ಹೈದರಾಬಾದ್: ಆತ ಕೊರಿಯರ್ ಬಾಯ್.. ಹೈದರಾಬಾದ್ನ ತನ್ನ ಸೋದರಮಾವನಎದುರುಮನೆಯುವತಿಯೊಬ್ಬಳನ್ನ ಪ್ರೀತಿಸುತ್ತಿದ್ದ. ಆದರೆ, ಇವರ ಪ್ರೀತಿಗೆ ಹಿರಿಯರು ನೋ ಎಂದಿದ್ದಾರೆ. ಇದರಿಂದ ಆ ಜೋಡಿಹಕ್ಕಿ ಜೀವ ಕಳ್ಕೊಂಡಿವೆ. ಹಿರಿಯರು ಮಾತ್ರ ಈಗ ಮಕ್ಕಳನ್ನು ಕಳೆದುಕೊಂಡು ಕಣ್ಣೀರಿಡುತ್ತಿದ್ದಾರೆ.
ತೆಲಂಗಾಣದ ಮೇದಕ್ ಜಿಲ್ಲೆಯ ನಿವಾಸಿ ರಮೇಶ್ ಎಂಬ (25) ಯುವಕ ಹೈದರಾಬಾದ್ನಲ್ಲಿ ಕೋರಿಯರ್ ಬಾಯ್ ಆಗಿ ಕೆಲಸ ಮಾಡುತ್ತಿದ್ದ. ಫತೇನಗರ್ದಲ್ಲಿರುವ ಸೋದರಮಾವನ ಮನೆಗೆ ಆಗಾಗ ಹೋಗಿ ಬರುತ್ತಿದ್ದ. ಈ ವೇಳೆ ಎದುರು ಮನೆಯಲ್ಲಿರುವ ರಿಷಿತಾ (18) ಎಂಬ ಯುವತಿಯ ಪರಿಚಯವಾಗಿದೆ. ಮುಂದೆ ಸ್ನೇಹವಾಗಿ, ಅದೇ ಸ್ನೇಹ ಇಬ್ಬರ ಮಧ್ಯೆ ಪ್ರೀತಿ ಅರಳಿಸಿದೆ.
ಮೂರು ವರ್ಷದಿಂದಇವರಿಬ್ಬರೂ ಪ್ರೀತಿಸುತ್ತಿದ್ದ ವಿಷಯ ರಿಷಿತಾ ಮನೆಯವರಿಗೆ ತಿಳಿದಿದೆ. ರಿಷಿತಾ ಸಹ ಮದುವೆ ಅಂತಾದ್ರೇ ಅದು ರಮೇಶ್ನ ಮಾತ್ರ ಅಂತಾ ಕಡ್ಡಿಮುರಿದಂತೆ ಹೇಳಿದ್ದಳಂತೆ. ಆದರೆ, ಅವರ ಪ್ರೀತಿಯನ್ನು ರಿಷಿತಾ ಪೋಷಕರು ನಿರಾಕರಿಸಿದ್ದರು. ಇದರಿಂದ ಮನನೊಂದ ರಿಷಿತಾ, ಮೇ 28ರಂದು ನೇಣಿಗೆ ಶರಣಾಗಿದ್ದಳು.
ಪ್ರೀತಿಸಿದವಳೇ ಪ್ರಾಣಬಿಟ್ಟಿದ್ದರಿಂದ ಪ್ರಿಯಕರ ರಮೇಶ್ ಕೂಡ ಆಘಾತಕ್ಕೊಳಗಾಗಿದ್ದ.ಮೇ 29ರಂದು ತಮ್ಮ ಸೋದರಮಾವನ ಮನೆಗೆ ತೆರಳಿದ್ದಾನೆ. ನೊಂದ ರಮೇಶ್ ನಾಲ್ಕು ಅಂತಸ್ತಿನ ಕಟ್ಟಡ ಮೇಲೇರಿ ಕೆಳಗೆ ಜಿಗಿದು ಪ್ರಾಣ ಬಿಟ್ಟಿದ್ದಾನೆ. ಈ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಸನತ್ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
