ಬಿಹಾರ ಎಲೆಕ್ಷನ್​​: ಅಜ್ಜಿಯೊಂದಿಗೆ ಸೈಕಲ್​ನಲ್ಲೇ ಬಂದು ಮತಚಲಾಯಿಸಿದ 'ಫಸ್ಟ್​​ ಟೈಮ್​ ವೋಟರ್​'

ಬಿಹಾರ ಚುನಾವಣೆ ಹಿನ್ನೆಲೆ ಮೊದಲ ಬಾರಿ ತನ್ನ ಮತದಾನದ ಹಕ್ಕು ಚಲಾಯಿಸಲು ಯುವತಿವೋರ್ವಳು ತನ್ನ ಅಜ್ಜಿಯೊಂದಿಗೆ ಪಾಟ್ನಾದ ಮತದಾನ ಕೇಂದ್ರಕ್ಕೆ ಸೈಕಲ್​ನಲ್ಲೇ ಬಂದು ಗಮನ ಸೆಳೆದಿದ್ದಾಳೆ.

ಪಾಟ್ನಾ:ಬಿಹಾರದಲ್ಲಿ ವಿಧಾನಸಭಾ ಚುನಾವಣೆಗೆ ಇಂದು ಎರಡನೇ ಹಂತದ ಮತದಾನ ನಡೆಯುತ್ತಿದ್ದು, ಮೊದಲ ಬಾರಿಗೆ ಮತ ಚಲಾವಣೆ ಮಾಡಲು ಯುವತಿವೋರ್ವಳು ತನ್ನ ಅಜ್ಜಿಯನ್ನು ಕೂರಿಸಿಕೊಂಡು ಸೈಕಲ್​ನಲ್ಲೇ ಮತದಾನ ಕೇಂದ್ರಕ್ಕೆ ಬಂದಿದ್ದಾಳೆ.

ಈ ಕುರಿತು ಪ್ರತಿಕ್ರಿಯಿಸಿದ ಯುವತಿ ಪ್ರಿಯಾಂಕ ಇದೇ ಮೊದಲ ಬಾರಿ ನಾನು ವೋಟ್​ ಮಾಡುತ್ತಿದ್ದೇನೆ. ಅದಕ್ಕಾಗಿ ನನ್ನ ಅಜ್ಜಿ ರುಕ್ಮಿಣಿಯವರೊಂದಿಗೆ ಬಂದಿದ್ದೇನೆ. ಭವಿಷ್ಯದಲ್ಲಿ ಎಲ್ಲಾ ಯುವಜನತೆಗೆ ಉದ್ಯೋಗ ದೊರೆಯಬೇಕು ಎಂದು ಯುವತಿ ತನ್ನ ಆಶಯ ವ್ಯಕ್ತಪಡಿಸಿದಳು.

ಇನ್ನು ಇಂದು ಬಿಹಾರ ಅಸೆಂಬ್ಲಿಯ 94 ಸ್ಥಾನಗಳಿಗೆ ಬೆಳಗ್ಗೆ 7 ಗಂಟೆಯಿಂದಲೇ ಮತದಾನ ಪ್ರಕ್ರಿಯೆ ಆರಂಭವಾಗಿದ್ದು, 17 ಜಿಲ್ಲೆಗಳ ಸುಮಾರು 41,362 ಮತದಾನ ಕೇಂದ್ರಗಳಲ್ಲಿ ಮತದಾನ ನಡೆಯುತ್ತಿದೆ. ಕೋವಿಡ್​ ಹಿನ್ನೆಲೆ ಮತಗಟ್ಟೆಗಳಲ್ಲಿ ಅಗತ್ಯ ಮುಂಜಾಗ್ರತಾ ಕ್ರಮ ಕೈಗೊಳ್ಳಲಾಗಿದೆ. ಇಂದು ಬಿಹಾರದ ಸುಮಾರು 2.85 ಮಂದಿ ಮತ ಚಲಾವಣೆ ಮಾಡುತ್ತಿದ್ದಾರೆ. ಇದೇ ನವೆಂಬರ್​ 10ರಂದು ಫಲಿತಾಂಶ ಹೊರಬೀಳಲಿದೆ.