ತವರಿಗೆ ಹೋದ ಪತ್ನಿ...ಅನ್ಯ ಮಹಿಳೆ ಜೊತೆ ಎಂಜಾಯ್​ ಮಾಡಿ ಕೊಂದ ಪತಿ!

ಪತ್ನಿ ತವರಿಗೆ ಹೋದ ಖುಷಿಯಲ್ಲಿ ವ್ಯಕ್ತಿಯೊಬ್ಬ ಮಹಿಳೆಯೊಬ್ಬಳನ್ನು ಮನೆಗೆ ಕರೆದು, ಆಕೆಯೊಂದಿಗೆ ಕುಡಿದು ಸಖತ್​ ಎಂಜಾಯ್​ ಮಾಡಿ ಆ ಬಳಿಕ ಕೊಲೆ ಮಾಡಿರುವ ಘಟನೆ ಹೈದರಾಬಾದ್​ನಲ್ಲಿ ನಡೆದಿದೆ.

ಹೈದರಾಬಾದ್​: ಪತ್ನಿ ಮಕ್ಕಳೊಡನೆ ತವರು ಮನೆಗೆ ಹೋಗಿದ್ದಾಳೆ. ಇದೇ ಖುಷಿಯಲ್ಲಿ ವ್ಯಕ್ತಿಯೊಬ್ಬ ಮನೆಗೆ ಮಹಿಳೆಯೊಬ್ಬಳನ್ನು ಕರೆದುಕೊಂಡು ಬಂದಿದ್ದಾನೆ. ಇಬ್ಬರು ಕುಡಿದು ಮನೆಯಲ್ಲಿ ಮಜಾ ಮಾಡಿದ್ದಾರೆ. ಆದ್ರೆ ಏನಾಯ್ತೋ ಏನೋ ಮಹಿಳೆಯನ್ನು ಕೊಂದು ವ್ಯಕ್ತಿ ಪರಾರಿಯಾಗಿದ್ದಾನೆ. ಈ ಘಟನೆ ಮುತ್ತಿನ ನಗರಿ ಹೈದರಾಬಾದ್​ನ ಉಪ್ಪಲ್​​​​ನಲ್ಲಿ ನಡೆದಿದೆ.

ಏನಿದು ಪ್ರಕರಣ?

ಇನ್ನು ಮನೆಯಲ್ಲಿ ಇಬ್ಬರು ಸೇರಿ ಮದ್ಯೆ ಸೇವನೆ ಮಾಡಿ ಮಧ್ಯೆ ರಾತ್ರಿಯವರೆಗೆ ಎಂಜಾಯ್​ ಮಾಡಿದ್ದಾರೆ. ಇಲ್ಲಿನ ಚಿಲುಕಾನಗರದ ನಿವಾಸಿ ಅಂಜಯ್ಯ ಚಾಲಕ ವೃತ್ತಿ ಮಾಡುತ್ತಿದ್ದಾನೆ. ಭಾನುವಾರದಂದು ಅಂಜಯ್ಯನ ಪತ್ನಿ ಮಕ್ಕಳೊಡನೆ ತವರು ಮನೆಗೆ ಹೋಗಿದ್ದಾರೆ. ಹೆಂಡ್ತಿ ಊರಿಗೆ ಹೋದ ಖುಷಿಯಲ್ಲಿ ಅಂಜಯ್ಯ ಮಹಿಳೆಯೊಬ್ಬಳನ್ನು ಮನೆಗೆ ಕರೆ ತಂದಿದ್ದಾನೆ.

ಕುಡಿದ ನಶೆಯಲ್ಲಿ ಇಬ್ಬರ ನಡುವೆ ಜಗಳವಾಗಿದೆ. ಕುಡಿದ ಮತ್ತಿನಲ್ಲಿದ್ದ ಅಂಜಯ್ಯ ಬಿಯರ್​ ಬಾಟಲಿಯಿಂದ ಮಹಿಳೆ ತಲೆ ಮೇಲೆ ಬಲವಾಗಿ ದಾಳಿ ಮಾಡಿದ್ದಾನೆ. ಪರಿಣಾಮ ಮಹಿಳೆ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ. ಇದರಿಂದ ಗಾಬರಿಗೊಂಡ ಅಂಜಯ್ಯ ಸ್ಥಳದಿಂದ ಕಾಲ್ಕಿತ್ತಿದ್ದಾನೆ.

ಕೊಲೆಯ ಬಗ್ಗೆ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ರವಾನಿಸಿದ್ದಾರೆ. ಕೂಡಲೇ ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು ಮಹಿಳೆ ಮೃತದೇಹವನ್ನು ವಶಕ್ಕೆ ಪಡೆದು ಮರಣೋತ್ತರ ಪರೀಕ್ಷೆ ಕಳುಹಿಸಿದರು.

ಈ ಘಟನೆ ಕುರಿತು ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿಗಾಗಿ ಶೋಧಕಾರ್ಯ ಕೈಗೊಂಡಿದ್ದಾರೆ.