ಕೊರೊನಾಗೆ ಇಂದು 7,065, ಎರಡು ದಿನಕ್ಕೆ 13,602 ಮಂದಿ ಬಲಿ, ಒಟ್ಟು ಸತ್ತವರ ಸಂಖ್ಯೆ 63,832: LIVE UPDATE

23:48 April 04

ಜಾಗತಿಕವಾಗಿ 63,832 ಮಂದಿ ಮೃತ..

ನವದೆಹಲಿ: ಜಾಗತಿಕವಾಗಿ ಕೊರೊನಾ ವೈರಸ್​​​​​ ಸಾವಿನ ಕೇಕೆ ಹೊಡೆಯುತ್ತಿದೆ. ಅಮೆರಿಕಾ, ಇಟಲಿ, ಸ್ಪೇನ್‌ ದೇಶಗಳು ಕೊರೊನಾದಿಂದ ದೊಡ್ಡ ಮಟ್ಟಕ್ಕೆ ತತ್ತರಿಸಿವೆ. ಫ್ರಾನ್ಸ್​​, ಬ್ರಿಟನ್​​ನಲ್ಲೂ ಅದೇ ರೀತಿ ಕಾಣಿಸಿಕೊಂಡಿದೆ. ಜಗತ್ತಿನಲ್ಲಿ ಸಾವಿನ ವರದಿಗಳು ಕಡಿಮೆಯಾಗುವ ಲಕ್ಷಣಗಳೇ ಗೋಚಿಸುತ್ತಿಲ್ಲ.

ಕಳೆದ 24 ಗಂಟೆಯಲ್ಲಿ 7,065 ಮಂದಿ ಕೊರೊನಾ ವೈರಸ್​ ಸೋಂಕಿಗೆ ಬಲಿಯಾಗಿದ್ದಾರೆ. ಈ ಮೂಲಕ ಮೃತರ ಸಂಖ್ಯೆ 63,832 ಕ್ಕೆ ಏರಿದೆ. ಏಪ್ರಿಲ್​ 2ರಂದು 50,320 ಮಂದಿ, ನಿನ್ನೆಗೆ ಅದು 56,767ಕ್ಕೆ ಏರಿಕೆ ಕಂಡಿತ್ತು. ಸೋಂಕಿತರ ಸಂಖ್ಯೆಯೂ ವಿಶ್ವದಲ್ಲಿ 11,59,515ಕ್ಕೆ ಏರಿದೆ. ಇಷ್ಟರಲ್ಲಿ 2,37,436 ಮಂದಿ ಮಾತ್ರ ಗುಣಮುಖರಾಗಿದ್ದಾರೆ. ಟರ್ಕಿಯಲ್ಲಿ ಇಂದು 500, ಫ್ರಾನ್ಸ್​​ನಲ್ಲಿ 441 ಮಂದಿ ಹೊಸದಾಗಿ ಮೃತಪಟ್ಟಿದ್ದಾರೆ.

ಭಾರತದಲ್ಲೂ ಸಹ ಕೊರೊನಾ ಪ್ರಕರಣಗಳು ಏರಿಕೆಯಾಗುತ್ತಿವೆ. ಇಂದು 13 ಮಂದಿ ಮೃತಪಟ್ಟಿದ್ದು, ಈ ಮೂಲಕ ಸಾವಿನ ಸಂಖ್ಯೆ 86ಕ್ಕೆ ಏರಿಕೆಯಾಗಿದೆ. ಇಂದು ದೇಶದಲ್ಲಿ 324 ಹೊಸ ಪ್ರಕರಣಗಳ ಪತ್ತೆಯಾಗಿವೆ. ಮಹಾರಾಷ್ಟ್ರದಲ್ಲಿ ಹೆಚ್ಚು (635) ಮಂದಿಗೆ ಸೋಂಕಿತರನ್ನು ಹೊಂದಿದ ಮೊದಲ ರಾಜ್ಯವಾಗಿದೆ. ದೇಶಾದ್ಯಂತ ಸೋಂಕಿತರ ಸಂಖ್ಯೆ 3,082ಕ್ಕೆ ಏರಿದೆ. ಕರ್ನಾಟಕದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 144ಕ್ಕೆ ಏರಿಕೆಯಾಗಿದೆ. ಇಂದು ಒಂದೇ ದಿನ 16 ಮಂದಿಯಲ್ಲಿ ಸೋಂಕು ಪತ್ತೆಯಾಗಿವೆ.

