ದೆಹಲಿ ವಿಧಾನಸಭೆ ಚುನಾವಣೆ: ಆಮ್‌ ಆದ್ಮಿಗಳ ಪಟ್ಟಿ ರಿಲೀಸ್‌, ದೆಹಲಿ ಕ್ಷೇತ್ರದಿಂದ ಕೇಜ್ರಿವಾಲ್ ಕಣಕ್ಕೆ

ದೆಹಲಿ ವಿಧಾನಸಭೆ ಚುನಾವಣೆಗಾಗಿ ಬಿಜೆಪಿ, ಕಾಂಗ್ರೆಸ್​ ಹಾಗೂ ಎಎಪಿ ನಡುವೆ ನೇರ ಸ್ಪರ್ಧೆ ಏರ್ಪಟ್ಟಿದ್ದು, ಇದೀಗ ಆಡಳಿತಾರೂಢ ಎಎಪಿಯಿಂದ ಅಭ್ಯರ್ಥಿಗಳ ಮೊದಲ ಪಟ್ಟಿ​​ ಬಿಡುಗಡೆಯಾಗಿದೆ.

ನವದೆಹಲಿ:ಫೆಬ್ರವರಿ 8ರಂದು ದೆಹಲಿಯ 70 ವಿಧಾನಸಭೆ ಕ್ಷೇತ್ರಗಳಿಗೆ ಚುನಾವಣೆ ನಡೆಯಲಿದ್ದು, ಆಡಳಿತಾರೂಢ ಆಮ್​ ಆದ್ಮಿ ಕಣಕ್ಕಿಳಿಸುವ ಮೊದಲ ಪಟ್ಟಿ ರಿಲೀಸ್ ಮಾಡಿದೆ.

ಮುಖ್ಯಮಂತ್ರಿ ಅರವಿಂದ್​ ಕೇಜ್ರಿವಾಲ್​​​ ಈ ಸಲದ ಚುನಾವಣೆಯಲ್ಲಿ ನವದೆಹಲಿಯಿಂದ ಸ್ಪರ್ಧಿಸಲಿದ್ದು, ಡೆಪ್ಯುಟಿ ಸಿಎಂ ಮನೀಷ್​ ಸಿಸೋಡಿಯಾ ಪ್ರತಾಪಗಢದಿಂದ ತಮ್ಮ ಅದೃಷ್ಠ ಪರೀಕ್ಷೆಗಿಳಿಯಲಿದ್ದಾರೆ. ವಿಶೇಷ ಅಂದ್ರೆ, ಎಲ್ಲಾ 70 ಕ್ಷೇತ್ರಗಳಿಗೂ ಆಮ್​ ಆದ್ಮಿ ಪಕ್ಷ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದೆ.

ಆಮ್‌ ಆದ್ಮಿ ಬಿಡುಗಡೆ ಮಾಡಿದ ಮೊದಲ ಪಟ್ಟಿಯ ವಿಶೇಷತೆಗಳೇನು?

- ಕಣದಲ್ಲಿದ್ದಾರೆ 46 ಮಂದಿ ಹಾಲಿ ಶಾಸಕರು.

- 15 ಜನ ಹಾಲಿ ಶಾಸಕರಿಗೆ ದೊರೆತಿಲ್ಲ ಟಿಕೆಟ್‌

- ಚುನಾವಣೆಯಲ್ಲಿ 9 ಮಂದಿ ಹೊಸಬರಿಗೆ ಸಿಕ್ತು ಅವಕಾಶ

- ಕಳೆದ ಬಾರಿ 6 ಮಂದಿ ಮಹಿಳೆಯರನ್ನು ಕಣಕ್ಕಿಳಿಸಿದ್ದ AAP ಈ ಬಾರಿ 8 ಮಹಿಳೆಯರನ್ನು ಅಖಾಡಕ್ಕಿಳಿಸಿದೆ.

ಕಳೆದ ಚುನಾವಣೆಯಲ್ಲಿ ಫಲಿತಾಂಶ ಹೇಗಿತ್ತು?

ಕಳೆದ (2015) ವಿಧಾನಸಭಾ ಚುನಾವಣೆಯಲ್ಲಿ, ಒಟ್ಟು ಕ್ಷೇತ್ರಗಳ ಪೈಕಿ 67 ಕ್ಷೇತ್ರಗಳಲ್ಲಿ ಜಯಭೇರಿ ಬಾರಿಸಿದ ಆಮ್​ ಆದ್ಮಿ ಪಾರ್ಟಿ​ ದಿಲ್ಲಿಯ ಗದ್ದುಗೆಗೇರಿತ್ತು. ಬಿಜೆಪಿ ಕೇವಲ 3 ಕ್ಷೇತ್ರಗಳಲ್ಲಿ ಗೆದ್ದರೆ, 1998ರಿಂದ 2013ರವರೆಗೂ 15 ವರ್ಷ ರಾಜಧಾನಿಯಲ್ಲಿ ಅಧಿಪತ್ಯ ಸ್ಥಾಪಿಸಿದ್ದ ಕೈ ಪಾಳಯ ಒಂದೂ ಕ್ಷೇತ್ರವನ್ನೂ ಗೆಲ್ಲಲಾಗದೆ ಮುಖಭಂಗ ಅನುಭವಿಸಿತ್ತು.