ವಾಯುಸೇನಾ ಮುಖ್ಯಸ್ಥರಾಗಿ ರಾಕೇಶ್ ಕುಮಾರ್ ಸಿಂಗ್ ಭದೌರಿಯಾ ಅಧಿಕಾರ ಸ್ವೀಕಾರ

ವಾಯುಸೇನಾ ಮುಖ್ಯಸ್ಥ ಬಿ.ಎಸ್.ಧನೋವ ಅವರ ಅಧಿಕಾರಾವಧಿ ಪೂರ್ಣಗೊಂಡಿದ್ದು, ಇಂದು ನಿವೃತ್ತಿ ಹೊಂದಿದ್ದಾರೆ. ರಾಕೇಶ್ ಕುಮಾರ್ ಸಿಂಗ್ ಭದೌರಿಯಾ ನೂತನ ವಾಯುಸೇನಾ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕಾರ ಮಾಡಿದ್ದಾರೆ.

ನವದೆಹಲಿ:ಏರ್ ಮಾರ್ಷಲ್ ರಾಕೇಶ್ ಕುಮಾರ್ ಸಿಂಗ್ ಭದೌರಿಯಾ ಭಾರತೀಯ ವಾಯುಸೇನೆ ನೂತನ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕಾರ ಮಾಡಿದ್ದಾರೆ.

ಬಿ.ಎಸ್.ಧನೋವ ಅವರ ಅಧಿಕಾರ ಅವಧಿ ಪೂರ್ಣಗೊಂಡಿದ್ದರಿಂದ ಇಂದು ನಿವೃತ್ತಿ ಹೊದಿದ್ದಾರೆ. ಆ ಸ್ಥಾನಕ್ಕೆ ರಾಕೇಶ್ ಕುಮಾರ್ ಸಿಂಗ್ ಭದೌರಿಯಾ ಅವರನ್ನ ಆಯ್ಕೆ ಮಾಡಲಾಗಿದ್ದು, 2 ವರ್ಷಗಳ ಅಧಿಕಾರ ಅವಧಿಯನ್ನ ಹೊಂದಿದ್ದಾರೆ.

ಇದೇ ವೇಳೆ, ಏರ್​ಸ್ಟ್ರೈಕ್ ಕುರಿತಂತೆ ಮಾತನಾಡಿದ ಅವರು, ನಾವು ಮುಂದೆಯೂ ಕೂಡ ಇಂತಹ ಸವಾಲುಗಳಿಗೆ ಸಿದ್ದರಾಗುತ್ತೇವೆ. ಎಂಥಾ ಸವಾಲು​ಗಳನ್ನಾದರೂ ಎದುರಿಸಲು ನಾವು ರೆಡಿ ಎಂದಿದ್ದಾರೆ. ರಫೇಲ್ ಯುದ್ಧ ವಿಮಾನ ಕುರಿತು ಮಾತನಾಡಿದ್ದು, ರಫೇಲ್ ಬಹಳ ಸಮರ್ಥವಾದ ಯುದ್ಧ ವಿಮಾನವಾಗಿದ್ದು, ನಮ್ಮ ಕಾರ್ಯಾಚರಣೆಯಲ್ಲಿ ಗೇಮ್ ಚೇಂಜರ್ ಆಗಿರುತ್ತದೆ. ನೆರೆಯ ರಾಷ್ಟ್ರಗಳಿಗಿಂತ ನಮ್ಮ ವಾಯುಸೇನೆಯ ಬಲವನ್ನ ಹೆಚ್ಚಿಸುತ್ತದೆ ಎಂದಿದ್ದಾರೆ.

39 ವರ್ಷಗಳಿಂದ ವಾಯು ಸೇನೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ರಾಕೇಶ್ ಕುಮಾರ್ ಸಿಂಗ್, ಏರ್ ಆಫೀಸರ್​ ಕಮಾಂಡಿಂಗ್ ಚೀಫ್ ಸೇರಿದಂತೆ ಹಲವು ಹುದ್ದೆಗಳಲ್ಲಿ ಕರ್ತವ್ಯ ನಿರ್ವಹಿಸಿದ್ದು, ಹಲವಾರು ಮೆಡಲ್​ಗಳನ್ನ ಪಡೆದುಕೊಂಡಿದ್ದಾರೆ.