ಸೈನಿಕರ ಮೇಲೆ ಮತ್ತೆ ಹಿಮಪ್ರವಾಹದ ಮರ್ಮಾಘಾತ... 5 ಯೋಧರ ವೀರಮರಣ!? ಇತರ 6 ಮಂದಿ ಸಾವು

ಕಾಶ್ಮೀರ ಭಾಗದಲ್ಲಿ ಸಂಭವಿಸಿದ ಹಿಮಪ್ರವಾಹದಲ್ಲಿ ಭಾರತೀಯ ಸೇನೆಯ ನಾಲ್ವರು ಯೋಧರು ಮೃತಪಟ್ಟಿದ್ದಾರೆ.

ಶ್ರೀನಗರ: ಉತ್ತರ ಕಾಶ್ಮೀರದ ನಾನಾ ಭಾಗಗಳಲ್ಲಿ ಸಂಭವಿಸಿದ ಹಿಮಪ್ರವಾಹದಲ್ಲಿ ಭಾರತೀಯ ಸೇನೆ ಐವರು ವೀರಯೋಧರು ಮರಣವನ್ನಪ್ಪಿದ್ದಾರೆ. ಇನ್ನು ಈ ದುರಂತಗಳಲ್ಲಿ ಕನಿಷ್ಠ 6 ನಾಗರಿಕರು ಸಾವನ್ನಪ್ಪಿದ್ದಾರೆ ಎಂದು ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.

ಹಿಮಪ್ರವಾಹಕ್ಕೆ ಇಂದು ಕಾಶ್ಮೀರದಲ್ಲಿ ಕನಿಷ್ಠ 11 ಮಂದಿ ಪ್ರಾಣಕಳೆದುಕೊಂಡಿದ್ದಾರೆ. ಭಾರತ- ಪಾಕ್ ಅಂತಾರಾಷ್ಟ್ರೀಯ ಗಡಿ ಭಾಗದ ಮಚಿಲ್​ ಪ್ರದೇಶದಲ್ಲಿ ಈ ದುರ್ಘಟನೆ ಸಂಭವಿಸಿದೆ. ಪ್ರತಿವರ್ಷ ಚಳಿಗಾಲದಲ್ಲಿ ಕಾಶ್ಮೀರದಲ್ಲಿ ಇಂತಹ ದುರ್ಘಟನೆಗಳು ನಡೆಯುತ್ತಲೇ ಇರುತ್ತವೆ. ಕಳೆದ ಕೆಲ ವರ್ಷಗಳ ಹಿಂದೆ, ನಮ್ಮ ರಾಜ್ಯದ ವೀರಯೋಧ ಹನುಮಂತ ನಾಯಕ್​, ಹಿಮಪ್ರವಾಹದ ವಿರುದ್ಧ ಹೋರಾಡಿ ಬದುಕುಳಿದಿದ್ದರೂ ಅಂತಿಮವಾಗಿ ಹಿಮ ಹುಣ್ಣಿನಿಂದ ವೀರಮರಣವನ್ನಪ್ಪಿದ್ದರು.

ಹಿಮಪ್ರವಾಹದ ಹಿನ್ನಲೆಯಲ್ಲಿ ಯೋಧರನ್ನು ಪತ್ತೆ ಹಚ್ಚಲು ಸೇನಾ ಕಾರ್ಯಾಚರಣೆ ಆರಂಭಗೊಂಡಿದೆ. ಮೃತ ದೇಹಗಳಿಗಾಗಿ ಹಾಗೂ ಬದುಕುಳಿದವರಿಗಾಗಿ ರಕ್ಷಣಾ ಕಾರ್ಯಾಚರಣೆ ನಡೆಸಲು ಸೇನೆ ಸನ್ನದ್ಧವಾಗಿದೆ. ಈ ಸಂಬಂಧ ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ.