ಮನೆ ಕುಸಿದು ಬಾಲಕಿಯರಿಬ್ಬರ ದುರ್ಮರಣ

ಮನೆ ಕುಸಿದ ಪರಿಣಾಮ 13 ಹಾಗೂ 12 ವರ್ಷದ ಇಬ್ಬರು ಬಾಲಕಿಯರು ಬಲಿಯಾಗಿರುವ ಘಟನೆ ನಡೆದಿದೆ. ಕಟ್ಟಡದ ಅವಶೇಷಗಳಡಿಯಿಂದ ಬಾಲಕಿಯರನ್ನು ಹೊರತೆಗೆದು ಆಸ್ಪತ್ರೆಗೆ ಕರೆ ತಂದರೂ ಇಬ್ಬರೂ ಬದುಕುಳಿಯಲಿಲ್ಲ.

ಗುಜರಾತ್​​: ಇಲ್ಲಿನ ಭರೂಚ್​ ಜಿಲ್ಲೆಯ ಜಂಬೂಸರ್​ ಗ್ರಾಮದಲ್ಲಿ ಮನೆ ಕುಸಿದ ಪರಿಣಾಮ ಇಬ್ಬರು ಬಾಲಕಿಯರು ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಸ್ಥಳೀಯರು ಹರಸಾಹಸ ಪಟ್ಟು ಅವಶೇಷಗಳಡಿ ಸಿಲುಕಿದ್ದ ಬಾಲಕಿಯರನ್ನು ಹೊರ ತೆಗೆದು ಆಸ್ಪತ್ರೆಗೆ ದಾಖಲಿಸಲು ಮುಂದಾಗಿದ್ದಾರೆ. ಆದರೆ ಆಸ್ಪತ್ರೆಗೆ ತರುವ ಮುನ್ನವೇ ಬಾಲಕಿಯರು ಸಾವನ್ನಪ್ಪಿದ್ದಾರೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.

ಮೃತ ಬಾಲಕಿಯರನ್ನು 13 ವರ್ಷದ ಹೀನಾ ಪಾರ್ಮಾರ್​​​ ಮತ್ತು 12 ವರ್ಷದ ವೈಶಾಲಿ ಪಾರ್ಮಾರ್ ಎಂದು ಗುರುತಿಸಲಾಗಿದೆ.