ಬಿಗ್-ಬಿ ಅಂದ್ರೆನೇ ಹಾಗೆ. ಅವರದು ದೊಡ್ಡ ಹೃದಯ. ಯಾವಾಗಲೂ ಅಭಿಮಾನಿಗಳನ್ನು ಒಂದಲ್ಲಾ ಒಂದು ರೀತಿ ರಂಜಿಸುವ ಅಮಿತಾಭ್ ಟಿಕ್ಟಾಕ್ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ.
ಟಿಕ್ಟಾಕ್ ಯುವ ಪೀಳಿಗೆಯಲ್ಲಿ ಸಖತ್ ಟ್ರೆಂಡ್ ಕ್ರಿಯೇಟ್ ಮಾಡಿದೆ. ತಮ್ಮ ನೆಚ್ಚಿನ ನಟ-ನಟಿಯರ ಸಿನಿಮಾಗಳ ಡೈಲಾಗ್ಗೆ ಅಥವಾ ಹಾಡಿಗೆ ಡಬ್ ಮಾಡುವುದು ಸಾಮಾನ್ಯವಾಗಿದೆ. ಆದರೆ, ಈಗ ಸ್ವತಃ ಅಮಿತಾಭ್ ಬಚ್ಚನ್ ಕೂಡ ಟಿಕ್ಟಾಕ್ ಮಾಡಿದ್ದಾರೆ.
ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮದಲ್ಲಿ ಉತ್ತರ ಪ್ರದೇಶದ ನೋಯ್ಡಾದ ದೀಪಿಕಾ ಶರ್ಮಾ ಎಂಬ ಸ್ಪರ್ಧಿ ಜೊತೆ ಬಿಗ್-ಬಿ ಟಿಕ್ಟಾಕ್ ಮಾಡಿದ್ದಾರೆ. ವೃತ್ತಿಯಲ್ಲಿ ಲೆಕ್ಚರರ್ ಆಗಿರುವ ದೀಪಿಕಾ, 12ನೇ ಪ್ರಶ್ನೆವರೆಗೂ ಆಟ ಆಡಿದರು. ಟಿಕ್ಟಾಕ್ ಪ್ರಿಯೆ ಆಗಿರುವ ದೀಪಿಕಾ ಶರ್ಮಾ ಅಮಿತಾಭ್ ಅವರೊಂದಿಗೆ ಟಿಕ್ಟಾಕ್ ಮಾಡುವ ಕೋರಿಕೆ ಇಟ್ಟರು. ಅದಕ್ಕೆ ಅಸ್ತು ಎಂದ ಬಿಗ್ ಬಿ ಆಟವನ್ನು ಮುಂದುವರೆಸುತ್ತಾರೆ.
12ನೇ ಪ್ರಶ್ನೆ ಬರುವ ವೇಳೆಗೆ ಎಲ್ಲ ಲೈಫ್ ಲೈನ್ಗಳನ್ನೂ ಕಳೆದುಕೊಂಡಿದ್ದ ದೀಪಿಕಾ, 6 ಲಕ್ಷ 40 ಸಾವಿರ ರೂ. ಹಣ ಗೆದ್ದು ಕ್ವಿಟ್ ಆಗ್ತಾರೆ. ಕೆಬಿಸಿ ಶೋನ ಕೊನೆಯಲ್ಲಿ ಮಾತು ಕೊಟ್ಟಂತೆ ಅಮಿತಾಭ್ ಬಚ್ಚನ್ ತಮ್ಮದೇ ಸಿನಿಮಾದ ಅಂಗ್ರೇಜಿ ಮೇ ಕೆಹ್ತೇ ಹೈ ಹಾಡಿಗೆ ಟಿಕ್ಟಾಕ್ ಮಾಡಿದ್ದಾರೆ.
