ಹೆಮ್ಮಾರಿ ವಿರುದ್ಧ ಸಮರ: ಕ್ಯಾನ್ಸರ್ ಔಷಧಗಳ ಶೇ 87% ಬೆಲೆ ಇಳಿಸಿದ ಮೋದಿ ಸರ್ಕಾರ -

ಕಳೆದ ಕೆಲವು ವರ್ಷಗಳಿಂದ ದೇಶಿಯ ಕ್ಯಾನ್ಸರ್ ನಿರೋಧಕ ಔಷಧಿಗಳ ಮಾರಾಟ ವಾರ್ಷಿಕ ಶೇ 20 ಪ್ರತಿಶತದಲ್ಲಿ ಬೆಳವಣಿಗೆ ಕಾಣುತ್ತಿದೆ. ಆದರೆ, ಜಾಗತಿಕ ಬೆಳವಣಿಗೆ ದರ ಇದರ ಅರ್ಧದಷ್ಟಿದೆ. ಈ ಔಷಧಿಗಳನ್ನು ತಯಾರಿಕಾ ದರಕ್ಕಿಂತ 7ರಿಂದ 8 ಪಟ್ಟು ಅಧಿಕ ಬೆಲೆಯಲ್ಲಿ ಮಾರಾಟ ಮಾಡಲಾಗುತ್ತಿದೆ.

ನವದೆಹಲಿ:ಕ್ಯಾನ್ಸರ್ ರೋಗಿಗಳಿಗೆ ಕಡಿಮೆ ದರದಲ್ಲಿ ಔಷಧಿ ದೊರೆಯಬೇಕು. ರೋಗಿಗಳ ಮೇಲಿನ ಆರ್ಥಿಕ ಹೊರೆ ತಗ್ಗಿಸಬೇಕು ಎಂಬ ಆಶಯದೊಂದಿಗೆ ರಾಷ್ಟ್ರೀಯ ಔಷಧ ದರ ಪ್ರಾಧಿಕಾರ (ಎನ್​ಪಿಪಿಎ) ಕ್ಯಾನ್ಸರ್ ನಿರೋಧಕ 9 ಔಷಧಗಳ ದರವನ್ನು ಶೇ 87ರಷ್ಟು ಇಳಿಸಿದೆ.

ಇದಕ್ಕೂ ಮೊದಲು ಕೇಂದ್ರ ಸರ್ಕಾರ, ಕ್ಯಾನ್ಸರ್​ ನಿರೋಧಕ 42 ಔಷಧಿಗಳ ಬೆಲೆಯಲ್ಲಿ ಶೇ 85ರಷ್ಟು ಕಡಿಮೆ ಮಾಡಿ ಶೇ 30ರಷ್ಟು ದರದಲ್ಲಿ ಲಭ್ಯವಾಗುವಂತೆ ಮಾಡಿತ್ತು. ಪ್ರಸ್ತುತ 72 ವಿಧದ ಮತ್ತು 355 ಬ್ರಾಂಡ್‌ನ ಔಷಧಿಗಳು ಈ ವ್ಯಾಪ್ತಿಗೆ ಸೇರ್ಪಡೆಯಾಗಲಿವೆ. ಭಾರತೀಯ ಫಾರ್ಮಾ ಮಾರುಕಟ್ಟೆಯ ಒಟ್ಟು 1.30 ಲಕ್ಷ ಕೋಟಿ ರೂ ವ್ಯವಹಾರದಲ್ಲಿ ₹ 3,500ರಿಂದ ₹ 4,000 ಕೋಟಿವರೆಗೂ ಕ್ಯಾನ್ಸರ್​ ಔಷಧಿಗಳ ಪಾಲಿದೆ.

ಕಳೆದ ಕೆಲವು ವರ್ಷಗಳಿಂದ ದೇಶಿಯ ಕ್ಯಾನ್ಸರ್ ನಿರೋಧಕ ಔಷಧಿಗಳ ಮಾರಾಟ ವಾರ್ಷಿಕ ಶೇ 20 ಪ್ರತಿಶತದಲ್ಲಿ ಬೆಳವಣಿಗೆ ಕಾಣುತ್ತಿದೆ. ಆದರೆ, ಜಾಗತಿಕ ಬೆಳವಣಿಗೆ ದರ ಇದರ ಅರ್ಧದಷ್ಟಿದೆ. ಈ ಔಷಧಗಳನ್ನು ತಯಾರಿಕಾ ದರಕ್ಕಿಂತ 7ರಿಂದ 8 ಪಟ್ಟು ಅಧಿಕ ಬೆಲೆಯಲ್ಲಿ ಮಾರಾಟ ಮಾಡಲಾಗುತ್ತಿದೆ.

ಭಾರತದಲ್ಲಿ 2.2ರಿಂದ 2.5 ಮಿಲಿಯನ್ (22 ರಿಂದ 25 ಲಕ್ಷ) ಕ್ಯಾನ್ಸರ್ ಪೀಡಿತರಿದ್ದಾರೆ. ಪ್ರತಿ ವರ್ಷ 1.1 ಮಿಲಿಯನ್ ಜನರು ಕ್ಯಾನ್ಸರ್​ಗೆ ಹೊಸದಾಗಿ ಸೇರ್ಪಡೆಯಾಗುತ್ತಿದ್ದಾರೆ. ಬಹುತೇಕ ಭಾರತೀಯರು ಆರೋಗ್ಯ ವಿಮೆಯಿಂದ ಹೊರಗುಳಿಯುತ್ತಿದ್ದಾರೆ. ಹೀಗಾಗಿ, ಇಂತಹ ಬೆಲೆ ಇಳಿಕೆ ಕ್ರಮವನ್ನು ಕೇಂದ್ರ ಜಾರಿಗೆ ತಂದಿದೆ.