23:25 April 04

ಜಮಾತ್​ ಸಭೆ; ಶಂಕಿತರ ವರದಿ ನೆಗೆಟಿವ್​​​

• ಜಮಾತ್​​ ಸಭೆಯಲ್ಲಿ ಭಾಗವಹಿಸಿದ ಐಎಎಫ್​ ಸಿಬ್ಬಂದಿಗೆ ಕ್ವಾರಂಟೈನ್​ನಿಂದ ನಿರ್ಬಂಧ
• ಐಎಎಫ್​​ ಸಿಬ್ಬಂದಿ ಮತ್ತು ಆತನ ಸಂಪರ್ಕದಲ್ಲಿದ್ದ ಇಬ್ಬರಿಗೆ ಸೋಂಕು ತಗುಲಿದ ಶಂಕೆ ವ್ಯಕ್ತವಾಗಿತ್ತು: ಐಎಎಫ್ ವಕ್ತಾರ
• ಶಂಕೆ ಹಿನ್ನೆಲೆಯಲ್ಲಿ ಮೂವರನ್ನು ಕ್ವಾರಂಟೈನ್​ನಲ್ಲಿ ಇಡಲಾಗಿತ್ತು: ವಕ್ತಾರ
• ನೆಗೆಟಿವ್​ ಬಂದ ಶಂಕಿತರ ಲ್ಯಾಬ್​​​ ವರದಿ

22:50 April 04

ಇಂದು ದೇಶದಲ್ಲಿ 324 ಮಂದಿ ಪ್ರಕರಣಗಳ ಪತ್ತೆ...ಮಹಾರಾಷ್ಟ್ರದಲ್ಲಿ 635ಕ್ಕೆ ಏರಿಕೆ

• ಇಂದು ದೇಶದಲ್ಲಿ 11,182 ಮಂದಿಯ ಮಾದರಿಗಳ ಪರೀಕ್ಷೆ
• ಇಷ್ಟರಲ್ಲಿ 324 ಮಂದಿ ಪಾಸಿಟಿವ್​ ವರದಿ
• ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಮಾಹಿತಿ
• ಮಹಾರಾಷ್ಟ್ರದಲ್ಲಿ 635ಕ್ಕೆ ಏರಿದ ಸೋಂಕಿತರ ಸಂಖ್ಯೆ
• 32 ಮೃತರ ಸಂಖ್ಯೆ, 52 ಮಂದಿ ಡಿಸ್ಚಾರ್ಜ್​​​​

22:01 April 04

43 ಪ್ರಕರಣಗಳ ಪತ್ತೆ...

• ತೆಲಂಗಾಣದಲ್ಲಿ ಇಂದು 43 ಪ್ರಕರಣಗಳ ಪತ್ತೆ...
• 272ಕ್ಕೆ ಏರಿದ ಕೊರೊನಾ ಸೋಂಕಿತರ ಸಂಖ್ಯೆ
• ಕೋವಿಡ್​-19ಕ್ಕೆ ಗುಣಮುಖರಾದ 33 ಮಂದಿ
• ಭಾರತದಲ್ಲಿ 3082 ಪ್ರಕರಣಗಳು ದಾಖಲು
• 86ಕ್ಕೆ ಏರಿದ ಮೃತರ ಸಂಖ್ಯೆ

20:07 April 04

ವಿಶ್ವದಾದ್ಯಂತ 60 ಸಾವಿರ ಮಂದಿಯ ಬಲಿ ತೆಗೆದುಕೊಂಡ ಕೊರೊನಾ

• ವಿಶ್ವದಾದ್ಯಂತ 60 ಸಾವಿರ ಮಂದಿಯ ಬಲಿ ತೆಗೆದುಕೊಂಡ ಕೊರೊನಾ
• ಬ್ರಿಟನ್​​ನಲ್ಲಿ 5 ವರ್ಷದ ಮಗು ಕೊರೊನಾ ಮಹಾಮಾರಿಗೆ ಬಲಿ

19:39 April 04

ಮುಂಬೈನಲ್ಲಿಂದು ನಾಲ್ವರು ಸೋಂಕಿಗೆ ಬಲಿ

• ಮುಂಬೈನಲ್ಲಿಂದು ನಾಲ್ವರು ಸೋಂಕಿಗೆ ಬಲಿ
• ಒಂದೇ ದಿನದಲ್ಲಿ ನಾಲ್ವರ ಸಾವು, ಒಟ್ಟು 22 ಮಂದಿ ಬಲಿ
• ಮುಂಬೈನಲ್ಲಿಂದು ಹೊಸದಾಗಿ 52 ಸೋಂಕಿತರು ಪತ್ತೆ
• ನಗರದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 330ಕ್ಕೆ ಏರಿಕೆ

