ಆಂಧ್ರದಲ್ಲಿ ನಾಯ್ಡುಗೆ ಗರ್ವಭಂಗ?.. ಟ್ರೆಂಡಿಂಗ್​ನಲ್ಲಿ ಭಾರಿ ಮುನ್ನಡೆ ಕಾಯ್ದುಕೊಂಡ ಜಗನ್​

ಲೋಕಸಭಾ ಚುನಾವಣೆಯೊಂದಿಗೆ ತೀವ್ರ ಕುತೂಹಲ ಕೆರಳಿಸಿದ್ದ ಆಂಧ್ರ ವಿಧಾನಸಭೆ ಚುನಾವಣೆ ಮತ ಎಣಿಕೆ ಪ್ರಾರಂಭವಾಗಿದ್ದು, ಜಗನ್​ ನೇತೃತ್ವದ ವೈಎಸ್​​ಆರ್​ಸಿಪಿ ಭರ್ಜರಿ ಮುನ್ನಡೆ ಸಾಧಿಸಿದೆ.

ಹೈದರಾಬಾದ್​:ಮುನ್ನಡೆಯಲ್ಲಿ ವೈಎಸ್​​ಆರ್​ ಕಾಂಗ್ರೆಸ್​ ಮ್ಯಾಜಿಕ್​ ನಂಬರ್​ ದಾಟಿದ್ದು, ಚಂದ್ರಬಾಬು ನಾಯ್ಡು ನೇತೃತ್ವದ ಟಿಡಿಪಿ ಪಕ್ಷಕ್ಕೆ ಭಾರೀ ಹಿನ್ನಡೆ ಉಂಟಾಗಿದೆ. ಕೇಂದ್ರದಲ್ಲಿ ತೃತೀಯರಂಗದ ಪ್ರಮುಖ ನಾಯಕರಲ್ಲಿ ಗುರುತಿಸಿಕೊಂಡಿದ್ದ ಚಂದ್ರಬಾಬು ನಾಯ್ಡುಗೆ ಈಗಿನ ಲೆಕ್ಕಾಚಾರ ಮುಜುಗರ ತಂದಿದೆ.

ಕೇಂದ್ರದ ವಿರುದ್ಧ ಸಿಡಿದೆದ್ದ ಬಾಬುಗೆ ಜಗನ್​ ಭಾರಿ ಪಂಚ್​

ಈ ನಡುವೆ ಆಂಧ್ರದಲ್ಲಿ ಭಾರಿ ಹವಾ ಕ್ರಿಯೇಟ್ ಮಾಡಿದ್ದ ಪವನ್​ ಕಲ್ಯಾಣ್​ ಅಣ್ಣನಂತೆ ಪ್ಲಾಪ್​ ಶೋ ನಡೆಸಿದ್ದಾರೆ. ಇವರ ಜನಸೇನಾ ಪಾರ್ಟಿ ಸದ್ಯಕ್ಕೆ ಖಾತೆ ತೆರೆಯಲು ವಿಫಲವಾಗಿದೆ.

ಇನ್ನೊಂದೆಡೆ ಕೇಂದ್ರದ ವಿರುದ್ಧ ಸಿಡಿದೆದ್ದಿದ್ದ ಚಂದ್ರಬಾಬು ನಾಯ್ಡು ವೈಎಸ್​ಆರ್​ ಕಾಂಗ್ರೆಸ್​ ಹೋರಾಟದ ಮುಂದೆ ಮಂಕಾಗಿ ಗರ್ವಭಂಗ ಎದುರಿಸುತ್ತಿದ್ದಾರೆ.

ಕಳೆದ ಬಾರಿ ಚಂದ್ರಬಾಬು ನಾಯ್ಡು ಜೊತೆ ಹೊಂದಾಣಿಕೆ ಮಾಡಿಕೊಂಡ ಪರಿಣಾಮ ಒಂದಿಷ್ಟು ಸ್ಥಾನ ಪಡೆದ ಬಿಜೆಪಿ ಈ ಬಾರಿ ಅಲ್ಲಿ ಸೊನ್ನೆ ಸುತ್ತಿದೆ. ಇನ್ನೊಂದೆಡೆ, ಕಾಂಗ್ರೆಸ್​ ಸಹ ಖಾತೆ ತೆರೆಯಲು ವಿಫಲವಾಗಿದೆ. ಎರಡೂ ರಾಜಕೀಯ ಪಕ್ಷಗಳು ಆಂಧ್ರದಲ್ಲಿ ಮಕಾಡೆ ಮಲಗಿವೆ.