ಗುಂಟೂರು:ತನ್ನ ಸಹೋದರಿ ಮಗನನ್ನು ಸ್ವಂತ ಮಗನೆಂದು ಪ್ರೀತಿ ತೋರಿದ ದೊಡ್ಡಮ್ಮಳನ್ನು ಪುತ್ರನೇ ಕೊಲೆ ಮಾಡಿರುವ ಘಟನೆ ಗುಂಟೂರು ಜಿಲ್ಲೆಯ ಕೊತ್ತಪಾಲೆಂನಲ್ಲಿ ಶನಿವಾರ ನಡೆದಿದೆ.
ಡೆಗಲ ಸುಬ್ಬಮ್ಮ (55) ತನ್ನ ಸಹೋದರಿ ಮಗನಾದ ಪಗಡಂ ರಾಜಶೇಖರ್ ರೆಡ್ಡಿಯನ್ನು ಪ್ರೀತಿಯಿಂದ ನೋಡಿಕೊಳ್ಳುತ್ತಿದ್ದಳು. ಆತನಿಗೆ ಹಣದ ಅವಶ್ಯಕತೆ ಇದ್ದಾಗ ಸುಬ್ಬಮ್ಮ ತನ್ನ ಬಳಿ ಇದ್ದ 160 ಗ್ರಾಂ ಬಂಗಾರ ಕೊಟ್ಟಿದ್ದರು. ಬ್ಯಾಂಕ್ನಲ್ಲಿ ಬಂಗಾರವನ್ನು ಅಡವಿಟ್ಟು ಆತ ಸಾಲ ಪಡೆದಿದ್ದ. ಬಳಿಕ ಅವುಗಳನ್ನು ಬ್ಯಾಂಕಿನಿಂದ ಬಿಡಿಸಿಕೊಂಡು ತನ್ನ ಬಳಿ ಇಟ್ಟುಕೊಂಡಿದ್ದ ರಾಜಶೇಖರ್ ರೆಡ್ಡಿ.
ಇನ್ನು ರಾಜಶೇಖರ್ ರೆಡ್ಡಿ ತಮ್ಮ ದೊಡ್ಡಮ್ಮ ಮನೆ ಮುಂದೆ ಟ್ರ್ಯಾಕ್ಟರ್ನಲ್ಲಿ ಹಾದು ಹೋಗುತ್ತಿದ್ದಾಗ ಸುಬ್ಬಮ್ಮ ನೋಡಿ ಕರೆದಿದ್ದಾರೆ. ಬಂಗಾರ ಕೊಡುವಂತೆ ಕೇಳಿದ್ದಾರೆ. ಈ ಬಗ್ಗೆ ಇಬ್ಬರ ಮಧ್ಯೆ ಜಗಳವಾಗಿದೆ. ಬಂಗಾರ ಕೊಡುವವರೆಗೂ ನಿನ್ನನ್ನು ಬಿಡಲ್ಲವೆಂದು ಟ್ರ್ಯಾಕ್ಟರ್ ಮುಂದೆ ನಿಂತಿದ್ದಾರೆ. ಕೋಪಗೊಂಡ ರಾಜಶೇಖರ್ ರೆಡ್ಡಿ ತನ್ನ ದೊಡ್ಡಮ್ಮಳ ಮೇಲೆ ಟ್ರ್ಯಾಕ್ಟರ್ ಹತ್ತಿಸಿದ್ದು, ಸುಬ್ಬಮ್ಮ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.
ಕೊಲೆ ಮಾಡಿದ ಬಳಿಕ ರಾಜಶೇಖರ್ ರೆಡ್ಡಿ ಪರಾರಿಯಾಗಲು ಯತ್ನಿಸಿದ್ದಾನೆ. ಆದ್ರೆ ಸ್ಥಳೀಯರು ಆತನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಈ ಘಟನೆ ಕುರಿತು ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
