತಲಾ ಒಂದೊಂದು ಸಾವು ಸಂಭವಿಸಿದೆ. ಇವುಗಳನ್ನೂ ಸೇರಿಸಿದಂತೆ ಭಾರತದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 84ಕ್ಕೆ ಏರಿಕೆಯಾಗಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದೆ.
ಇಲ್ಲಿಯವರೆಗೆ ದೇಶದಲ್ಲಿ 10 ಮಂದಿ ಚಿಕಿತ್ಸೆ ಬಳಿಕ ಆಸ್ಪತ್ರೆಯಿಂದ ಬಿಡುಗಡೆಯಾಗಿ ಮನೆಗೆ ತೆರಳಿದ್ದಾರೆ. 17 ವಿದೇಶಿಗರು ಅದರಲ್ಲಿ 16 ಮಂದಿ ಇಟಲಿ ಮತ್ತು ಓರ್ವ ಕೆನಡಾದ ಪ್ರಜೆಯಲ್ಲಿ ಕೊರೊನಾ ಕಾಣಿಸಿಕೊಂಡಿದೆ.
ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಪ್ರಕಾರ, ದೇಶದಲ್ಲಿ 67 ಕೊರೊನಾ ಸೋಂಕಿತರು ಪತ್ತೆಯಾಗಿದ್ದಾರೆ. ದೆಹಲಿಯಲ್ಲಿ 7(1 ಸಾವು ಸೇರಿದಂತೆ), ಕೇರಳ 19, ಮಹಾರಾಷ್ಟ್ರ 14, ಉತ್ತರ ಪ್ರದೇಶ 11, ಕರ್ನಾಟಕ 6 (1 ಸಾವು ಸೇರಿ), ರಾಜಸ್ಥಾನದಲ್ಲಿ 1, ತೆಲಂಗಾಣ 1, ಲಡಾಖ್ 3, ತಮಿಳುನಾಡು 1, ಜಮ್ಮು ಮತ್ತು ಕಾಶ್ಮೀರ 2, ಪಂಜಾಬ್ 1, ಆಂಧ್ರ ಪ್ರದೇಶದಲ್ಲಿ 1 ಸೋಂಕಿತ ಪ್ರಕರಣ ಪತ್ತೆಯಾಗಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.
ರಾಜಸ್ಥಾನದಲ್ಲಿ ಒಂದು ಮತ್ತು ಮಹಾರಾಷ್ಟ್ರದಲ್ಲಿ ಕೆಲವು ಸೋಂಕಿತರು ಪತ್ತೆಯಾಗಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದ್ದು ಸೋಂಕಿತರ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ.
