ಮಹಾರಾಷ್ಟ್ರದಲ್ಲಿ ಸಿದ್ಧವಾಗಿವೆ ಬೆಳ್ಳಿಯ ಮಾಸ್ಕ್​ಗಳು!

ಕೋವಿಡ್-19 ತಡೆಯಲು ಮಾಸ್ಕ್​ ಧರಿಸುವುದು ಕಡ್ಡಾಯವಾಗಿದ್ದು, ಮಹಾರಾಷ್ಟ್ರದ ಆಭರಣಗಳ ವ್ಯಾಪಾರಿಯೊಬ್ಬರು ಬೆಳ್ಳಿ ಮಾಸ್ಕ್​ಗಳನ್ನು ತಯಾರಿಸಿದ್ದಾರೆ.

ಚಿಕ್ಕೋಡಿ: ಕೊರೊನಾ ಸೋಂಕು ಹರಡುವುದನ್ನು ತಡೆಯಲು ಮಾಸ್ಕ್ ಬಳಕೆ ಮಾಡುವಂತೆ ಸರ್ಕಾರ ಸೂಚನೆ ನೀಡಿದ್ದು, ಮಹಾರಾಷ್ಟ್ರದಲ್ಲಿ ಬೆಳ್ಳಿ ಮಾಸ್ಕ್​ಗಳನ್ನು ತಯಾರು ಮಾಡಲಾಗಿದೆ.

ಕೊರೊನಾ ನಿಯಂತ್ರಣಕ್ಕೆ ಮಾಸ್ಕ್ ಕಡ್ಡಾಯವಾಗಿರುವುದರಿಂದ ತರಹೇವಾರಿ ಮಾಸ್ಕ್​ಗಳು ಮಾರುಕಟ್ಟೆಗೆ ಕಾಲಿಟ್ಟಿವೆ. ಈ ಮಧ್ಯೆ ಮಹಾರಾಷ್ಟ್ರದಲ್ಲಿ ಬೆಳ್ಳಿಯ ಮಾಸ್ಕ್​ಗಳನ್ನು ತಯಾರಿಸಲಾಗಿದೆ.

ಮಹರಾಷ್ಟ್ರದ ಕೊಲ್ಲಾಪುರ ನಗರದಲ್ಲಿ ಬೆಳ್ಳಿ ಮಾಸ್ಕ್​ ಸಿದ್ಧವಾಗಿದ್ದು, ಆಭರಣಗಳ ವ್ಯಾಪಾರಿ ಸಂದೀಪ ಸಾಂಗವಕರ ಈ ಮಸ್ಕ್​ಗಳನ್ನು ತಯಾರಿಸಿದ್ದಾರೆ. ವಿಶೇಷವಾಗಿ ಕೊರೊ‌ನಾ ಭೀತಿಯಲ್ಲಿ ಮದುವೆ ಆಗುತ್ತಿರುವ ನೂತನ ವಧು-ವರರಿಗಾಗಿ ಇವುಗಳನ್ನು ನಿರ್ಮಿಸಲಾಗಿದೆ. ಮಹರಾಷ್ಟ್ರದಲ್ಲಿ ದಿನದಿಂದ ದಿನಕ್ಕೆ ಕೊರೊನಾ ಪ್ರಕರಣಗಳು ಹೆಚ್ಚುತ್ತಿರುವ ಸಮಯದಲ್ಲಿ ವಿಭಿನ್ನವಾದ ಬೆಳ್ಳಿ ಮಾಸ್ಕ್​ಗಳು ಗಮನ ಸೆಳೆಯುತ್ತಿವೆ.