ತಪ್ಪಿದ ಮತ್ತೊಂದು ಪುಲ್ವಾಮಾ ಮಾದರಿಯ ದಾಳಿ... ನೆಲದಲ್ಲಿ ಹುದುಗಿಸಿಟ್ಟಿದ್ದ ಸಿಂಟೆಕ್ಸ್​ಗಟ್ಟಲೇ ಸ್ಫೋಟಕಗಳು ಲಭ್ಯ!

ಪುಲ್ವಾಮಾ ಘಟನೆ ಸಂಭವಿಸಿದ ಪ್ರದೇಶದಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿದ ಸೇನಾ ಸಿಬ್ಬಂದಿಗೆ ಸಿಂಟೆಕ್ಸ್ ಗಟ್ಟಲೇ ಸ್ಫೋಟಕಗಳು ಲಭ್ಯವಾಗಿದ್ದು, ಭಾರಿ ದಾಳಿ ತಪ್ಪಿದಂತಾಗಿದೆ.

ಜಮ್ಮು-ಕಾಶ್ಮೀರ:ಪುಲ್ವಾಮಾ ಸ್ಫೋಟ ಸಂಭವಿಸಿದ ಪ್ರದೇಶದಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿದ ಸೇನಾ ಸಿಬ್ಬಂದಿಗೆ ಸಿಂಟೆಕ್ಸ್ ಗಟ್ಟಲೇ ಸ್ಫೋಟಕಗಳು ಲಭ್ಯವಾಗಿದೆ. ಈ ಮೂಲಕ ಪುಲ್ವಾಮಾ ಮಾದರಿಯ ಮತ್ತೊಂದು ದಾಳಿಯನ್ನು ಸೇನಾ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ತಪ್ಪಿಸಿದೆ.

ತಪ್ಪಿದ ಮತ್ತೊಂದು ಪುಲ್ವಾಮಾ ಮಾದರಿಯ ದಾಳಿ

ಗಡಿಕಲ್​​ನ ಕರೇವಾ ಪ್ರದೇಶದಲ್ಲಿ ಇಂದು ಬೆಳಿಗ್ಗೆ 8 ಗಂಟೆ ಸುಮಾರಿಗೆ ಪ್ರಾರಂಭಿಸಲಾದ ಜಂಟಿ ಕಾರ್ಯಾಚರಣೆ ವೇಳೆ ನೆಲದಲ್ಲಿ ಹುದುಗಿಸಿಟ್ಟಿದ್ದ ಸಿಂಟೆಕ್ಸ್​ ಟ್ಯಾಂಕ್‌ ದೊರೆತಿದೆ. ಈ ವೇಳೆ ಇನ್ನೂ ಆಳವಾಗಿ ಶೋಧ ನಡೆಸಿದಾಗ 125 ಗ್ರಾಂನ 416 ಪ್ಯಾಕೆಟ್​ ಸ್ಫೋಟಕಗಳು ದೊರೆತಿವೆ. ಅಂದರೆ ಒಟ್ಟು 52 ಕೆಜಿ ಸ್ಫೋಟಕ ದೊರೆತಿದ್ದು, ಅವನ್ನು ವಶಪಡಿಸಿಕೊಳ್ಳಲಾಗಿದೆ.

ಅದೇ ರೀತಿಯಾದ ಇನ್ನೊಂದು ಸಿಂಟೆಕ್ಸ್​ನಲ್ಲಿ 50 ಡಿಟೋನೇಟರ್ಸ್ ದೊರೆತಿವೆ. ಕರೇವಾದಲ್ಲಿನ ಈ ಸ್ಥಳವು ರಾಷ್ಟ್ರೀಯ ಹೆದ್ದಾರಿ ಮತ್ತು ಲೆಟಾಪೋರಾದ 9 ಕೆಎಂಎಸ್ಇಗೆ ಬಹಳ ಹತ್ತಿರದಲ್ಲಿದೆ ಮತ್ತು ಪುಲ್ವಾಮಾ ಘಟನೆ ಸಂಭವಿಸಿದ ಪ್ರದೇಶದಲ್ಲಿದೆ.