ಎಸ್ಪಿಗೆ 37, ಬಿಎಸ್ಪಿಗೆ 38 ಯುಪಿಯಲ್ಲಿ ಸೀಟು ಹಂಚಿಕೊಂಡ ಮಿತ್ರಪಕ್ಷಗಳು

ಎಸ್​ಪಿ-ಬಿಎಸ್​ಪಿ ಉತ್ತರಪ್ರದೇಶ ಲೋಕಸಭೆ ಚುನಾವಣೆಗಾಗಿ ಹಂಚಿಕೊಂಡಿರುವ ಸ್ಥಾನಗಳ ಪಟ್ಟಿಯನ್ನು ಇಂದು ಬಿಡುಗಡೆ ಮಾಡಿವೆ

ನವದೆಹಲಿ: ಮಹಾಘಟಬಂಧನದಿಂದ ಹೊರಬಂದು ಬಿಜೆಪಿ-ಕಾಂಗ್ರೆಸ್​ ಜತೆ ಸೆಣಸಾಡಲು ಸಿದ್ಧವಾಗಿರುವ ಎಸ್​ಪಿ-ಬಿಎಸ್​ಪಿ ಉತ್ತರಪ್ರದೇಶದಲ್ಲಿ ತಾವು ಹಂಚಿಕೊಂಡಿರುವ ಸ್ಥಾನಗಳ ಪಟ್ಟಿಯನ್ನು ಇಂದು ಬಿಡುಗಡೆ ಮಾಡಿವೆ.

ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಉತ್ತರಪ್ರದೇಶದ 37 ಸ್ಥಾನಗಳಲ್ಲಿ ಅಖಿಲೇಶ್​ ನೇತೃತ್ವದ ಸಮಾಜವಾದಿ ಪಕ್ಷ ಸ್ಪರ್ಧಿಸುತ್ತಿದ್ದರೆ, 38 ಸ್ಥಾನಗಳಲ್ಲಿ ಮಾಯಾವತಿ ನೇತೃತ್ವದ ಬಹುಜನ ಸಮಾಜವಾದಿ ಪಕ್ಷ ಸ್ಪರ್ಧಿಸುತ್ತಿದೆ.

ಪರಸ್ಪರ ಕೈ ಜೋಡಿಸಿ, ಒಕ್ಕೂಟ ಪ್ರಕಟಿಸಿದಾಗಿನಿಂದ ಎರಡೂ ಪಕ್ಷಗಳು ರಾಷ್ಟ್ರೀಯ ಪಕ್ಷಗಳಿಗೆ ಟಾಂಗ್​ ನೀಡುತ್ತಲೇ ಬಂದಿವೆ. ಇದೀಗ ಕ್ಷೇತ್ರಗಳ ಹಂಚಿಕೆ ಮೂಲಕ ತಾವು ಚುನಾವಣೆಯನ್ನು ಸಮರ್ಥವಾಗಿ ಎದುರಿಸುತ್ತೇವೆ ಎಂಬ ಸಂದೇಶವನ್ನು ಎರಡೂ ಪಕ್ಷಗಳು, ರಾಷ್ಟ್ರೀಯ ಪಕ್ಷಗಳಿಗೆ ರವಾನಿಸಿವೆ.