ನಕ್ಸಲ್​ರೊಂದಿಗಿನ ಎನ್​ಕೌಂಟರ್​ ವೇಳೆ ನಾಪತ್ತೆಯಾಗಿದ್ದ 17 ಯೋಧರು ಹುತಾತ್ಮ

15:51 March 22

ಸುಕ್ಮಾ ಜಿಲ್ಲೆಯಲ್ಲಿ ನಕ್ಸಲ್​ ಎನ್​ಕೌಂಟರ್​ ವೇಳೆ ನಾಪತ್ತೆಯಾಗಿದ್ದ ಯೋಧರು ಹುತಾತ್ಮ

ನಕ್ಸಲರೊಂದಿಗೆ ನಡೆದ ಎನ್​ಕೌಂಟರ್ ವೇಳೆ ನಾಪತ್ತೆಯಾಗಿದ್ದ 17 ಮಂದಿ ಪೊಲೀಸರು ಹುತಾತ್ಮರಾಗಿದ್ದಾರೆ. ನಿನ್ನೆ ಛತ್ತೀಸ್​ಘಡದ ಸುಕ್ಮಾ ಜಿಲ್ಲೆಯಲ್ಲಿ ನಡೆದಿದ್ದ ಪೊಲೀಸರು  ಹಾಗೂ ನಕ್ಸಲರ ನಡುವೆ ಗುಂಡಿನ ಚಕಮಕಿ ನಡೆದಿತ್ತು. ಈ ವೇಳೆ 17 ಮಂದಿ ಪೊಲೀಸರು ಹುತಾತ್ಮರಾಗಿದ್ದು ಅವರ ಮೃತದೇಹಗಳನ್ನು ಅರಣ್ಯದಿಂದ ಹೊರಕ್ಕೆ ತರಲಾಗುತ್ತಿದೆ ಎಂದು ಬಸ್ತಾರ್​ ವಲಯದ ಐಜಿಪಿ ಸುಂದರ್​ರಾಜ್​ ತಿಳಿಸಿದ್ದಾರೆ. ನಿನ್ನೆ ಮಧ್ಯಾಹ್ನ 2.30ಕ್ಕೆ ಚಿಂತಗುಫ ಪ್ರದೇಶದ ಕೋರಂಜ್​ಗುಡಾ ಬಳಿ ನಕ್ಸಲ್​ ವಿರೋಧಿ ಕಾರ್ಯಾಚರಣೆ ನಡೆದಿತ್ತು. 

ಈ ಕಾರ್ಯಾಚರಣೆಯಲ್ಲಿ ಕೋಬ್ರಾ, ಜಿಲ್ಲಾ ಮೀಸಲು ಪಡೆ, ಹಾಗೂ ಸ್ಪೆಷಲ್​ ಟಾಸ್ಕ್​ ಫೋರ್ಸ್​ನ 600ಕ್ಕೂ ಹೆಚ್ಚು ಸಿಬ್ಬಂದಿ ಭಾಗಿಯಾಗಿದ್ದರು.ಈ ಪಡೆಗಳು ಚಿಂತಗುಫ, ಬುರ್ಕಪಾಲ್​, ತಿಮೆಲ್ವಾಡ ಮುಂತಾದ ಸ್ಥಳಗಳಲ್ಲಿ ಕಾರ್ಯಾಚರಣೆ ನಡೆಸಲಾಗಿತ್ತು.  ಈ ವೇಳೆ 14 ಮಂದಿ ಪೊಲೀಸರು ಗಾಯಗೊಂಡಿದ್ದರು. ಎನ್​ಕೌಂಟರ್ ವೇಳೆ 13 ಮಂದಿ ಪೊಲೀಸರು ಸಂಜೆ ವೇಳೆಗೆ ನಾಪತ್ತೆಯಾಗಿದ್ದರು. ಈಗ ಒಟ್ಟು 17 ಮಂದಿ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದ್ದು. ಐದು ಮಂದಿ ನಕ್ಸಲರು ಕಾರ್ಯಚರಣೆ ಈ ವೇಳೆ ಮೃತಪಟ್ಟಿದ್ದಾರೆ ಎಂದು ಅಂದಾಜಿಸಲಾಗಿದೆ.