ಜೆಎನ್​ಯು ಕ್ಯಾಂಪಸ್​ನಲ್ಲಿ ಹಲ್ಲೆ ಪ್ರಕರಣ: ABVP ಮತ್ತು SU ಆರೋಪ-ಪ್ರತ್ಯಾರೋಪ

ನವದೆಹಲಿಯ ಜೆಎನ್​ಯು ಕ್ಯಾಂಪಸ್​ಗೆ ನುಗ್ಗಿ ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರ ಮೇಲೆ ಹಲ್ಲೆ ನಡೆಸಿರುವ ಪ್ರಕರಣ ರಾಜಕೀಯ ರಂಗು ಪಡೆಯುತ್ತಿದೆ. ಈ ಹಲ್ಲೆಯ ಹಿಂದೆ ABVP ಕೈವಾಡವಿದೆ ಎಂದು JNUSU ಆರೋಸಿದರೆ, ಇದು JNUSU ಕೈವಾಡವೆಂದು ABVP ಪ್ರತ್ಯಾರೋಪ ಮಾಡಿದೆ.

ನವದೆಹಲಿ: ಮುಖವಾಡ ಧರಿಸಿಕೊಂಡು ಜೆಎನ್​ಯು ಕ್ಯಾಂಪಸ್​ಗೆ ನುಗ್ಗಿ ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರ ನಡುವೆ ಹಲ್ಲೆ ನಡೆಸಿರುವ ಪ್ರಕರಣ ರಾಜಕೀಯ ರಂಗು ಪಡೆಯುತ್ತಿದೆ.

ಭಾನುವಾರ ಸಂಜೆ ದೆಹಲಿಯ ಜವಹರಲಾಲ್​ ನೆಹರೂ ವಿಶ್ವವಿದ್ಯಾಲಯದ ಕ್ಯಾಂಪಸ್​ಗೆ ನುಗ್ಗಿದ್ದ ದುಷ್ಕರ್ಮಿಗಳ ಗುಂಪೊಂದು ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರ ಮೇಲೆ ಹಲ್ಲೆ ನಡೆಸಿತ್ತು. ಈ ಬಗ್ಗೆ ಟ್ವಿಟ್ಟರ್​ನಲ್ಲಿ ಪ್ರತಿಕ್ರಿಯೆ ನೀಡಿರುವ ದೆಹಲಿ ಎಬಿವಿಪಿ, ಹಲ್ಲೆಗೆ ಎಡಪರ ಸಂಘಟನೆಗಳಾದ SFI, AISA, ಹಾಗೂ DSF ಕಾರಣ ಎಂದು ಆರೋಪಿಸಿದೆ.

ಇನ್ನೊಂದೆಡೆ ಇದನ್ನು ಅಲ್ಲಗಳೆದಿರುವ ಜೆಎನ್​ಯು ವಿದ್ಯಾರ್ಥಿ ಸಂಘಟನೆ, ಈ ಹಲ್ಲೆಯ ಹಿಂದೆ ಎಬಿವಿಪಿ ವಿದ್ಯಾರ್ಥಿಗಳ ಕೈವಾಡವಿದೆ ಎಂದು ಆರೋಪಿಸಿದೆ.