ಆಂಧ್ರ ಸಿಎಂಗೆ ಸಂಕಷ್ಟ: ಜಗನ್​​ಗೆ ಖುದ್ದು ಹಾಜರಾತಿ ವಿನಾಯಿತಿ ನಿರಾಕರಿಸಿದ ಕೋರ್ಟ್​

ಆಂಧ್ರಪ್ರದೇಶ ಸಿಎಂ ಜಗನ್​ ಮೋಹನ್​ ರೆಡ್ಡಿ ಅವರಿಗೆ ವಿಚಾರಣೆಗಾಗಿ ಕೋರ್ಟ್​ಗೆ ಖುದ್ದು ಹಾಜರಾತಿಯಿಂದ ವಿನಾಯಿತಿ ನೀಡಲು ಹೈದರಾಬಾದ್​ನ ವಿಶೇಷ ಸಿಬಿಐ ಕೋರ್ಟ್ ನಿರಾಕರಿಸಿದೆ.

ಹೈದರಾಬಾದ್​: ಆಂಧ್ರಪ್ರದೇಶ ಸಿಎಂ ಜಗನ್​ ಮೋಹನ್​ ರೆಡ್ಡಿ ಅವರಿಗೆ ವಿಚಾರಣೆಗಾಗಿ ಕೋರ್ಟ್​ಗೆ ಖುದ್ದು ಹಾಜರಾತಿಯಿಂದ ವಿನಾಯಿತಿ ನೀಡಲು ಹೈದರಾಬಾದ್​ನ ವಿಶೇಷ ಸಿಬಿಐ ಕೋರ್ಟ್ ನಿರಾಕರಿಸಿದೆ.

ಜಗನ್​ ಸಿಎಂ ಆಗಿರುವ ಕಾರಣ ಹಾಗೂ ಇತರ ಕಾರಣಗಳಿಂದ ನ್ಯಾಯಾಲಯಕ್ಕೆ ಖುದ್ದು ಹಾಜರಾಗಲು ವಿನಾಯಿತಿ ನೀಡುವಂತೆ ಕೋರ್ಟ್​ಗೆ ಜಗನ್​ ಪರ ವಕೀಲರು ಮನವಿ ಮಾಡಿದ್ದರು. ಇದಕ್ಕೆ ಸಿಬಿಐ ನ್ಯಾಯಾಲಯ ಪ್ರಬಲ ಆಕ್ಷೇಪ ವ್ಯಕ್ತಪಡಿಸಿತು. ಸಿಬಿಐ ಆಕ್ಷೇಪಕ್ಕೆ ಮನ್ನಣೆ ನೀಡಿದ ಕೋರ್ಟ್​ ಹಾಜರಾತಿಯಿಂದ ವಿನಾಯಿತಿ ನೀಡಲು ನಿರಾಕರಿಸಿತು.

2004- 2009 ರಲ್ಲಿ ಆಂಧ್ರಪ್ರದೇಶ ಸಿಎಂ ಆಗಿ ವೈ ಎಸ್​ ರಾಜಶೇಖರ್​ ರೆಡ್ಡಿ ಅವಧಿಯಲ್ಲಿ ಜಗನ್​ ವಿವಿಧ ಕಂಪನಿಗಳಲ್ಲಿ ಅಕ್ರಮವಾಗಿ ಬಂಡವಾಳ ತೊಡಗಿಸಿದ್ದರು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಶೇಷ ನ್ಯಾಯಾಲಯಲ್ಲಿ ವಿಚಾರಣೆ ನಡೆಯುತ್ತಿದೆ.

ಅಕ್ರಮ ಹಣ ಗಳಿಕೆ ಸಂಬಂಧದ ಪ್ರಕರಣದಲ್ಲಿ ಜಗನ್​ ಮೋಹನ್​ ರೆಡ್ಡಿ, ಮೇ 2012 ರಿಂದ ಸೆಪ್ಟೆಂಬರ್​​ 2013 ರಿಂದ ಸುಮಾರು 15 ತಿಂಗಳು ಚಂಚಲಗುಡಾ ಜೈಲಿನಲ್ಲಿದ್ದರು. ಬಳಿಕ ಜಾಮೀನು ಪಡೆದು ಜಗನ್​ ಹೊರ ಬಂದಿದ್ದರು.