ನವದೆಹಲಿ: ಕೊರೊನಾ ಅಬ್ಬರದ ನಡುವೆ ಏರ್ ಫ್ರಾನ್ಸ್ ಜುಲೈ 18ರಿಂದ ಆಗಸ್ಟ್ 1ರವರೆಗೆ ದೆಹಲಿ, ಮುಂಬೈ ಹಾಗೂ ಬೆಂಗಳೂರಿಗೆ ವಿಮಾನ ಹಾರಾಟ ನಡೆಸಲು ಮುಂದಾಗಿದ್ದು, ಒಟ್ಟು 28 ವಿಮಾನಗಳ ಸೇವೆ ಶುರುವಾಗಲಿದೆ.
ಜುಲೈ 18ರಿಂದ ದೆಹಲಿ, ಮುಂಬೈ, ಬೆಂಗಳೂರಿಗೆ ಪ್ಯಾರಿಸ್ನಿಂದ 28 ವಿಮಾನ ಹಾರಾಟ - ವಿಮಾನಯಾನ ಸೇವೆ
ಕೋವಿಡ್ ಬಿಕ್ಕಟ್ಟಿನ ನಡುವೆ ಜುಲೈ 18ರಿಂದ ಫ್ರಾನ್ಸ್ನಿಂದ ಭಾರತದ ಪ್ರಮುಖ ನಗರಗಳಿಗೆ ವಿಮಾನಯಾನ ಸೇವೆ ಆರಂಭಗೊಳ್ಳಲಿದೆ ಎಂದು ಕೇಂದ್ರ ಸಚಿವರು ತಿಳಿಸಿದ್ದಾರೆ.
Puri
ಈ ಬಗ್ಗೆ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ನೀಡಿದ ಕೇಂದ್ರ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿ, ಫ್ರಾನ್ಸ್, ಯುಎಸ್ ಹಾಗೂ ಜರ್ಮನಿಗೆ ವಿಮಾನ ಸೇವೆ ಆರಂಭಿಸಲು ತಿಳಿಸಲಾಗಿದೆ ಎಂದರು.
ಜುಲೈ 17ರಿಂದ 31ರವರೆಗೆ ಅಮೆರಿಕದ 18 ವಿಮಾನ ಹಾರಾಟ ಮಾಡಲಿದೆ. ಈ ಬಗ್ಗೆ ಜರ್ಮನಿ ಬಳಿಯಲ್ಲೂ ಮನವಿ ಮಾಡಿಕೊಂಡಿದ್ದಾಗಿ ಸಚಿವರು ತಿಳಿಸಿದ್ದಾರೆ. ಕೊರೊನಾ ಸೋಂಕು ಹೆಚ್ಚಾಗಿರುವ ಕಾರಣ ಕಡಿಮೆ ಪ್ರಮಾಣದಲ್ಲಿ ವಿಮಾನಗಳ ಹಾರಾಟಕ್ಕೆ ಅವಕಾಶ ನೀಡಲಾಗಿದೆ. ವಿಶೇಷವೆಂದರೆ ಮಾರ್ಚ್ 23ರಿಂದ ದೇಶದಲ್ಲಿ ಅಂತಾರಾಷ್ಟ್ರೀಯ ವಿಮಾನ ಸೇವೆ ಬಂದ್ ಮಾಡಲಾಗಿತ್ತು.