ಮುಂಬೈ: ತೀವ್ರ ಹಣಕಾಸು ಮುಗ್ಗಟ್ಟಿನಿಂದ ದಿವಾಳಿ ತುತುದಿಗೆ ತಲುಪಿದ ಜೆಟ್ ಏರ್ವೇಸ್ ಸಂಸ್ಥೆಯ ವಿಮಾನ ಹಾರಾಟ ಸೇವೆಯ ಸ್ಥಗಿತದ ಬೆನ್ನಲ್ಲೇ ಏರ್ ಇಂಡಿಯಾ ಅಧ್ಯಕ್ಷ ಅಶ್ವಿನಿ ಲೋಹಾನಿ ಅವರು ಸ್ಟೇಟ್ ಬ್ಯಾಂಕ್ ಅಧ್ಯಕ್ಷ ಮುಖ್ಯಸ್ಥಕ ರಜನಿಶ್ ಕುಮಾರ್ ಅವರನ್ನು ಭೇಟಿ ಮಾಡಲಿದ್ದಾರೆ. ವಿಮಾನಯಾನ- ಹಣಕಾಸು ಸಂಸ್ಥೆ ಉದ್ದಿಮೆಗಳ ಭೇಟಿ ಬಗ್ಗೆ ಏರ್ ವೇಸ್ ಉದ್ಯಮದಲ್ಲಿ ತೀವ್ರ ಕುತೂಹಲ ಮೂಡಿದೆ.
ಜೆಟ್ ಬಿಕ್ಕಟ್ಟು: ಏರ್ ಇಂಡಿಯಾ- ಎಸ್ಬಿಐ ಅಧ್ಯಕ್ಷರ ಭೇಟಿಯ ಹಿಂದಿದೆ ಕುತೂಹಲದ ನಡೆ..! - undefined
ತೂಕದ ಋಣಭಾರ ಮತ್ತು ಆದಾಯ ಮೂಲಗಳ ಕಡಿತದಿಂದ ತತ್ತರಿಸಿದ ಜೆಟ್ ಏರ್ವೇಸ್, ಬುಧವಾರ ತಡರಾತ್ರಿ 16 ದೊಡ್ಡ ವಿಮಾನಗಳು, 10 'ಬಿ777-300ಇಆರ್ಎಸ್' ಮತ್ತು 6 ಏರ್ಬಸ್ 'ಎ330ಎಸ್'ಗಳ ಹಾರಾಟ ಸ್ಥಗಿತಗೊಳಿಸುವುದಾಗಿ ಪ್ರಕಟಿಸಿತ್ತು. ಇವುಗಳಲ್ಲಿ ದೈತ್ಯ ಬೋಯಿಂಗ್ ವಿಮಾನಗಳ ಮೇಲೆ ಏರ್ ಇಂಡಿಯಾ ಕಣ್ಣಿಟ್ಟಿದ್ದು, 5 ವಿಮಾನಗಳನ್ನು ಗುತ್ತಿಗೆ ಪಡೆಯಲು ಚಿಂತಿಸಿದೆ.
ಏರ್ ಇಂಡಿಯಾ ಮುಖ್ಯಸ್ಥ ಅಶ್ವಿನಿ ಲೋಹಾನಿ: ಚಿತ್ರ ಕೃಪೆ ಟ್ವಿಟ್ಟರ್
ಜೆಟ್ ಸಂಸ್ಥೆಯ ಜವಾಬ್ದಾರಿ ಎಸ್ಬಿಐ ನೇತೃತ್ವದ ಬ್ಯಾಂಕ್ಗಳ ಒಕ್ಕೂಟ ಮೇಲಿದ್ದು, ಏರ್ ಇಂಡಿಯಾ ಅಧ್ಯಕ್ಷರು ಬಾಡಿಗೆ ಇಂಗಿತ ವ್ಯಕ್ತಪಡಿಸಿ ಬುಧವಾರ ಎಸ್ಬಿಐ ಅಧ್ಯಕ್ಷರಿಗೆ ಪತ್ರ ಬರೆದಿದ್ದಾರೆ. 'ಜೆಟ್ನ ಐದು ಬೋಯಿಂಗ್ 777 ವಿಮಾಲನಗಳನ್ನು ಬಾಡಿಗೆ ತೆಗೆದುಕೊಂಡು ಪ್ರಮುಖ ಅಂತಾರಾಷ್ಟ್ರೀಯ ಮಾರ್ಗದಲ್ಲಿ ನಿಯೋಜಿಸಲು ಆಸಕ್ತಿ ಹೊಂದಿದ್ದೇವೆ' ಎಂದು ಒಕ್ಕಣಿಕೆಯಲ್ಲಿ ತಿಳಿಸಿದ್ದಾರೆ.
ಇಂದು ಉಭಯ ಸಂಸ್ಥೆಗಳ ಮುಖ್ಯಸ್ಥರು ದೆಹಲಿಯಲ್ಲಿ ಭೇಟಿಯಾಗಲಿದ್ದು, ಈ ಬಗ್ಗೆ ತೀರ್ಮಾನಕ್ಕೆ ಬರಲಿದ್ದಾರೆ. ಏರ್ ಇಂಡಿಯಾ ತನ್ನ ಅಂತಾರಾಷ್ಟ್ರೀಯ ಸೇವಾ ವ್ಯಾಪ್ತಿಯನ್ನು ಇನ್ನಷ್ಟು ವಿಸ್ತರಿಸುವ ಆಸಕ್ತಿ ತಳೆದಿದೆ. ಅದರ ಮಹತ್ವಕಾಂಕ್ಷೆ ಜಾರಿಗೆ ಬಂದರೆ ಎಐ, ಹೊಸ ಮಾರ್ಗಗಳನ್ನು ಕಂಡಕೊಳ್ಳಲಿದೆ. ಜೆಟ್ ಸಾಲದಾತರಿಗೆ ತಮ್ಮ ಹಣ ಮರಳಿಪಡೆಯಲು ಇದು ಅನಕೂಲವಾಗಬಹುದು ಎಂದು ಉದ್ಯಮ ವಲಯ ನಿರೀಕ್ಷಿಸುತ್ತಿದೆ.