ಪಾಕ್​​ನಿಂದ ಅಪ್ರಚೋದಿತ ಗುಂಡಿನ ದಾಳಿ: ಆರ್ಮಿ ಆಫೀಸರ್​​​ ಹುತಾತ್ಮ

ಭಾರತೀಯ ಯೋಧರನ್ನ ಗುರಿಯಾಗಿಸಿಕೊಂಡು ನಡೆಸಿರುವ ದಾಳಿಯಲ್ಲಿ ಸೇನೆಯ ಆರ್ಮಿ ಆಫೀಸರ್​ ಹುತಾತ್ಮರಾಗಿದ್ದು, ಸ್ಥಳೀಯ ಮಹಿಳೆಯೊಬ್ಬರು ಸಾವನ್ನಪ್ಪಿದ್ದಾರೆ.

ಶ್ರೀನಗರ:ಗಡಿ ಪ್ರದೇಶದಲ್ಲಿ ಪಾಕ್​​ ನಡೆಸಿರುವ ನಿರಂತರ ಗುಂಡಿನ ದಾಳಿಯಲ್ಲಿ ಓರ್ವ ಜೂನಿಯರ್​​ ಆರ್ಮಿ ಆಫೀಸರ್​ ಹುತಾತ್ಮರಾಗಿದ್ದು, ಸ್ಥಳೀಯ ಮಹಿಳೆಯೊಬ್ಬರು ಕೂಡಾ ಸಾವನ್ನಪ್ಪಿರುವ ಘಟನೆ ಉರಿ ಸೆಕ್ಟರ್​​ನಲ್ಲಿ ನಡೆದಿದೆ.

ಭಾರತೀಯ ಸೇನೆಯಲ್ಲಿ ಜೂನಿಯರ್​​ ಆಫೀಸರ್​ ಆಗಿ ಸೇವೆ ಸಲ್ಲಿಸುತ್ತಿದ್ದ ಬ್ರಿಜೇಶ್​​ ಹುತಾತ್ಮರಾಗಿದ್ದಾರೆ. ಬೆಳಗ್ಗೆ 11.30ರಿಂದ ನಿರಂತರವಾಗಿ ಗುಂಡಿನ ದಾಳಿ ನಡೆಸಿರುವ ಪಾಕ್​​ಗೆ ಭಾರತೀಯ ಸೇನೆ ಸಹ ತಿರುಗೇಟು ನೀಡಿದೆ.

ಭಾರತೀಯ ಸೇನೆ ಗುರಿಯಾಗಿಸಿಕೊಂಡು ಪಾಕ್​​ ದಾಳಿ ನಡೆಸಿದ್ದು, ಈ ವೇಳೆ ಆರ್ಮಿ ಆಫೀಸರ್​​ ಹುತಾತ್ಮರಾಗಿದ್ದಾರೆ.