​ರ‍್ಯಾಲಿಗೆ ನುಗ್ಗಿದ ಗೂಳಿ... ಜನಜಂಗುಳಿಯಲ್ಲಿ ಆ ಹೋರಿ ಮಾಡಿದ್ದೇನು?

ನಿನ್ನೆ ಕನೌಜ್​ನಲ್ಲಿ ಆಯೊಜನೆ ಅಖಿಲೇಶ್​ ಯಾದವ್​ ಅವರ ರ್ಯಾಲಿ ವೇಳೆಯಲ್ಲಿ ಗೂಳಿಯೊಂದು ಸಮಾವೇಶದ ಸ್ಥಳಕ್ಕೆ ಇದ್ದಕ್ಕಿದ್ದಂತೆ ನುಗ್ಗಿ ಅವಾಂತರ ಸೃಷ್ಠಿಸಿತ್ತು.

ಕನೌಜ್​( ಉತ್ತರಪ್ರದೇಶ): ಉತ್ತರ ಪ್ರದೇಶದಲ್ಲಿ ಎಸ್​ಪಿ- ಬಿಎಸ್​​ಪಿ ಮೈತ್ರಿಕೂಟ ಬಿಜೆಪಿ ಹಣಿಯಲ್ಲಿ ತೀವ್ರ ಕಸರತ್ತು ನಡೆಸಿದೆ. ಈ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ಭರ್ಜರಿ ರ‍್ಯಾಲಿಗಳನ್ನ ನಡೆಸುತ್ತಿದೆ. ಈ ನಡುವೆ ನಿನ್ನೆ ಕನೌಜ್​ನಲ್ಲಿ ಅಖಿಲೇಶ್​ ಯಾದವ್​ ಅವರ ರ್ಯಾಲಿಯನ್ನ ಆಯೋಜನೆ ಮಾಡಲಾಗಿತ್ತು.

ಈ ನಡುವೆ ​ ರ‍್ಯಾಲಿಗೆ ಅಖಿಲೇಶ್​ ಯಾದವ್​ ಆಗಮನಕ್ಕೂ ಮುನ್ನ ಗೂಳಿಯೊಂದು ಸಮಾವೇಶದ ಸ್ಥಳಕ್ಕೆ ಇದ್ದಕ್ಕಿದ್ದಂತೆ ನುಗ್ಗಿ ಭಾರಿ ಸಂಖ್ಯೆಯಲ್ಲಿ ನೆರದಿದ್ದ ಜನ ಜಂಗಳಿಯ ಮಧ್ಯೆ ಓಟಕ್ಕೆ ನಿಂತು ಬಿಟ್ಟಿತ್ತು. ಗೂಳಿ ಹಠಾತ್​ ಓಟಕ್ಕೆ ಸೇರಿದ್ದ ಜನ ದಿಕ್ಕಾಪಾಲಾದರು.

ತಕ್ಷಣವೇ ಅಲ್ಲೇ ಇದ್ದ ಅಗ್ನಿಶಾಮಕ ದಳ ಸಿಬ್ಬಂದಿ ಹಾಗೂ ಪೊಲೀಸರು ಗೂಳಿ ಓಡಿಸಲು ಹರಸಾಹಸ ಪಟ್ಟರು. ಇನ್ನು ಅಖಿಲೇಶ್​ ಯಾದವ್​ ಈ ಗೂಳಿಯನ್ನೇ ಉದಾಹರಣೆ ನೀಡಿ ದಿಲ್ಲಿ ಸರ್ಕಾರ ಬದಲಾಯಿಸುವ ಡೈಲಾಗ್​ ಹೊಡೆದರು.. ಗೂಳಿಯ ಆತಂಕದ ನಡುವೆ, ಜನ ಅಖಿಲೇಶ್​ ಯಾದವ್ ಡೈಲಾಗ್​ಗೆ ಸಿಳ್ಳೆ - ಕೇಕೆ ಹೊಡೆದರು.