ಅಯೋಧ್ಯೆ ವಿವಾದ : ಮಧ್ಯವರ್ತಿ ಸಮಿತಿಗೆ ಆಗಸ್ಟ್​ 15ರವರೆಗೆ ಕಾಲಾವಕಾಶ

ಅಯೋಧ್ಯೆ ವಿವಾದ ಪ್ರಕರಣದ ವಿಚಾರಣೆಯನ್ನ ಇಂದು ಸಿಜೆಐ ರಂಜನ್​ ಗೊಗೊಯಿ ಅವರ ನೇತೃತ್ವದಲ್ಲಿ ಪಂಚಸದಸ್ಯ ಪೀಠ ವಿಚಾರಣೆ ನಡೆಸಿತು. ಮಧ್ಯವರ್ತಿ ಸಮಿತಿಯ ಬೇಡಿಕೆಯಂತೆ ಆಗಸ್ಟ್​ 15ರವರೆಗೆ ಕಾಲಾವಕಾಶ ನೀಡಿದೆ.

ನವದೆಹಲಿ:ಅಯೋಧ್ಯೆ ವಿವಾದದ ಸಂಬಂಧ ಇಂದು ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್​, ಮಧ್ಯವರ್ತಿ ಸಮಿತಿಯ ಬೇಡಿಕೆಯಂತೆ ಆಗಸ್ಟ್​ 15ರವರೆಗೆ ಕಾಲಾವಕಾಶ ನೀಡಿದೆ.

ಅಯೋಧ್ಯೆ ಪ್ರಕರಣ ವಿಚಾರವಾಗಿ ಇಂದು ಸಿಜೆಐ ರಂಜನ್​ ಗೊಗೊಯಿ ಅವರ ನೇತೃತ್ವದಲ್ಲಿ ನ್ಯಾ. ಎಸ್​ಎ ಬೊಬ್ಡೆ, ನ್ಯಾ. ಎಸ್​ಎ ನಜೀರ್​, ನ್ಯಾ. ಅಶೋಕ್​ ಭೂಷಣ್​ ಹಾಗೂ ನ್ಯಾ ಡಿ.ವೈ ಚಂದ್ರಚೂಡ್​ ಅವರ ಪಂಚ ಸದಸ್ಯ ಪೀಠ ವಿಚಾರಣೆ ನಡೆಸಿತು.

ಸುಪ್ರೀಂಕೋರ್ಟ್‌ ನೇಮಕ ಮಾಡಿದ್ದ ಎಫ್​.ಎಂ ಖಲೀಫುಲ್ಲಾ, ಆಧ್ಯಾತ್ಮ ಗುರು ಶ್ರೀ ಶ್ರೀ ರವಿಶಂಕರ್ ಗುರೂಜಿ ಹಾಗೂ ಹಿರಿಯ ವಕೀಲ ಶ್ರೀರಾಮ್ ಪಂಚು ಅವರ ಸಮಿತಿ ಸೌಹಾರ್ದಯುತ ಪರಿಹಾರ ಕಂಡುಕೊಳ್ಳಲು ಮತ್ತಷ್ಟು ಸಮಯಾವಕಾಶ ಬೇಕು ಎಂದು ಮನವಿ ಮಾಡಿತು. ಅದರಂತೆ ಪೀಠವು ಆಗಸ್ಟ್​ 15ರವರೆಗೆ ಕಾಲಾವಕಾಶ ನೀಡಿದೆ.ವಿಚಾರಣೆ ವೇಳೆ ಸಿಜೆಐ ರಂಜನ್​ ಗೊಗೊಯಿ ಅವರು, ಈ ವಿಚಾರವಾಗಿ ನಾವು ಈಗಲೇ ಏನನ್ನೂ ಹೇಳಲಾಗದು. ಅದೆಲ್ಲವೂ ಗೌಪ್ಯವಾಗಿರಲಿದೆ ಎಂದು ಹೇಳಿದರು.