ವಾಯುಪಡೆಯಿಂದ ದಕ್ಷಿಣ ಕಾಶ್ಮೀರದಲ್ಲಿ ತುರ್ತು ರನ್​ವೇ: ಚೀನಾ ಬೆದರಿಕೆಗೆ ದಿಟ್ಟ ಉತ್ತರ

ಭಾರತ- ಚೀನಾ ಗಡಿಯಲ್ಲಿ ಉದ್ವಿಗ್ನ ವಾತಾವರಣ ಸೃಷ್ಟಿಯಾಗಿರುವ ಬೆನ್ನಲ್ಲೇ ದಕ್ಷಿಣ ಕಾಶ್ಮೀರದಲ್ಲಿ ತುರ್ತು ರನ್‌ ವೇ ನಿರ್ಮಿಸಲು ಭಾರತೀಯ ವಾಯುಪಡೆ ಮುಂದಾಗಿದೆ.

ಶ್ರೀನಗರ (ಜಮ್ಮು ಕಾಶ್ಮೀರ):ಚೀನಾ ಗಡಿಯಲ್ಲಿ ಉದ್ವಿಗ್ನ ವಾತಾವರಣದ ನಡುವೆಯೇ ಭಾರತೀಯ ವಾಯುಪಡೆ ದಕ್ಷಿಣ ಕಾಶ್ಮೀರದಲ್ಲಿ ತುರ್ತು ರನ್​ವೇ ನಿರ್ಮಿಸಲು ಮುಂದಾಗಿದೆ.

ಮೂರು ಕಿಲೋಮೀಟರ್ ಉದ್ದವಿರುವ ಈ ರನ್​ವೇ ಅನಂತ್​ನಾಗ್​ ಜಿಲ್ಲೆಯ ಬಿಜ್​ಬೆಹರಾ ಪ್ರದೇಶದಲ್ಲಿರುವ ರಾಷ್ಟ್ರೀಯ ಹೆದ್ದಾರಿ 44ಕ್ಕೆ ಸಮೀಪದಲ್ಲಿದೆ. ರನ್​ವೇ ನಿರ್ಮಿಸುವ ಕಾರ್ಯ ಎರಡು ದಿನಗಳ ಹಿಂದೆ ಆರಂಭಗೊಂಡಿದೆ ಎಂದಿರುವ ಅಧಿಕಾರಿಗಳು ಈ ರನ್​ವೇಯನ್ನು ಫೈಟರ್​ ಜೆಟ್​ಗಳನ್ನು ಇಳಿಸಲು ಬಳಸಿಕೊಳ್ಳಲಾಗುತ್ತದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಅನಂತ್​ನಾಗ್​ ಜಿಲ್ಲಾಡಳಿತದಿಂದ ರನ್​ವೇ ಕಾಮಗಾರಿಗೆ ಕಾರ್ಮಿಕರು ಹಾಗೂ ಟ್ರಕ್​ಗಳನ್ನು ನೀಡಲಾಗಿದೆ.