ಲಂಡನ್:ಟೀಂ ಇಂಡಿಯಾ ಯಾರ್ಕರ್ ಸ್ಪೆಷಲಿಸ್ಟ್ ಜಸ್ಪ್ರೀತ್ ಬುಮ್ರಾ ಬೌಲಿಂಗ್ ಮಾಡುವುದೇ ವಿಭಿನ್ನವಾಗಿ. ಅವರ ಬೌಲ್ ಮಾಡುವ ಶೈಲಿಯನ್ನು ಈ ಹಿಂದೆ ಪಾಕ್ನ ಪುಟ್ಟ ಬಾಲಕನೋರ್ವ ಅನುಕರಣೆ ಮಾಡಿದ್ದು ಎಲ್ಲರಿಗೂ ಗೊತ್ತಿದೆ. ಇದೀಗ ಅಜ್ಜಿಯೋರ್ವಳು ಆ ರೀತಿ ಬೌಲಿಂಗ್ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ.
ಬುಮ್ರಾ ಶೈಲಿಯಲ್ಲೇ ಅಜ್ಜಿ ಬೌಲಿಂಗ್; ವಿಡಿಯೋ ನೋಡಿ ಈ ಮಾತು ಹೇಳಿದ ಬೌಲರ್!
ಟೀಂ ಇಂಡಿಯಾದ ಯಾರ್ಕರ್ ಸ್ಪೇಷಲಿಸ್ಟ್ ಜಸ್ಪ್ರೀತ್ ಬುಮ್ರಾ ವಿಶಿಷ್ಠ ಬೌಲಿಂಗ್ ಶೈಲಿ ಹೊಂದಿದ್ದು, ಅದನ್ನು ಅಜ್ಜಿಯೊಬ್ಬರು ಅನುಕರಣೆ ಮಾಡಿದ್ದಾರೆ.
ಬುಮ್ರಾ ಶೈಲಿಯಲ್ಲೇ ಅಜ್ಜಿ ಬೌಲಿಂಗ್
ಐಸಿಸಿ ಏಕದಿನ ವಿಶ್ವಕಪ್ನಲ್ಲಿ ಅದ್ಭುತ ಬೌಲಿಂಗ್ ಮಾಡಿರುವ ಬುಮ್ರಾ 18 ವಿಕೆಟ್ ಪಡೆದುಕೊಂಡಿದ್ದಾರೆ. ಆದರೆ ಸೆಮಿಫೈನಲ್ನಲ್ಲಿ ಟೀಂ ಇಂಡಿಯಾ ಸೋಲು ಕಂಡು ಟೂರ್ನಿಯಿಂದ ಹೊರಬಿದ್ದಿದೆ. ಇಷ್ಟಾದ್ರೂ ಅವರ ಬೌಲಿಂಗ್ನಿಂದ ಪ್ರಭಾವಿತರಾದ ವೃದ್ದೆಯೊಬ್ಬರು ಅವರ ಹಾಗೇ ಬೌಲಿಂಗ್ ಮಾಡಲು ಹೋಗಿ ಗಮನ ಸೆಳೆದಿದ್ದಾರೆ.
ಟಿವಿಯಲ್ಲಿ ಜಸ್ಪ್ರೀತ್ ಬುಮ್ರಾ ಬೌಲಿಂಗ್ ಮಾಡುವ ಶೈಲಿ ನೋಡಿರುವ ಅಜ್ಜಿ, ಕೈಯಲ್ಲಿ ಫುಟ್ಬಾಲ್ ಹಿಡಿದುಕೊಂಡು ಅವರು ಬೌಲಿಂಗ್ ಮಾಡುವ ಶೈಲಿಯಲ್ಲೇ ಆ್ಯಕ್ಷನ್ ಮಾಡಿದ್ದಾರೆ. ಈ ವಿಡಿಯೋ ನೋಡಿರುವ ಜಸ್ಪ್ರೀತ್ ಬುಮ್ರಾ, ನನ್ನ ಶ್ರಮ ಸಾರ್ಥಕವಾಯ್ತು. ಈ ದಿನ ಅದ್ಭುತ ಎಂದು ಟ್ವೀಟ್ ಮಾಡಿದ್ದಾರೆ.