19:33 April 04

ಪಶ್ಚಿಮ ಬಂಗಾಳದಲ್ಲಿ 24 ಗಂಟೆಯಲ್ಲಿ 11 ಸೋಂಕಿತರು ಪತ್ತೆ

• ಪಶ್ಚಿಮ ಬಂಗಾಳದಲ್ಲಿ 24 ಗಂಟೆಯಲ್ಲಿ 11 ಸೋಂಕಿತರು ಪತ್ತೆ
• ಕೊರೊನಾ ಸೋಂಕಿತರ ಸಂಖ್ಯೆ ರಾಜ್ಯದಲ್ಲಿ 49ಕ್ಕೆ ಏರಿಕೆ
• ಪಶ್ಚಿಮ ಬಂಗಾಳ ಆರೋಗ್ಯ ಇಲಾಖೆಯಿಂದ ಸ್ಪಷ್ಟನೆ

17:58 April 04

ರಾಜ್ಯದಲ್ಲಿ ಒಂದೇ ದಿನ 16 ಸೋಂಕಿತರು ಪತ್ತೆ: ಒಟ್ಟು 144 ಮಂದಿಗೆ ಕೊರೊನಾ

• ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 144ಕ್ಕೆ ಏರಿಕೆ
• ಇಂದು ಒಂದೇ ದಿನ 16 ಮಂದಿಯಲ್ಲಿ ಸೋಂಕು ಪತ್ತೆ
• ಈವರೆಗೆ ರಾಜ್ಯದಲ್ಲಿ ನಾಲ್ಕು ಮಂದಿ ಕೊರೊನಾ ಸೋಂಕಿಗೆ ಬಲಿ
• ದಕ್ಷಿಣ ಕನ್ನಡ ಜಿಲ್ಲೆಯ ಮೂವರಿಗೆ ಕೊರೊನಾ ಸೋಂಕು
• ತಬ್ಲಿಘಿ ಜಮಾತ್​ಗೆ ತೆರಳಿದ್ದ ಮೂವರಲ್ಲಿ ಸೋಂಕು ಪತ್ತೆ
• ಮೈಸೂರಿನಲ್ಲಿ ಮತ್ತೆ ಏಳು ಮಂದಿಯಲ್ಲಿ ಸೋಂಕು ಪತ್ತೆ
• ಮೈಸೂರಿನಲ್ಲಿ ಒಟ್ಟು 28 ಮಂದಿಗೆ ಸೋಂಕು

16:45 April 04

''ಒಟ್ಟು 2,902 ಸೋಂಕಿತರಲ್ಲಿ 1023 ಮಂದಿ ತಬ್ಲಿಘಿ ಜೊತೆ ಸಂಪರ್ಕದಲ್ಲಿದ್ದರು''

• ಈವರೆಗೂ 183 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ
• 'ತಬ್ಲಿಘಿ'ಯಲ್ಲಿ ಭಾಗಿಯಾದವರು, ಅವರ ಜೊತೆಯಲ್ಲಿದ್ದವರಿಗೆ ಸೋಂಕು
• ಒಟ್ಟು 2,902 ಸೋಂಕಿತರಲ್ಲಿ 1023 ಮಂದಿ ತಬ್ಲಿಘಿ ಜೊತೆ ಸಂಪರ್ಕದಲ್ಲಿದ್ದರು
• ದೆಹಲಿಯ ಸುದ್ದಿಗೋಷ್ಠಿಯಲ್ಲಿ  ಕೇಂದ್ರ ಆರೋಗ್ಯ ಇಲಾಖೆ ಸ್ಪಷ್ಟನೆ

