ಹೆಚ್ಚಾದ ಜಾಗತಿಕ ಬೇಡಿಕೆ: ಹಿಮಾಚಲ ಪ್ರದೇಶವು ಹೈಡ್ರಾಕ್ಸಿಕ್ಲೋರೋಕ್ವಿನ್ ಉತ್ಪಾದನೆ ವೇಗಗೊಳಿಸುತ್ತಿದೆ

ಕೋವಿಡ್ 19 ಬಿಕ್ಕಟ್ಟಿನ ಸಂದರ್ಭದಲ್ಲಿ ವಿಶ್ವಾದ್ಯಂತ ಹೈಡ್ರಾಕ್ಸಿಕ್ಲೋರೋಕ್ವಿನ್‌ನ ಬೇಡಿಕೆ ಹೆಚ್ಚಾಗುತ್ತಿದ್ದಂತೆ, ಹಿಮಾಚಲ ಪ್ರದೇಶವು ದೇಶೀಯ ಮತ್ತು ಅಂತಾರಾಷ್ಟ್ರೀಯ ಅಗತ್ಯತೆಗಳನ್ನು ಪೂರೈಸುವಂತೆ ಔಷಧ ಉತ್ಪಾದನೆಯನ್ನು ವೇಗಗೊಳಿಸುತ್ತಿದೆ.

ಸೋಲನ್:ಮಾರಣಾಂತಿಕ ಕೋವಿಡ್​-19 ಅನ್ನು ಎದುರಿಸಲು, ಮಲೇರಿಯಾಕ್ಕೆ ಬಳಸುವ ಹೈಡ್ರಾಕ್ಸಿಕ್ಲೋರೋಕ್ವಿನ್- ಔಷಧ ಕೊರೊನಾದ ಆಟವನ್ನು ಬದಲಾಯಿಸುತ್ತದೆಂದು ಪರಿಗಣಿಸಲಾಗುತ್ತಿದೆ.

ಕೋವಿಡ್ 19 ಬಿಕ್ಕಟ್ಟಿನ ಸಂದರ್ಭದಲ್ಲಿ ವಿಶ್ವಾದ್ಯಂತ ಹೈಡ್ರಾಕ್ಸಿಕ್ಲೋರೋಕ್ವಿನ್‌ನ ಬೇಡಿಕೆ ಹೆಚ್ಚಾಗುತ್ತಿದ್ದಂತೆ, ಹಿಮಾಚಲ ಪ್ರದೇಶವು ದೇಶೀಯ ಮತ್ತು ಅಂತಾರಾಷ್ಟ್ರೀಯ ಅಗತ್ಯತೆಗಳನ್ನು ಪೂರೈಸುವಂತೆ ಔಷಧ ಉತ್ಪಾದನೆಯನ್ನು ವೇಗಗೊಳಿಸುತ್ತಿದೆ.

ಅದಾಗ್ಯೂ, ಕೊರೊನಾ ವೈರಸ್​ನಲ್ಲಿ ಪ್ರಮುಖ ಪಾತ್ರವಹಿಸುವ ಹೈಡ್ರಾಕ್ಸಿಕ್ಲೋರೋಕ್ವಿನ್ ಔಷಧದ ಉತ್ಪಾದನೆಯಲ್ಲಿ ಕಚ್ಚಾ ವಸ್ತುವು ಒಂದು ಅಡಚಣೆಯಾಗುತ್ತಿದೆ. ರಾಜ್ಯದ ಅತಿದೊಡ್ಡ ಕೈಗಾರಿಕಾ ಪ್ರದೇಶದಲ್ಲಿ ಸ್ಥಾಪಿಸಲಾದ ಸುಮಾರು 38 ಕೈಗಾರಿಕೆಗಳಲ್ಲಿ ಇದರ ಉತ್ಪಾದನೆ ಪ್ರಾರಂಭವಾಗದಿರುವುದು ಇದೇ ಕಾರಣಕ್ಕಾಗಿ. ಪ್ರಸ್ತುತ ಈ ಔಷಧವನ್ನ ಸುಮಾರು 10 ಕೈಗಾರಿಕೆಗಳಲ್ಲಿ ಉತ್ಪಾದಿಸಲಾಗುತ್ತಿದೆ, ಅವುಗಳು ಸಾಕಷ್ಟು ಕಚ್ಚಾ ವಸ್ತುಗಳನ್ನು ಹೊಂದಿವೆ.

ಡ್ರಗ್​ ನಿಯಂತ್ರಣ ಉಪಾಧಿಕಾರಿ ಮನೀಶ್ ಕಪೂರ್ ಅವರ ಪ್ರಕಾರ, ಹಿಮಾಚಲ ಪ್ರದೇಶದ 50 ಕೈಗಾರಿಕೆಗಳಲ್ಲಿ ಹೈಡ್ರಾಕ್ಸಿಕ್ಲೋರೋಕ್ವಿನ್ ಔಷಧ ಉತ್ಪಾದನೆಗೆ ಪರವಾನಗಿ ಲಭ್ಯವಿದೆ ಎಂದಿದ್ದಾರೆ.

ಅದೇ ಸಮಯದಲ್ಲಿ, ಸೊಲಾನ್ ಜಿಲ್ಲೆಯ ಬಿಬಿಎನ್ ಪ್ರದೇಶದಲ್ಲಿ ಇಂತಹ ಸುಮಾರು 23 ಕೈಗಾರಿಕೆಗಳಿವೆ. ಉದ್ಯಮವು ನಿತ್ಯ 2 ಲಕ್ಷದಿಂದ 1 ಕೋಟಿ ಮಾತ್ರೆಗಳನ್ನು ತಯಾರಿಸುವ ಸಾಮರ್ಥ್ಯವನ್ನು ಹೊಂದಿದೆ. ಭಾರತದಲ್ಲಿ ಈ ಔಷಧದ ಉತ್ಪಾದನೆಯನ್ನು ಹೆಚ್ಚಿಸುವ ಸಲುವಾಗಿ, ಝಿಜಾಸ್ ಕ್ಯಾಡಿಲಾ, ಸಿಪ್ಲಾ, ಟೊರೆಂಟ್ ಫಾರ್ಮಾ ಮತ್ತು ಡಾ. ರೆಡ್ಡಿ ಲ್ಯಾಬ್ ಎದುರಿಸುತ್ತಿರುವ ಎಲ್ಲ ಅಡೆತಡೆಗಳನ್ನು ತೆಗೆದುಹಾಕುವಂತೆ ಕೇಂದ್ರ ಸರ್ಕಾರ ರಾಜ್ಯ ಸರ್ಕಾರಕ್ಕೆ ನಿರ್ದೇಶನ ನೀಡಿತ್ತು.

ಈ ಕಾರಣದಿಂದಲೇ ಜಿಲ್ಲಾಡಳಿತವು ಇತರ ಔಷಧೀಯ ಕೈಗಾರಿಕೆಗಳಿಗೆ ಒಂದು ಬಾರಿ ಅನುಮತಿ ನೀಡುವ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ.