ವಾಷಿಂಗ್ಟನ್:ಭಾರತೀಯ ಬ್ಯಾಂಕರ್ ಅನ್ಶುಲ ಕಾಂತ್ ಅವರನ್ನು ವಿಶ್ವಬ್ಯಾಂಕ್ ಗ್ರೂಪ್ನ ವ್ಯವಸ್ಥಾಪಕ ನಿರ್ದೇಶಕಿ ಹಾಗೂ ಮುಖ್ಯ ಹಣಕಾಸು ಅಧಿಕಾರಿಯನ್ನಾಗಿ ನೇಮಿಸಲಾಗಿದೆ.
ಸದ್ಯ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಕಾಂತ್ ಅವರು, ಈ ಮೊದಲು ಎಸ್ಬಿಐನ ಮುಖ್ಯ ಹಣಕಾಸು ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು. ಬ್ಯಾಂಕ್ನ ಆರ್ಥಿಕ ಸುಸ್ಥಿರತೆಗೆ ಸಾಕಷ್ಟು ಶ್ರಮ ವಹಿಸಿದ್ದರು.
ಈ ಬಗ್ಗೆ ವಿಶ್ವ ಬ್ಯಾಂಕ್ ಗ್ರೂಪ್ ಅಧ್ಯಕ್ಷ ಡೇವಿಡ್ ಮಲ್ಪಾಸ್ ಮಾತನಾಡಿ, ಅನ್ಶುಲ ಕಾಂತ್ ಅವರನ್ನು ಗ್ರೂಪ್ನ ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿ ನೇಮಕ ಮಾಡಲಾಗಿದೆ. ಹಣಕಾಸು, ಬ್ಯಾಂಕಿಂಗ್, ತಾಂತ್ರಿಕ ವಲಯದಲ್ಲಿ ಇವರು ಸಾಕಷ್ಟು ಸೇವೆ ಸಲ್ಲಿಸಿದ್ದಾರೆ ಎಂದು ಹೇಳಿದರು.
ವಿಶ್ವ ಬ್ಯಾಂಕ್ನ ಹಣಕಾಸು ಹಾಗೂ ಬಿಕ್ಕಟ್ಟು ನಿರ್ವಹಣೆ ಹೊಣೆಯನ್ನು ಕಾಂತ್ ಅವರಿಗೆ ನೀಡಲಾಗಿದೆ.ಲೇಡಿ ಶ್ರೀರಾಮ್ ಕಾಲೇಜಿನಲ್ಲಿ ಎಕನಾಮಿಕ್ ಹಾನರ್ಸ್ ಪಡೆದಿದ್ದ ಕಾಂತ್, ದೆಹಲಿಯ ಸ್ಕೂಲ್ ಆಫ್ ಎಕನಾಮಿಕ್ಸ್ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.
