ಉತ್ತರ ಪ್ರದೇಶದಲ್ಲಿ ಬ್ರಾಹ್ಮಣರನ್ನು ತಲುಪುವ ಕಾಂಗ್ರೆಸ್​ ನಿಲುವು ರಾಜಕೀಯೇತರ: ಜಿತಿನ್ ಪ್ರಸಾದ್

ಉತ್ತರ ಪ್ರದೇಶದ ಕಾಂಗ್ರೆಸ್​ ಸಂಸದ ಜಿತಿನ್ ಪ್ರಸಾದರೊಂದಿಗೆ ಈಟಿವಿ ಭಾರತ ಸಂದರ್ಶನ ನಡೆಸಿದ್ದು, ಈ ಸಂದರ್ಶನ ವರದಿ ಇಲ್ಲಿದೆ...

ಪ್ರಶ್ನೆ:ಉತ್ತರಪ್ರದೇಶದಲ್ಲಿ ಕಾಂಗ್ರೆಸ್​ನಿಂದ ದೂರ ಸರಿದಿರುವ ಬ್ರಾಹ್ಮಣ ಸಮುದಾಯವನ್ನು ಒಂದುಗೂಡಿಸಲು ನೀವು ಮಾಡಿದ ಪ್ರಯತ್ನದ ಬಗ್ಗೆ ಪ್ರತಿಕ್ರಿಯೆ ಏನು?

ಉತ್ತರ: ನಮಗೆ ಉತ್ತಮ ಪ್ರತಿಕ್ರಿಯೆ ಬರುತ್ತಿದೆ. ಇದು ಕೆಲವು ವರ್ಷಗಳ ಹಿಂದೆ, ಬ್ರಾಹ್ಮಣ ಚೇತನಾ ಪರಿಷತ್ತಿನ ಬ್ಯಾನರ್ ಅಡಿಯಲ್ಲಿ ರೂಪುಗೊಂಡ ಪಕ್ಷೇತರ ಉಪಕ್ರಮವಾಗಿದೆ. ಆಗ ನಾನು ಸಮುದಾಯದ ಸದಸ್ಯರನ್ನು ಭೇಟಿಯಾಗಲು ಪ್ರಾರಂಭಿಸಿದ್ದೆ. ಲಾಕ್‌ಡೌನ್ ವೇಳೆಗೆ ಸುಮಾರು 20 ಜಿಲ್ಲೆಗಳನ್ನು ಕವರ್​ ಮಾಡಿದ್ದೇನೆ. ಸಮುದಾಯದ ಸದಸ್ಯರ ವಿರುದ್ಧದ ಅಪರಾಧಗಳ ಪ್ರಕರಣಗಳ ಬಗ್ಗೆ ಕಳವಳಗಳಿವೆ. ಮತ್ತು ಸಮುದಾಯದ ವಿರುದ್ಧ ಪಕ್ಷಪಾತವಿದೆ ಎಂಬ ಅಭಿಪ್ರಾಯವೂ ಇದೆ. ಇದು ರಾಜ್ಯ ಪ್ರಾಯೋಜಿತ ಎಂದು ನಾನು ಹೇಳುತ್ತಿಲ್ಲ. ಆದರೆ ಇಂತಹ ಅಪರಾಧಗಳಿಗೆ ಬಲಿಯಾದ ಅನೇಕರು ಬ್ರಾಹ್ಮಣರು. ಇದು ದಾಖಲೆಗಳಿಂದ ಸಾಬೀತಾಗಿದೆ. ಉದಾಹರಣೆಗೆ, ಪಶ್ಚಿಮ ಉತ್ತರ ಪ್ರದೇಶದ ಮೈನ್‌ಪುರಿಯಲ್ಲಿ ನವೋದಯ ವಿದ್ಯಾಲಯದ ಬಾಲಕಿಯನ್ನು ಕಿರುಕುಳ ನೀಡಿ ಕೊಲ್ಲಲಾಯಿತು. ಈ ಸಂಬಂಧ ಜಿಲ್ಲಾಧಿಕಾರಿ ಹಾಗೂ ಪೊಲೀಸ್ ವರಿಷ್ಠಾಧಿಕಾರಿಗಳನ್ನು ವರ್ಗಾಯಿಸಿದರೂ ಯಾವುದೇ ಕ್ರಮ ಕೈಗೊಂಡಿಲ್ಲ. ಆ ವೇಳೆ ನಾನು ಅವರ ಕುಟುಂಬ ಮತ್ತು ಪ್ರಿಯಾಂಕಾ ಗಾಂಧಿ ವಾದ್ರಾರನ್ನು ಭೇಟಿ ಮಾಡಿದ್ದೆ. ಜೊತೆಗೆ ಮುಖ್ಯಮಂತ್ರಿಗೆ ಪತ್ರವನ್ನೂ ಬರೆದಿದ್ದೆ. ಇಂತಹ ಕೃತ್ಯಗಳು ಝಾನ್ಸಿ, ಇಟವಾ ಮತ್ತು ಸುಲ್ತಾನ್​ಪುರದಲ್ಲಿ ನಡೆದ ನಿದರ್ಶನಗಳೂ ಇವೆ.