16:38 April 04

ಹೆಚ್ಚಿನ ಸೋಂಕಿತರು 21ರಿಂದ 40 ವರ್ಷದೊಳಗಿನವರು : ಕೇಂದ್ರ ಆರೋಗ್ಯ ಇಲಾಖೆ

• 20 ವರ್ಷದೊಳಗಿನ ಶೇ.9ರಷ್ಟು ಮಂದಿಯಲ್ಲಿ ಕೊರೊನಾ ಕಾಣಿಸಿಕೊಂಡಿದೆ
• 21ರಿಂದ 40 ವರ್ಷದೊಳಗಿನ ಶೇಕಡಾ 42ರಷ್ಟು ಮಂದಿಯಲ್ಲಿ ಸೋಂಕು
• 41ರಿಂದ 60ವರ್ಷದೊಳಗಿನ ಶೇಕಡಾ 33ರಷ್ಟು ಮಂದಿಯಲ್ಲಿ ಸೋಂಕು
• 60 ವರ್ಷ ಮೇಲ್ಪಟ್ಟವರಲ್ಲಿ ಶೇಕಡಾ 17ರಷ್ಟು ಮಂದಿಯಲ್ಲಿ ಸೋಂಕು
• ದೆಹಲಿಯ ಸುದ್ದಿಗೋಷ್ಠಿಯಲ್ಲಿ  ಕೇಂದ್ರ ಆರೋಗ್ಯ ಇಲಾಖೆ ಸ್ಪಷ್ಟನೆ

16:27 April 04

ಕೊರೊನಾದಿಂದ ಭಾರತದಲ್ಲಿ ಈವರೆಗೂ 68 ಮಂದಿ ಸಾವು

• ಕೊರೊನಾದಿಂದ ಭಾರತದಲ್ಲಿ ಈವರೆಗೂ 68 ಮಂದಿ ಸಾವು
• ಸುದ್ದಿಗೋಷ್ಠಿಯಲ್ಲಿ ಕೇಂದ್ರ ಆರೋಗ್ಯ ಇಲಾಖೆಯಿಂದ ಸ್ಪಷ್ಟನೆ
• ಈವರೆಗೂ ಭಾರತದಲ್ಲಿ 2,902 ಕೊರೊನಾ ಸೋಂಕಿತ ಪ್ರಕರಣಗಳು
• ನಿನ್ನೆಯಷ್ಟೇ 12 ಮಂದಿ ಕೊರೊನಾ ಸೋಂಕಿನ ಕಾರಣಕ್ಕೆ ಸಾವು
• ಭಾರತದಲ್ಲಿ ಈವರೆಗೂ ಸೋಂಕಿಗೆ 68 ಮಂದಿ ಸಾವನ್ನಪ್ಪಿದ್ದಾರೆ

16:00 April 04

'ತಬ್ಲಿಘಿ'ಯಲ್ಲಿ ಭಾಗವಹಿಸಿದ್ದ 31 ಮಂದಿಯಲ್ಲಿ ಕೊರೊನಾ ದೃಢ

• ಆಗ್ರಾ ಮೂಲದ 197 ಮಂದಿಯಲ್ಲಿ 31 ಮಂದಿಗೆ ಸೋಂಕು
• ಆಗ್ರಾ ಜಿಲ್ಲೆಯಲ್ಲಿ ಈಗ ಒಟ್ಟು 37 ಮಂದಿಗೆ ಸೋಂಕು
• ಆಗ್ರಾ  ಜಿಲ್ಲಾ ಮ್ಯಾಜಿಸ್ಟ್ರೇಟ್​ ಪ್ರಭು ಎನ್​ ಸಿಂಗ್​ ಸ್ಪಷ್ಟನೆ

14:33 April 04

ಲಾಕ್​ಡೌನ್​ ಉಲ್ಲಂಘನೆ: ಒಂದೇ ದಿನದಲ್ಲಿ 387 ಮಂದಿ ಪೊಲೀಸರ ವಶಕ್ಕೆ

• ಪಶ್ಚಿಮ ಬಂಗಾಳದಲ್ಲಿ ಲಾಕ್​ಡೌನ್​ ಉಲ್ಲಂಘಿಸಿದ್ದಕ್ಕೆ ಕೇಸ್​
• ಒಂದೇ ದಿನದಲ್ಲಿ 387 ಮಂದಿಯನ್ನು ವಶಕ್ಕೆ ಪಡೆದ ಪೊಲೀಸರು
• 52 ವಾಹನಗಳು ಸೀಝ್​, 53 ಎಫ್​ಐಆರ್ ದಾಖಲು

