ನವದೆಹಲಿ: ಜಾಗತಿಕ ತಾಪಮಾನ ಏರಿಕೆ ತಡೆಗಟ್ಟಲು ಹಾಗೂ ಹಸಿರುಮನೆ ಪರಿಣಾಮವನ್ನ ತಡೆಗಟ್ಟಲು ಭಾರತ ಭಾರಿ ಪ್ಲಾನ್ ಹಾಕಿಕೊಂಡಿದೆ. ಗುಜರಾತ್ದಿಂದ ದೆಹಲಿ ಹರಿಯಾಣ ಗಡಿಗುಂಟ ಈ ಹಸಿರು ಗೋಡೆ ನಿರ್ಮಾಣಕ್ಕೆ ಯೋಜನೆ ರೂಪಿಸಲು ಚಿಂತನೆ ನಡೆಸಿದೆ.
ಭಾರತ ಕಟ್ಟಲಿದೆ 1,400 km ಉದ್ದ ಹಸಿರು ಗೋಡೆ ಆಫ್ರಿಕಾದಲ್ಲಿ ಡಾಕರ್( ಸೆನೆಗಲ್)ದಿಂದ ಜಿಬೌಟಿ ವರೆಗೆ ಹಾದುಹೋಗುವ “ಗ್ರೇಟ್ ಗ್ರೀನ್ ವಾಲ್” ಮಾದರಿಯಲ್ಲಿ ಈ ಗ್ರೀನ್ ಕಾರಿಡಾರ್ ನಿರ್ಮಾಣ ಮಾಡುವ ಚಿಂತನೆ ಕೇಂದ್ರ ಸರ್ಕಾರದ್ದು. ಈ ಭಾಗದಲ್ಲಿ ಮರಭೂಮಿಯ ಮರಳು ಹರಡುವಿಕೆ ತಡೆಗಟ್ಟಲು ಹಾಗೂ ಹವಾಮಾನ ವೈಪರೀತ್ಯ ತಡೆಗಟ್ಟಲು ಈ ಹಸಿರು ತಡೆಗೋಡೆ ನಿರ್ಮಾಣ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ಭಾರತ ಸರ್ಕಾರದ ಈ ಉದ್ದೇಶಿತ ಗ್ರೀನ್ ವಾಲ್ ಸುಮಾರು 1400 ಕಿ.ಮೀ ಉದ್ದ ಹಾಗೂ ಐದು ಕಿ.ಮೀ ಅಗಲ ಇರಲಿದೆ ಎನ್ನಲಾಗಿದೆ.
ಈ ಯೋಜನೆ ಇನ್ನೂ ಕಲ್ಪನೆಯ ಹಂತದಲ್ಲೇ ಇದೆ ಎನ್ನಲಾಗಿದೆ. ಆದರೆ, ಒಂದೊಮ್ಮೆ ಈ ಯೋಜನೆಗೆ ಕೇಂದ್ರ ಸಚಿವ ಸಂಪುಟ ಅನುಮೋದನೆ ನೀಡಿದ್ದೇ ಆದರೆ ಕ್ರಾಂತಿಕಾರಿ ನಿರ್ಧಾರ ವಾಗಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ಈ ಸಂಬಂಧ ಸಚಿವಾಲಯ ಅಧಿಕಾರಿಗಳು ಹುಮ್ಮಸ್ಸಿನಿಂದ ಈ ಯೋಜನೆ ಬಗ್ಗೆ ತಲೆಕೆಡಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಈ ಯೋಜನೆ ಬಂದರೆ ಥಾರ್ ಮರಭೂಮಿ ಗಡಿಗುಂಟ ಉಂಟಾಗುವ ಮರಳಿನಿಂದುಂಟಾಗುವ ಹರಡುವಿಕೆಯನ್ನ ತಡೆಗಟ್ಟಬಹುದು ಎಂಬುದು ಲೆಕ್ಕಾಚಾರ
ಪೋರ್ಬಂದರ್ ನಿಂದ ಪಾಣಿಪತ್ ವರೆಗೆ ಗ್ರೀನ್ ಗೋಡೆ ನಿರ್ಮಾಣ ಮಾಡಿದರೆ ಅರಾವಳಿ ಬೆಟ್ಟಗಳ ಅತಿಕ್ರಮಣ, ಬಂಜರು ಭೂಮಿಗೆ ಮರುಜೀವ ಬರಲಿದೆ. ಗುಜರಾತ್, ರಾಜಸ್ಥಾನ, ಹರಿಯಾಣ, ದೆಹಲಿಗಳಿಗೆ ಹೆಚ್ಚಿನ ಉಪಯೋಗವಾಗಲಿದೆ. ಅಷ್ಟೇ ಏಕೆ ಪಶ್ಚಿಮ ಭಾರತ ಮತ್ತು ಪಾಕಿಸ್ತಾನದ ಮರುಭೂಮಿಗಳಿಂದ ಬರುವ ಧೂಳಿಗೂ ತಡೆಗೋಡೆಯಾಗಿಯೂ ಕಾರ್ಯನಿರ್ವಹಿಸುತ್ತದೆ ಎಂಬುದು ಅಷ್ಟೇ ಸತ್ಯ.
ಈ ಕಲ್ಪನೆ ಸಾಕಾರ ಮೂಡಲು ಪ್ರೇರಣೆಯಾಗಿದ್ದು, ಇತ್ತೀಚೆಗೆ ನಡೆದ ವಿಶ್ವಸಂಸ್ಥೆಯ ಪರಿಸರ ರಕ್ಷಣೆ ಕಾನ್ಫರೆನ್ಸ್ ಅಂತೆ. ಆದರೆ ಈ ಯೋಜನೆ ಕಾರ್ಯಗತ ಆಗುವ ಬಗ್ಗೆ ಸ್ಪಷ್ಟ ರೂಪುರೇಷೆ ಸಿದ್ದವಾಗಿಲ್ಲ. ಈ ಬಗ್ಗೆ ನಾವೆಲ್ಲ ಕಾಯುತ್ತಿದ್ದೇವೆ ಎಂದು ಸರ್ಕಾರದ ಹಿರಿಯ ಅಧಿಕಾರಿಗಳು ಹೇಳಿದ್ದಾರೆ.