ಪ್ರಶ್ನೆ: ಹಾಗಾದರೆ, ಈ ಉಪಕ್ರಮದ ಮೂಲಕ ನೀವು ಏನನ್ನು ಸಾಧಿಸಲು ಬಯಸುತ್ತೀರಿ?

ಉತ್ತರ: ಸಮುದಾಯವನ್ನು ಒಂದುಗೂಡಿಸಿ ಅವರಿಗೆ ವೇದಿಕೆ ನೀಡುವುದು ನನ್ನ ಉದ್ದೇಶ. ನಾನು ಆನ್‌ಲೈನ್ ಸಂವಾದಗಳನ್ನು ಮಾಡುತ್ತಿದ್ದೇನೆ. ಈಗಾಗಲೇ ಜಿಲ್ಲಾ ಮಟ್ಟದ 30 ಸಂವಾದಗಳನ್ನು ನಡೆಸಿದ್ದೇನೆ. ಉಳಿದ ಜಿಲ್ಲೆಗಳಲ್ಲಿ ಮುಂದಿನ ತಿಂಗಳಲ್ಲಿ ಸಂವಾದ ನಡೆಸುತ್ತೇವೆ. ಸಮುದಾಯವು ಅನಾಥ ಭಾವನೆ ಹೊಂದಿತ್ತು. ಹೀಗಾಗಿ ಲಖನೌ ಅಥವಾ ದೆಹಲಿಯಲ್ಲಿ ಯಾರಾದರೂ ಅವರ ಮಾತುಗಳನ್ನು ಕೇಳುತ್ತಾರೆ ಎಂಬ ಭರವಸೆಯನ್ನು ನಾನು ಅವರಿಗೆ ನೀಡಲು ಪ್ರಯತ್ನಿಸುತ್ತೇನೆ. ಇಂದು ಸಮುದಾಯದಲ್ಲಿ ಅಪರಾಧಿಗಳು ತುಂಬಿದ್ದಾರೆ ಎಂದು ಚಿತ್ರಿಸಲಾಗುತ್ತಿದೆ. ಆದರೆ ಅದು ನಿಜವಲ್ಲ. ಯಾವುದೇ ಸಾರ್ವಜನಿಕ ಬೆಂಬಲವಿಲ್ಲದೆ 2 ತಿಂಗಳಿಗಿಂತ ಹೆಚ್ಚು ಭೂಮಿ ಮೇಲೆ ಏನನ್ನೂ ಉಳಿಸಿಕೊಳ್ಳಲು ಸಾಧ್ಯವಿಲ್ಲ.

ಪ್ರಶ್ನೆ: ಈ ಕ್ರಮವನ್ನು ಪಕ್ಷೇತರ ಎಂದು ನೀವು ಬಣ್ಣಿಸಿದ್ದರೂ, ಅದರ ಹಿಂದಿನ ರಾಜಕೀಯ ಉದ್ದೇಶವನ್ನು ಜನರು ಗ್ರಹಿಸುವುದು ಸಹಜ. ಇದರ ಬಗ್ಗೆ ನಿಮ್ಮ ಪ್ರತಿಕ್ರಿಯೆ ಏನು?

