ಸರ್ಕಾರಿ ಅಧಿಕಾರಿಗೆ ಆವಾಜ್​... ಕೇಂದ್ರ ಸಚಿವ ಅಶ್ವಿನಿ ಕುಮಾರ್ ಸೇರಿ 150 ಮಂದಿ ವಿರುದ್ಧ ಎಫ್​ಐಆರ್​

ಸರ್ಕಾರಿ ಅಧಿಕಾರಿಗೆ ಕರ್ತವ್ಯ ನಿರ್ವಹಿಸಲು ತೊಂದರೆ ಮಾಡಿದ ಆರೋಪದ ಮೇಲೆ ಸಚಿವರು ಹಾಗೂ ಬಿಜೆಪಿ ನಾಯಕ ರಾನಾ ಪ್ರತಾಪ್​ ಸಿಂಗ್​ ಸೇರಿದಂತೆ ಬೆಂಬಲಿಗರ ಮೇಲೆ ಕೇಸ್​ ಬುಕ್​ ಆಗಿದೆ.

ಬಕ್ಸರ್​: ಬಿಹಾರದ ಬಕ್ಸರ್​ನಲ್ಲಿ ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ್ದನ್ನು ತಡೆಯಲು ಮುಂದಾದ ಸರ್ಕಾರಿ ಅಧಿಕಾರಿಗೆ ಆವಾಜ್​ ಹಾಕಿದ ಕೇಂದ್ರ ಸಚಿವ ಅಶ್ವಿನಿ ಕುಮಾರ್​ ಹಾಗೂ ಅವರ 150 ಬೆಂಬಲಿಗರ ವಿರುದ್ಧ ಎಫ್​ಐಆರ್​ ದಾಖಲಾಗಿದೆ.

ಬಕ್ಸರ್​ ಮೂಲಕ ಹಾದು ಹೋಗುತ್ತಿದ್ದ ಸಚಿವರನ್ನು ರಾಜ್ಯ ಉಪ ವಿಭಾಗಾಧಿಕಾರಿ ಉಪಾಧ್ಯಾಯ್​ ಅವರು ತಡೆದರು. ಕಾರಿನಿಂದ ಕೆಳಕ್ಕಿಳಿದ ಅಶ್ವಿನಿ ಅವರು ಸರ್ಕಾರಿ ಅಧಿಕಾರಿಗೆ ಆವಾಜ್​ ಹಾಕಿ ಕೆಟ್ಟದಾಗಿ ನಡೆದುಕೊಂಡರು ಎಂದು ತಿಳಿದುಬಂದಿದೆ.

ಸರ್ಕಾರಿ ಅಧಿಕಾರಿಗೆ ಕರ್ತವ್ಯ ನಿರ್ವಹಿಸಲು ತೊಂದರೆ ಮಾಡಿದ ಆರೋಪದ ಮೇಲೆ ಸಚಿವರು ಹಾಗೂ ಬಿಜೆಪಿ ನಾಯಕ ರಾನಾ ಪ್ರತಾಪ್​ ಸಿಂಗ್​ ಸೇರಿದಂತೆ ಬೆಂಬಲಿಗರ ಮೇಲೆ ಕೇಸ್​ ಬುಕ್​ ಆಗಿದೆ.

ಕಾರಿನಿಂದ ಇಳಿದ ಸಚಿವರು ಅಧಿಕಾರಿಗೆ ಬೆದರಿಕೆ ಹಾಕಿದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.