ಹೈದರಾಬಾದ್​​: ಚಾಟಿಂಗ್​ ಮಾಡುತ್ತಾ ಬಹು ಮಹಡಿಯಿಂದ ಕೆಳಗೆ ಬಿದ್ದು ರಾಜ್ಯದ ಮಹಿಳೆ ಸಾವು

ಪೋನ್​ನಲ್ಲಿ ಚಾಟಿಂಗ್​ ಮಾಡುತ್ತ ಮೂರಂತಸ್ತಿನ ಮಹಡಿಯಿಂದ ಕೆಳಗೆ ಬಿದ್ದು ಸಾವನಪ್ಪಿದ ಕರ್ನಾಟಕ ಮೂಲದ ಏರ್​​ಪೋರ್ಟ್​​ ಉದ್ಯೋಗಿ.

ಶಂಷಾಬಾದ್​​/ತೆಲಂಗಾಣ:ಕರ್ನಾಟಕ ಮೂಲದ ಏರ್​​ಪೋರ್ಟ್​​ ಉದ್ಯೋಗಿಯೊಬ್ಬರು ಮೊಬೈಲ್​​ನಲ್ಲಿ ಚಾಟಿಂಗ್​​ ಮಾಡುತ್ತ ಮೂರಂತಸ್ತಿನ ಮಹಡಿಯಿಂದ ಕೆಳಗೆ ಬಿದ್ದು ಸಾವಿಗೀಡಾಗಿರುವ ಘಟನೆ, ತೆಂಲಗಾಣದ ಶಂಷಾಬಾದ್​​ನಲ್ಲಿ ಜರುಗಿದೆ.

ಬಾಗಲಕೋಟೆ ಮೂಲದ ಸಿಮ್ರನ್​ ಮೃತ ಮಹಿಳೆ. ಇವರು ಏರ್​​ಪೋರ್ಟ್​ನ ಗ್ರಾಹಕ ಸೇವಾ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದರು ಎಂದು ತಿಳಿದುಬಂದಿದೆ. ಸದ್ಯ ಮೃತ ಮಹಿಳೆ ಶವವನ್ನು ಉಸ್ಮಾನಿಯಾ ಆಸ್ಪತ್ರೆಗೆ ಕಳುಹಿಸಿದ್ದು, ಶವ ಪರೀಕ್ಷೆ ನಡೆಯುತ್ತಿದೆ.ಈ ಸಂಬಂಧ ಶಂಷಾಬಾದ್​​ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.