ಉತ್ತರ: ನಾನು ಉತ್ತರ ಪ್ರದೇಶದಲ್ಲಿ ಬ್ರಾಹ್ಮಣ ನಾಯಕನಾಗಿ ಗುರುತಿಸಿಕೊಳ್ಳುವ ಗುರಿ ಹೊಂದಿಲ್ಲ. ಆದರೂ, ರಾಜಕಾರಣಿಯ ಯಾವುದೇ ನಡೆಯು ರಾಜಕೀಯ ಉದ್ದೇಶವನ್ನು ಹೊಂದಿರುವಂತೆ ಕಂಡುಬರುತ್ತದೆ. ಇದು ರಾಜಕೀಯೇತರ ವಿಚಾರ ಮತ್ತು ಅದು ಮತಗಳಿಗಾಗಿ ಅಲ್ಲ. ಹೀಗಾಗಿ ನಾವು ಅದನ್ನು ಬ್ರಾಹ್ಮಣ ಚೇತನಾ ಪರಿಷತ್ ಬ್ಯಾನರ್ ಅಡಿಯಲ್ಲಿ ಮಾಡುತ್ತಿದ್ದೇವೆ. ಈ ಕಾರ್ಯಕ್ರಮ ಯಾರೊಬ್ಬರ ಹಕ್ಕುಗಳನ್ನು ಕಸಿದುಕೊಳ್ಳುವತ್ತ ಗಮನಹರಿಸುವುದಿಲ್ಲ. ಬದಲಾಗಿ ಸಮುದಾಯದ ಹಕ್ಕುಗಳಿಗಾಗಿ ನಾವು ಹೋರಾಡುತ್ತಿದ್ದೇವೆ. ರಾಜ್ಯ ಸರ್ಕಾರದಲ್ಲಿ ಮತ್ತು ಅಧಿಕಾರದಲ್ಲಿ ಸಮುದಾಯದ ಸಾಂಕೇತಿಕ ಪ್ರಾತಿನಿಧ್ಯವಷ್ಟೇ ಇದೆ.

ಪ್ರಶ್ನೆ: ದೆಹಲಿಯ ಮಾಜಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್ ಅವರನ್ನು ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಘೋಷಿಸುವ ಮೂಲಕ 2017 ರಲ್ಲಿ ಕನಿಷ್ಟ ಶೇ. 10 ರಷ್ಟು ಬ್ರಾಹ್ಮಣ ಸಮುದಾಯವನ್ನು ಸೆಳೆಯುವಲ್ಲಿ ಕಾಂಗ್ರೆಸ್ ವಿಫಲವಾಗಿದೆ. 2022 ರ ಚುನಾವಣೆಗೆ ಪಕ್ಷವು ಸಿಎಂ ಅಭ್ಯರ್ಥಿಯನ್ನು ಯೋಜಿಸುತ್ತದೆಯೇ?

ಉತ್ತರ: ಸಿಎಂ ಅಭ್ಯರ್ಥಿಯನ್ನು ನಿರ್ಧರಿಸುವುದು ಒಂದು ಕಾರ್ಯತಂತ್ರದ ನಿರ್ಧಾರ. ಅಲ್ಲದೆ ಅದನ್ನು ಪಕ್ಷದ ನಾಯಕರು ತೆಗೆದುಕೊಳ್ಳುತ್ತಾರೆ. ನಾವು 2017 ರಲ್ಲಿ ಶೀಲಾ ಅವರನ್ನು ಯೋಜಿಸಿದ್ದೆವು. ಆದರೆ ನಂತರ ನಾವು ಸಮಾಜವಾದಿ ಪಕ್ಷದೊಂದಿಗೆ ಮೈತ್ರಿ ಮಾಡಿಕೊಂಡಿದ್ದರಿಂದ ಅವರ ಉಮೇದುವಾರಿಕೆಯನ್ನು ಹಿಂತೆಗೆದುಕೊಳ್ಳಲಾಯಿತು.

ಪ್ರಶ್ನೆ:ಉತ್ತರ ಪ್ರದೇಶದಲ್ಲಿ ಪಕ್ಷದಿಂದ ದೂರ ಸರಿದ ದಲಿತರು ಮತ್ತು ಮುಸ್ಲಿಮರಂತಹ ಇತರ ಸಾಂಪ್ರದಾಯಿಕ ಕಾಂಗ್ರೆಸ್ ಮತದಾರರನ್ನು ಮರಳಿ ಪಕ್ಷಕ್ಕೆ ಸೆಳೆಯಲು ಯಾವುದಾದರೂ ಯೋಜನೆ ಇದೆಯೇ?