14:04 April 04

ಮಧ್ಯಪ್ರದೇಶದಲ್ಲಿ ಸೋಂಕಿಗೆ ಮೂರನೇ ಬಲಿ: ಹೊಸ 6 ಪ್ರಕರಣಗಳ ಪತ್ತೆ

• ಮಧ್ಯಪ್ರದೇಶದ ಭೋಪಾಲ್​ನ 6 ಮಂದಿಯಲ್ಲಿ ಕೊರೊನಾ ಸೋಂಕು ಪತ್ತೆ
• ಮಧ್ಯಪ್ರದೇಶದಲ್ಲಿ ಸೋಂಕಿತರ ಸಂಖ್ಯೆ ಒಟ್ಟು 164ಕ್ಕೆ ಏರಿಕೆ
• ಈವರೆಗೂ ಕೋವಿಡ್​-19 ಸೋಂಕಿಗೆ ಮೂವರ ಬಲಿ
• ಮಧ್ಯಪ್ರದೇಶ ರಾಜ್ಯ ಆರೋಗ್ಯ ಇಲಾಖೆಯಿಂದ ಮಾಹಿತಿ

13:28 April 04

ಅಗತ್ಯ ವಸ್ತುಗಳ ದಾಸ್ತಾನು ಮಾಡಲಾಗಿದ್ದು ಯಾವುದೇ ತೊಂದರೆಯಿಲ್ಲ: ಸಿಎಂ

• ಅಸಂಘಟಿತ ಕಾರ್ಮಿಕರ ಸಮಸ್ಯೆಗಳಿಗೂ ಪರಿಹಾರ ಒದಗಿಸುತ್ತೇವೆ
• ಅಗತ್ಯ ವಸ್ತುಗಳ ದಾಸ್ತಾನು ಮಾಡಲಾಗಿದ್ದು ಯಾವುದೇ ತೊಂದರೆಯಿಲ್ಲ
• ರಾಜ್ಯದಲ್ಲಿ ಸರ್ಕಾರ ತೆಗೆದುಕೊಂಡ ಕ್ರಮಗಳ ಬಗ್ಗೆ ಚರ್ಚೆ ನಡೆಸಿದ್ದೇವೆ
• ಪಕ್ಷಪಾತ ಬಿಟ್ಟು ಎಲ್ಲರೂ ಒಟ್ಟಾಗಿ ಕೊರೊನಾ ವಿರುದ್ಧ ಹೋರಾಡಬೇಕು
• ಸುದ್ಧಿಗೋಷ್ಠಿಯಲ್ಲಿ ಸಂಸದರ, ಸಚಿವರು, ಶಾಸಕರಿಗೆ ಸಿಎಂ ಸಲಹೆ

13:24 April 04

ಹಾಪ್​ಕಾಮ್ಸ್​ ಮೂಲಕ ತರಕಾರಿ ಒದಗಿಸಲು ಕ್ರಮ: ಬಿಎಸ್​ವೈ

• ಅಗತ್ಯ ವಸ್ತುಗಳ ಪೂರೈಕೆಗೆ ಟಾಸ್ಕ್​ ಫೋರ್ಸ್​ ರಚನೆ
• ವಲಸೆ ಕಾರ್ಮಿಕರಿಗೂ ಅಗತ್ಯ ವಸ್ತುಗಳ ಪೂರೈಕೆಗೆ ಕ್ರಮಕೈಗೊಂಡಿದ್ದೇವೆ
• ಹಾಪ್​ಕಾಮ್ಸ್​ ಮೂಲಕ ಎಲ್ಲರಿಗೂ ತರಕಾರಿ ಒದಗಿಸಲು ಕ್ರಮ ಕೈಗೊಳ್ಳುತ್ತೇವೆ

13:22 April 04

ಶಾಸಕರು ಹಾಗೂ ಸಚಿವರೊಂದಿಗೆ ಸಿಎಂ ಬಿಎಸ್​ವೈ ಸುದ್ದಿಗೋಷ್ಠಿ

• ರಾಜ್ಯದಲ್ಲಿ ಕೊರೊನಾ ಸೋಂಕಿತರಿಗೆ ವೆಂಟಿಲೇಟರ್​ ಅಳವಡಿಸಿಲ್ಲ
• ಇಬ್ಬರಿಗೆ ಮಾತ್ರ ಆಕ್ಸಿಜನ್ ಪೂರೈಕಗೆ ವ್ಯವಸ್ಥೆ ಮಾಡಲಾಗಿದೆ
• ಪಡಿತರ ಚೀಟಿ ಇಲ್ಲದವರೂ ಪಡಿತರ ಪಡೆಯಬಹುದು

