70 ಲಕ್ಷ ರೂ. ಸಾಲ ಬಾಕಿ: ಎನ್​ಸಿಪಿ ಮುಖಂಡನ ಫ್ಲಾಟ್​ಗೆ ಬ್ಯಾಂಕ್​ ಅಧಿಕಾರಿಗಳ ಮುತ್ತಿಗೆ!

ಸುಮಾರು 70 ಲಕ್ಷ ರೂ. ಸಾಲ ಪಾವತಿಸದ ಹಿನ್ನೆಲೆಯಲ್ಲಿ ಪುಣೆಯಲ್ಲಿರುವ ಎನ್​ಸಿಪಿ(ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಾರ್ಟಿ) ಮುಖಂಡ ಧನಂಜಯ್​ ಮುಂಡೆಯವರ ವಸತಿ ಗೃಹಕ್ಕೆ ಶಿವಾಜಿರಾವ್ ಭೋಸಲೆ ಸಹಕಾರಿ ಬ್ಯಾಂಕ್ ಅಧಿಕಾರಿಗಳು ಮುತ್ತಿಗೆ ಹಾಕಿದ್ದಾರೆ. ಈ ಬಗ್ಗೆ ಏನು ಮಾಡಬೇಕೆಂದು ನಾಳೆ ನಿರ್ಧರಿಸುತ್ತೇನೆ ಎಂದು ಧನಂಜಯ್​ ಮುಂಡೆ ಹೇಳಿದ್ದಾರೆ.

ಪುಣೆ(ಮಹಾರಾಷ್ಟ್ರ):ಸಾಲ ಪಾವತಿಸದ ಹಿನ್ನೆಲೆಯಲ್ಲಿ ಪುಣೆಯ ಎನ್​ಸಿಪಿ ಮುಖಂಡ ಧನಂಜಯ್​ ಮುಂಡೆ ಫ್ಲಾಟ್​ಗೆ ಬ್ಯಾಂಕ್​ ಅಧಿಕಾರಿಗಳು ಮುತ್ತಿಗೆ ಹಾಕಿದ್ದಾರೆ.

ಪುಣೆಯಲ್ಲಿರುವ ಎನ್​ಸಿಪಿ(ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಾರ್ಟಿ) ಮುಖಂಡ ಧನಂಜಯ್​ ಮುಂಡೆಯವರ ವಸತಿ ಗೃಹಕ್ಕೆ ಶಿವಾಜಿರಾವ್ ಭೋಸಲೆ ಸಹಕಾರಿ ಬ್ಯಾಂಕ್ ಅಧಿಕಾರಿಗಳು ಮುತ್ತಿಗೆ ಹಾಕಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಧನಂಜಯ್​ ಮುಂಡೆ, ಚುನಾವಣೆ ವಿಚಾರವಾಗಿ ನನಗೆ ಬಿಡುವಿಲ್ಲ. ಸಾಲದ ವಿಚಾರವಾಗಿ ಚುನಾವಣಾ ಪ್ರಕ್ರಿಯೆ ಮುಗಿದ ಬಳಿಕ ನಿಮ್ಮೊಂದಿಗೆ ಮಾತನಾಡುತ್ತೇನೆ ಎಂದು ಬ್ಯಾಂಕ್​ ಅಧಿಕಾರಿಗಳಿಗೆ ಹೇಳಿದ್ದೆ. ಈ ಬಗ್ಗೆ ಏನು ಮಾಡಬೇಕೆಂದು ನಾಳೆ ನಿರ್ಧರಿಸುತ್ತೇನೆ ಎಂದು ಹೇಳಿದ್ದಾರೆ.

ಕಳೆದ ಅಕ್ಟೋಬರ್​ 25ರಂದು ಬ್ಯಾಂಕ್,​ ಪತ್ರಿಕೆಯಲ್ಲಿ ಈ ಬಗ್ಗೆ ಪ್ರಕಟಣೆ ನೀಡಿತ್ತು. ಅಲ್ಲದೆ ಈ ಬಗ್ಗೆ ಕಠಿಣ ಕ್ರಮ ಕೈಗೊಳ್ಳುವುದಾಗಿಯೂ ನಮೂದಿಸಿತ್ತು.