ಉತ್ತರ:ನಾವು ಕಾನೂನು ಮತ್ತು ಸುವ್ಯವಸ್ಥೆ, ಮೂಲಸೌಕರ್ಯ, ಜನರ ಜೀವನದ ಮೇಲೆ ಪರಿಣಾಮ ಬೀರುವ ಮತ್ತು ಎಲ್ಲಾ ಸಮುದಾಯಗಳ ಮೇಲೆ ಪ್ರಭಾವ ಬೀರುವ ಉದ್ಯೋಗಗಳಂತಹ ನೈಜ ವಿಷಯಗಳ ಬಗ್ಗೆ ಗಮನ ಹರಿಸಿದ್ದೇವೆ.

ಪ್ರಶ್ನೆ: 2017 ರ ಯುಪಿ ವಿಧಾನಸಭಾ ಚುನಾವಣೆಗೆ ಕಾಂಗ್ರೆಸ್ ಮತ್ತು ಸಮಾಜವಾದಿ ಪಕ್ಷದ ಮೈತ್ರಿ ಒಂದು ವಿಪತ್ತಾಗಿ ಪರಿಣಮಿಸಿತ್ತು. 2022 ರಲ್ಲಿ ಸಮಾಜವಾದಿ ಪಕ್ಷ ಅಥವಾ ರಾಷ್ಟ್ರೀಯ ಲೋಕ ದಳದ ಜೊತೆ ಕೈಜೋಡಿಸುವಿರಾ?

ಉತ್ತರ:ನಾವು ಯಾವುದೇ ಮೈತ್ರಿ ಮಾಡಿಕೊಳ್ಳುವುದಿಲ್ಲ. ನಾವು ಏಕಾಂಗಿಯಾಗಿ ಮುಂದೆ ಸಾಗುತ್ತೇವೆ. ಇದಕ್ಕಾಗಿ ಈಗಾಗಲೆ ಸಿದ್ಧತೆಗಳು ಪ್ರಾರಂಭವಾಗಿವೆ. ಚುನಾವಣೆಗಾಗಿ ನಾವು ಸಜ್ಜಾಗುತ್ತಿದ್ದೇವೆ. ಸಂಘಟನೆಯ ಸಂಪೂರ್ಣ ಕೂಲಂಕುಷ ಪರೀಕ್ಷೆ ನಡೆದಿದೆ ಮತ್ತು ನಾವು ಸರ್ಕಾರವನ್ನು ಒಂಟಿಯಾಗಿಯೇ ತೆಗೆದುಕೊಳ್ಳುತ್ತಿದ್ದೇವೆ. ಕಾಂಗ್ರೆಸ್ ಇಂದು ಪ್ರಬಲ ಪ್ರತಿಪಕ್ಷವಾಗಿದೆ.

ಪ್ರಶ್ನೆ: ಮುಂದಿನ ವಿಧಾನಸಭಾ ಚುನಾವಣೆಗೆ ಮುನ್ನ ರಾಮ ಮಂದಿರದ ವಿಷಯವನ್ನು ಬಿಜೆಪಿ ಪ್ರಸ್ತಾಪಿಸಲು ಯತ್ನಿಸಿದರೆ ಕಾಂಗ್ರೆಸ್ ಪ್ರತಿಕ್ರಿಯೆ ಏನು?

ಉತ್ತರ: ನಮ್ಮ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಆ ವಿಷಯದ ಬಗ್ಗೆ ಪಕ್ಷದ ನಿಲುವಿನ ಬಗೆಗೆ ಹೇಳಿಕೆ ನೀಡಿದ್ದಾರೆ. ಅದುವೇ ಪಕ್ಷದ ನಿಲುವಾಗಿರುತ್ತದೆ. ನಾವು ರಾಮ ಮಂದಿರ ವಿಚಾರವನ್ನು ಸ್ವಾಗತಿಸುತ್ತೇವೆ.