'ವಿಜಯ್ ರನ್ ಫಾರ್ ಸೋಲ್ಜರ್ ಮ್ಯಾರಥಾನ್' ಗೆ ಅಕ್ಷಯ್ ಕುಮಾರ್​​, ಸೆನನ್​ ಚಾಲನೆ

ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಮತ್ತು ಕೃತಿ ಸೆನನ್ 1971 ರ ಇಂಡೋ-ಪಾಕ್ ಯುದ್ಧದ ಸುವರ್ಣ ಮಹೋತ್ಸವ ಆಚರಣೆ ಹಿನ್ನೆಲೆ ಸೇನೆಯು ಆಯೋಜಿಸಿದ್ದ ವಿಜಯ್ ರನ್ ಫಾರ್​ ಮ್ಯಾರಥಾನ್ ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು. ಅಕ್ಷಯ್ ಕುಮಾರ್ ಯೋಧರೊಂದಿಗೆ ವಾಲಿಬಾಲ್ ಪಂದ್ಯವನ್ನು ಆಡಿ ಅವರನ್ನು ಪ್ರೋತ್ಸಾಹಿಸಿದರು. ಹಾಗೇ ಯೋಧರ ಸಮವಸ್ತ್ರ ನೋಡಿದಾಗ ಅವರಿಗೆ ಹೆಮ್ಮೆ ಎನಿಸುತ್ತದೆ ಎಂದು ಅಕ್ಷಯ್​ ಹಂಚಿಕೊಂಡಿದ್ದಾರೆ.

ಜೈಸಲ್ಮೇರ್(ರಾಜಸ್ಥಾನ):ಸೇನಾ ದಿನಾಚರಣೆ ಪ್ರಯುಕ್ತ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಮತ್ತು ಕೃತಿ ಸೆನನ್ ಇಬ್ಬರೂ ಸೇನಾ ಸಿಬ್ಬಂದಿ ಜೊತೆಗೆ ಜೈಸಲ್ಮೇರ್‌ನ ಮಿಲಿಟರಿ ನಿಲ್ದಾಣಕ್ಕೆ ತಲುಪಿದರು. ಮತ್ತು 1971 ರ ಇಂಡೋ-ಪಾಕ್ ಯುದ್ಧದ ಸುವರ್ಣ ಮಹೋತ್ಸವ ಆಚರಣೆ ಹಿನ್ನೆಲೆ ಸೇನೆಯು ಆಯೋಜಿಸಿದ್ದ ವಿಜಯ್ ರನ್ ಫಾರ್​ ಮ್ಯಾರಥಾನ್ ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು.

ಈ ಸಂದರ್ಭ ಅಕ್ಷಯ್ ಕುಮಾರ್ ಮತ್ತು ಕೃತಿ ಸೆನನ್ ಸೈನಿಕರೊಂದಿಗೆ ಸಂವಾದ ನಡೆಸಿದರು. ಆನಂತರ ಸೇನಾ ನಿಲ್ದಾಣದ ಸಗತ್ ಸಿಂಗ್ ಕ್ರೀಡಾಂಗಣದಲ್ಲಿ ನಡೆದ 'ವಿಜಯ್ ರನ್ ಫಾರ್ ಸೋಲ್ಜರ್ ಮ್ಯಾರಥಾನ್' ಗೆ ಚಾಲನೆ ನೀಡಿದರು.

ಕಾರ್ಯಕ್ರಮದ ಆಚರಣೆ ನಂತರ ಅಕ್ಷಯ್ ಕುಮಾರ್ ಯೋಧರೊಂದಿಗೆ ವಾಲಿಬಾಲ್ ಪಂದ್ಯವನ್ನು ಆಡಿ ಅವರನ್ನು ಪ್ರೋತ್ಸಾಹಿಸಿದರು. ಹಾಗೇ ಯೋಧರ ಸಮವಸ್ತ್ರ ನೋಡಿದಾಗ ಅವರಿಗೆ ಹೆಮ್ಮೆ ಎನಿಸುತ್ತದೆ ಎಂದು ಅಕ್ಷಯ್​ ಹಂಚಿಕೊಂಡಿದ್ದಾರೆ.

ಈ ಸಂದರ್ಭದಲ್ಲಿ ಸೇನಾಧಿಕಾರಿಗಳು ಮತ್ತು ಹೆಚ್ಚಿನ ಸಂಖ್ಯೆಯ ಸೇನಾ ಸಿಬ್ಬಂದಿ ಉಪಸ್ಥಿತರಿದ್ದರು. ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಮತ್ತು ನಟಿ ಕೃತಿ ಸೆನನ್ ಸದ್ಯ ಬಚ್ಚನ್ ಪಾಂಡೆಯ ಶೂಟಿಂಗ್‌ಗಾಗಿ ಜೈಸಲ್ಮೇರ್ ಬಂದಿದ್ದಾರೆ.