ಬಿಬಿಎ ವಿದ್ಯಾರ್ಥಿನಿ ಮೇಲೆ ಸಾಮೂಹಿಕ ಅತ್ಯಾಚಾರ: ಕೃತ್ಯದ ವಿಡಿಯೋ ಮಾಡಿ ಬ್ಲಾಕ್​ಮೇಲ್​

ಪಾಟ್ನಾದ ಮಾಲ್​​ ಒಂದರ ಪಾರ್ಕಿಂಗ್​ ಜಾಗದಲ್ಲಿ ಬಿಬಿಎ ವ್ಯಾಸಂಗ ಮಾಡುತ್ತಿದ್ದ ವಿದ್ಯಾರ್ಥಿನಿಯನ್ನು ಅಪಹರಿಸಿ, ಸಾಮೂಹಿಕ ಅತ್ಯಾಚಾರ ಎಸಗಲಾಗಿದ್ದು, ಕೃತ್ಯದ ದೃಶ್ಯವನ್ನು ವಿಡಿಯೋ ಮಾಡಿ ಆರೋಪಿಗಳು ಬ್ಲಾಕ್​ಮೇಲ್​ ಮಾಡುತ್ತಿದ್ದಾರೆ.

ಪಾಟ್ನಾ:ಬಿಬಿಎ ವ್ಯಾಸಂಗ ಮಾಡುತ್ತಿದ್ದ ವಿದ್ಯಾರ್ಥಿನಿಯನ್ನು ಅಪಹರಿಸಿ, ಸಾಮೂಹಿಕ ಅತ್ಯಾಚಾರ ಎಸಗಿರುವ ಘಟನೆ ಬಿಹಾರದ ಪಾಟ್ನಾದಲ್ಲಿ ಸೋಮವಾರ ನಡೆದಿದೆ.

ಪಾಟ್ನಾದ ಮಾಲ್​​ ಒಂದರ ಪಾರ್ಕಿಂಗ್​ ಜಾಗದಲ್ಲಿ ಯುವತಿಯನ್ನು ಅಪಹಹಣ ಮಾಡಲಾಗಿದ್ದು, ಎಸ್​.ಕೆ.ಪುರಿ ಪ್ರದೇಶದಲ್ಲಿ ಕೃತ್ಯ ಎಸಗಲಾಗಿದೆ. ಅಷ್ಟೇ ಅಲ್ಲದೆ ಅತ್ಯಾಚಾರದ ದೃಶ್ಯವನ್ನು ವಿಡಿಯೋ ಮಾಡಲಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಹರಿಬಿಡುವುದಾಗಿ ಸಂತ್ರಸ್ತ ವಿದ್ಯಾರ್ಥಿನಿಗೆ ಬ್ಲಾಕ್​ಮೇಲ್​ ಕೂಡ ಮಾಡಲಾಗುತ್ತಿದೆ.

ಆರತಿ ಕುಮಾರಿ ಜೈಸ್ವಾಲ್​, ಎಸ್​ಹೆಚ್​ಒ

ಆತ್ಯಾಚಾರ ಮಾಡಿದವರಲ್ಲಿ ವಿನಾಯಕ್​ ಸಿಂಗ್​​ ಎಂಬಾತನನ್ನು ಹಾಗೂ ಬ್ಲಾಕ್​ಮೇಲ್​ ಮಾಡುತ್ತಿರುವ ಸಂದೀಪ್​ ಸಿಂಗ್​ ಎಂಬ ಆರೋಪಿಯನ್ನು ಯುವತಿ ಗುರುತಿಸಿದ್ದಾಳೆ. ಈ ಸಂಬಂಧ ಪ್ರಕರಣ​ ದಾಖಲಿಸಿಕೊಳ್ಳಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ ಎಂದು ಗರ್ದಾನಿಬಾಗ್​ನ ಮಹಿಳಾ ಪೊಲೀಸ್​ ಠಾಣೆಯ ಎಸ್​ಹೆಚ್​ಒ (ಸ್ಟೇಷನ್ ಹೌಸ್ ಆಫಿಸರ್​) ಆರತಿ ಕುಮಾರಿ ಜೈಸ್ವಾಲ್​ ತಿಳಿಸಿದ್ದಾರೆ.