12:43 April 04

ಕೊರೊನಾ ಸೋಂಕು ನಿರ್ವಹಣಾ​ ಕೇಂದ್ರಗಳಾಗಿ ಆಸ್ಪತ್ರೆಗಳ ಪರಿವರ್ತನೆ

• ನವದೆಹಲಿಯ ಎರಡು ಆಸ್ಪತ್ರೆಗಳು ಸೋಂಕು ನಿರ್ವಹಣಾ ಕೇಂದ್ರಗಳಾಗಿ ಪರಿವರ್ತನೆ
• ಲೋಕನಾಯಕ ಜಯಪ್ರಕಾಶ ನಾರಾಯಣ, ಜಿ.ಬಿ.ಪಂತ್​ ಆಸ್ಪತ್ರೆಗಳ ಪರಿವರ್ತನೆ
• ಏಕಕಾಲಕ್ಕೆ 2 ಸಾವಿರ ಸೋಂಕಿತರಿಗೆ ಚಿಕಿತ್ಸೆ ನೀಡುವ ಸಾಮರ್ಥ್ಯ
• ಆಸ್ಪತ್ರೆಗಳ ಮೆಡಿಕಲ್​ ಡೈರೆಕ್ಟರ್​ ಡಾ.ಜೆ.ಸಿ. ಪಸ್ಸಿ ಸ್ಪಷ್ಟನೆ

12:14 April 04

ಮಹಾರಾಷ್ಟ್ರದಲ್ಲಿಂದು 47 ಮಂದಿಯಲ್ಲಿ ಸೋಂಕು ಪತ್ತೆ

• ಮಹಾರಾಷ್ಟ್ರದಲ್ಲಿಂದು 47 ಮಂದಿಗೆ ಕೊರೊನಾ ಸೋಂಕು
• ಮುಂಬೈನಲ್ಲಿ 28, ಥಾಣೆಯಲ್ಲಿ 15, ಅಮ್ರಾವತಿಯಲ್ಲಿ 1
• ಪುಣೆಯಲ್ಲಿ 2, ಪಿಂಪ್ರಿ ಚಿಂಚವಾಡ್​ದಲ್ಲಿ 1 ಪ್ರಕರಣ ಪತ್ತೆ
• 537ಕ್ಕೆ ಏರಿಕೆಯಾದ ಒಟ್ಟು ಕೊರೊನಾ ಸೋಂಕಿತರ ಸಂಖ್ಯೆ
• ಮಹಾರಾಷ್ಟ್ರ ಆರೋಗ್ಯ ಇಲಾಖೆಯಿಂದ ಮಾಹಿತಿ

12:05 April 04

ತಮಿಳುನಾಡಿನಲ್ಲಿ ಕೊರೊನಾ ಸೋಂಕಿಗೆ ಎರಡನೇ ಬಲಿ

• ತಮಿಳುನಾಡಿನಲ್ಲಿ ಮತ್ತೊಬ್ಬ ಸೋಂಕಿತ ವ್ಯಕ್ತಿಯ ಉಸಿರು ನಿಲ್ಲಿಸಿದ ಕೊರೊನಾ
• ತಿರುಪ್ಪುರದಲ್ಲಿ 52 ವರ್ಷದ ವ್ಯಕ್ತಿ  ಕೊರೊನಾಗೆ ಬಲಿ
• ಈವರೆಗೂ ಕೊರೊನಾಗೆ ಮೃತಪಟ್ಟವರು ಸಂಖ್ಯೆ 2
• ತಮಿಳುನಾಡಿನಲ್ಲಿ ಒಟ್ಟು ಕೊರೊನಾ ಸೋಂಕಿತರು 411 ಮಂದಿ

11:45 April 04

108 ವೈದ್ಯಕೀಯ ಸಿಬ್ಬಂದಿಗೇ ಕ್ವಾರಂಟೈನ್​​: ಶ್ರೀಗಂಗಾ ರಾಮ್​​​ ಆಸ್ಪತ್ರೆಯಲ್ಲಿ ಆತಂಕ

• ದೆಹಲಿಯ ಶ್ರೀ ಗಂಗಾರಾಮ್​ ಆಸ್ಪತ್ರೆಯ ಸಿಬ್ಬಂದಿಗೆ ಕ್ವಾರಂಟೈನ್​​
• ಆಸ್ಪತ್ರೆಯ ರೋಗಿಯೊಬ್ಬನಲ್ಲಿ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಕ್ರಮ
• 23 ಮಂದಿಗೆ ಆಸ್ಪತ್ರೆಯೊಳಗೆ ಕ್ವಾರಂಟೈನ್​ ವಿಧಿಸಿದ ಸರ್ಕಾರ
• 85 ಮಂದಿಗೆ ಹೋಮ್​ ಕ್ವಾರಂಟೈನ್​, ಮುಂಜಾಗ್ರತೆ ವಹಿಸಲು ಸೂಚನೆ

