ಕೊರೊನಾ ಇದ್ರೂ ಹಥ್ರಾಸ್​ ಸಂತ್ರಸ್ತರ ಭೇಟಿ ಮಾಡಿದ ಶಾಸಕನ ವಿರುದ್ಧ ಕೇಸು ದಾಖಲು

ಕೊರೊನಾ ಇದ್ರೂ ಹಥ್ರಾಸ್​ ಸಂತ್ರಸ್ತರನ್ನು ಭೇಟಿ ಮಾಡಿದ ದೆಹಲಿಯ ಆಪ್ ಪಕ್ಷದ​ ಶಾಸಕನ ವಿರುದ್ಧ ದೂರು ದಾಖಲಿಸಲಾಗಿದೆ ಎಂದು ಪೊಲೀಸ್​ ಅಧಿಕಾರಿ ತಿಳಿಸಿದ್ದಾರೆ.

ಹಥ್ರಾಸ್​: ಕೊರೊನಾ ಸೋಂಕು ತಗುಲಿದ್ರೂ ಸಹ ಶಾಸಕರೊಬ್ಬರು ಹಥ್ರಾಸ್​ ಯುವತಿಯ ಕುಟುಂಬಸ್ಥರನ್ನು ಭೇಟಿ ಮಾಡಿದ್ದು, ಈಗ ಪೊಲೀಸರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಸೆಪ್ಟಂಬರ್​ 29ಕ್ಕೆ ಕೊರೊನಾ ಸೋಂಕು ದೃಢಪಟ್ಟಿರುವ ಬಗ್ಗೆ ದೆಹಲಿಯ ಆಪ್​ ಶಾಸಕ ಕುಲ್ದೀಪ್​ ಕುಮಾರ್​ ತಿಳಿಸಿದ್ದರು. ಇದಾದ ಬಳಿಕ ಅಂದ್ರೆ ಅಕ್ಟೋಬರ್​ 4 ರಂದು ಹಥ್ರಾಸ್​ ಯುವತಿಯ ಕುಟುಂಬಸ್ಥರನ್ನು ಭೇಟಿ ಮಾಡಿದ್ದರು. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದನ್ನು ಹರಿಯಬಿಟ್ಟಿದ್ದರು.

ಕೊರೊನಾ ಸೋಂಕು ತಗುಲಿದ್ರೂ ಸಹ ಶಾಸಕ ಕುಲ್ದೀಪ್​ ಕುಮಾರ್​ ಸಾಂಕ್ರಾಮಿಕ ಕಾಯಿದೆಯನ್ನು ಉಲ್ಲಂಘಿಸಿದ್ದಾರೆ. ಹೀಗಾಗಿ ಅವರ ಮೇಲೆ ಈ ಕಾಯ್ದೆಯ ಪ್ರಕಾರ ದೂರು ದಾಖಲಿಸಲಾಗಿದ್ದು, ಮುಂದಿನ ಕ್ರಮ ಕೈಗೊಳ್ಳಲಾಗಿದೆ ಎಂದು ಹಥ್ರಾಸ್​ ಎಸ್​ಪಿ ತಿಳಿಸಿದ್ದಾರೆ.