11:39 April 04

ಗುಜರಾತ್​​​​ನಲ್ಲಿ ಕೊರೊನಾಗೆ ಹತ್ತನೇ ಬಲಿ

• ಗುಜರಾತ್​​​​ನ ಅಹಮದಾಬಾದ್​ನಲ್ಲಿ ಕೊರೊನಾಗೆ ಮತ್ತೊಂದು ಬಲಿ
• ಕೊರೊನಾ ಸೋಂಕಿಗೆ ಈವರೆಗೂ ಬಲಿಯಾದವರು 10 ಮಂದಿ
• ಹೊಸದಾಗಿ ಹತ್ತು ಮಂದಿಯಲ್ಲಿ ಕೊರೊನಾ ಸೋಂಕು ಪತ್ತೆ
• ರಾಜ್ಯದಲ್ಲಿ ಒಟ್ಟು 105 ಸೋಂಕಿತರಿದ್ದಾರೆ: ಗುಜರಾತ್​​ ಆರೋಗ್ಯ ಇಲಾಖೆ

11:24 April 04

12 ಗಂಟೆಯಲ್ಲೇ 60 ಸೋಂಕಿತರು ಪತ್ತೆ: ಆಂಧ್ರದಲ್ಲಿ ತಳಮಳ

• 12 ಗಂಟೆಯಲ್ಲಿ 60 ಕೊರೊನಾ ಸೋಂಕಿತ ಪ್ರಕರಣಗಳು ಪತ್ತೆ
• ಆಂಧ್ರದಲ್ಲಿ 180ಕ್ಕೆ ಏರಿಕೆಯಾದ ಒಟ್ಟು ಸೋಂಕಿತರ ಸಂಖ್ಯೆ
• ಈ ಮೊದಲು ಕರ್ನೂಲ್​ನಲ್ಲಿ ಮೂವರು ಕೊರೊನಾ ಸೋಂಕಿತರು ಪತ್ತೆ

11:08 April 04

ಏಮ್ಸ್​ ಉದ್ಯೋಗಿಗಳಿಂದ ಪಿಎಂ ಕೇರ್ಸ್​ಗೆ ಒಂದು ದಿನದ ವೇತನ

• ಕೊರೊನಾ ವಿರುದ್ಧ ಹೋರಾಟಕ್ಕೆ ಏಮ್ಸ್​ ಉದ್ಯೋಗಿಗಳ ಸಹಕಾರ
• ಏಮ್ಸ್​ನ ಎಲ್ಲಾ ಉದ್ಯೋಗಿಗಳಿಂದ ಪಿಎಂ ಕೇರ್ಸ್​​ಗೆ ಕೊಡುಗೆ
• ಒಂದು ದಿನದ ವೇತನವನ್ನು ಪಿಎಂ ಕೇರ್ಸ್​ಗೆ ನೀಡಿದ ಉದ್ಯೋಗಿಗಳು

11:05 April 04

ರಾಜಸ್ಥಾನದ ಹೊಸದಾಗಿ 10 ಮಂದಿಯಲ್ಲಿ ಕೊರೊನಾ ಸೋಂಕು

• ರಾಜಸ್ಥಾನದ ಜೋಧಪುರದಲ್ಲಿ 10 ಮಂದಿಯಲ್ಲಿ ಕೊರೊನಾ ದೃಢ
• ಒಟ್ಟು ಸೋಂಕಿತರ ಸಂಖ್ಯೆ ರಾಜಸ್ಥಾನದಲ್ಲಿ 201ಕ್ಕೆ ಏರಿಕೆ
• ಒಟ್ಟು ಸೋಂಕಿತರಲ್ಲಿ 41 ಮಂದಿ ತಬ್ಲಿಘಿ ಜಮಾತ್​​ನಿಂದ ಬಂದವರು
• ಇಂದು ಬೆಳಗ್ಗೆ  ಬಿಕಾನೇರ್​ನಲ್ಲಿ 60 ವರ್ಷದ ಸೋಂಕಿತೆ ಸಾವು

10:59 April 04

ಖಾದಿಯ ಮಾಸ್ಕ್​ ತಯಾರಿಸಲು ಯೋಗಿ ಆದಿತ್ಯನಾಥ್​ ಸೂಚನೆ

• ಖಾದಿ ಬಟ್ಟೆಯ ಮೂರು ಪದರಗಳ ಮಾಸ್ಕ್​​ ತಯಾರಿಸಲು ಸಿಎಂ ಸೂಚನೆ
• ಉತ್ತರಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ಸೂಚನೆ
• ಮರುಬಳಕೆಗೆ ಸಾಧ್ಯವಾಗುವ 66 ಕೋಟಿ ಮಾಸ್ಕ್​​ ತಯಾರಿಕೆ ಆದೇಶ
• ಬಡವರಿಗೆ ರಿಯಾಯಿತಿ ದರದಲ್ಲಿ ಮಾಸ್ಕ್​ ನೀಡಲು ಕ್ರಮ

10:11 April 04

ಲಾಕ್​ಡೌನ್​ ಉಲ್ಲಂಘಿಸಿ ವಾಯುವಿಹಾರ, 41 ಮಂದಿ ಪೊಲೀಸರ ವಶಕ್ಕೆ

• ಲಾಕ್​ಡೌನ್​ ಉಲ್ಲಂಘಿಸಿ ವಾಯು ವಿಹಾರಕ್ಕೆ ಹೊರಟಿದ್ದವರು ಪೊಲೀಸರ ವಶಕ್ಕೆ
• ಕೊಚ್ಚಿನ ಪನಂಬಿಲ್ಲಿ ನಗರದಲ್ಲಿ ಪ್ರದೇಶದಲ್ಲಿ 41 ಮಂದಿ ಪೊಲೀಸರ ವಶಕ್ಕೆ
• ಡ್ರೋಣ್ ಕೆಮರಾ ಆಧರಿಸಿ ವಾಯು ವಿಹಾರಿಗಳ ವಶಕ್ಕೆ ಪಡೆದ ಪೊಲೀಸರು

10:06 April 04

ತಬ್ಲಿಘಿ ಜಮಾತ್​​​ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ 6 ಮಂದಿಗೆ ಕೊರೊನಾ

• 'ತಬ್ಲಿಘಿ'ಯಲ್ಲಿ ಪಾಲ್ಗೊಂಡಿದ್ದ ಉತ್ತರ ಪ್ರದೇಶದ 6 ಮಂದಿಗೆ ಕೊರೊನಾ
• ಉತ್ತರ ಪ್ರದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 219ಕ್ಕೆ ಏರಿಕೆ

10:01 April 04

ರಾಜಸ್ಥಾನದಲ್ಲಿ ಕೋವಿಡ್​-19ಗೆ ಮಹಿಳೆ ಬಲಿ

• ರಾಜಸ್ಥಾನದ ಬಿಕಾನೇರ್​ನಲ್ಲಿ ಕೊರೊನಾ ಮಹಾಮಾರಿಗೆ ಮಹಿಳೆ ಬಲಿ
• ಹೊಸದಾಗಿ 12 ಕೊರೊನಾ ಪ್ರಕರಣಗಳು ರಾಜಸ್ಥಾನದಲ್ಲಿ ಪತ್ತೆ
• ರಾಜಸ್ಥಾನದಲ್ಲಿ ಒಟ್ಟು 191 ಮಂದಿ ಕೊರೊನಾ ಸೋಂಕಿತರು ಪತ್ತೆ
• 191 ಮಂದಿಯಲ್ಲಿ 41 ಮಂದಿ ತಬ್ಲಘಿ ಜಮಾತ್​ನ ಕಾರ್ಯಕ್ರಮದಲ್ಲಿ ಭಾಗಿ
• ಸೋಂಕಿತರ ಕುರಿತು ರಾಜಸ್ಥಾನ ಆರೋಗ್ಯ ಇಲಾಖೆಯಿಂದ ಸ್ಪಷ್ಟನೆ

09:09 April 04

ಅಮೆರಿಕದಲ್ಲಿ ಮಾರಕ ವೈರಸ್​ ರುದ್ರನರ್ತನ, 24 ಗಂಟೆಯಲ್ಲಿ 1,500 ಮಂದಿ ಬಲಿ

• ಅಮೆರಿಕದಲ್ಲಿ ಮಾರಕ ವೈರಸ್​ ರುದ್ರನರ್ತನ ತೋರಿದೆ. ಕೇವಲ 24 ಗಂಟೆಯಲ್ಲಿ 1,500 ಮಂದಿ ಬಲಿಯಾಗಿದ್ದಾರೆ.