ರಾಹುಲ್​ ಗಾಂಧಿ ಭಾಷಣ ಅನುವಾದಿಸಿದ 12ನೇ ತರಗತಿ ವಿದ್ಯಾರ್ಥಿನಿ

ಕೇರಳದ ವಯನಾಡು ಸಂಸದ ರಾಹುಲ್​ ಗಾಂಧಿ ಸವಾಲು​ ಸ್ವೀಕರಿಸಿದ 12ನೇ ತರಗತಿ ವಿದ್ಯಾರ್ಥಿನಿ ಅವರ ಭಾಷಣ ಅನುವಾದ ಮಾಡಿ ಗಮನ ಸೆಳೆದಿದ್ದಾರೆ.

ವಯನಾಡು(ಕೇರಳ):ಕೇರಳದ ವಯನಾಡು ಕ್ಷೇತ್ರದ ಸಂಸದ ರಾಹುಲ್​ ಗಾಂಧಿ ಇಂಗ್ಲಿಷ್​​ನಲ್ಲಿ ಮಾಡಿರುವ ಭಾಷಣವನ್ನು 12ನೇ ತರಗತಿ ಬಾಲಕಿ ಮಲಯಾಳಂ ಭಾಷೆಗೆ ಅನುವಾದಿಸಿ ಮೆಚ್ಚುಗೆ ಗಳಿಸಿದ್ದಾಳೆ.

ಕೇರಳದ ವಯನಾಡಿನ ಶಾಲೆಯಲ್ಲಿ ವಿಜ್ಞಾನ ಲ್ಯಾಬ್​​​ ಉದ್ಘಾಟನೆಗೆ ತೆರಳಿದ್ದ ವೇಳೆ ರಾಹುಲ್​ ಗಾಂಧಿ ವಿದ್ಯಾರ್ಥಿಗಳ ಬಳಿ, ನನ್ನ ಭಾಷಣವನ್ನು ಇಲ್ಲಿ ಯಾರಾದ್ರೂ ಇಂಗ್ಲಿಷ್​​ನಿಂದ ಮಲಯಾಳಂಗೆ ಅನುವಾದ ಮಾಡುತ್ತೀರಾ? ಎಂದು ಕೇಳಿದ್ದಾರೆ. ಈ ವೇಳೆ 12ನೇ ತರಗತಿ ವಿದ್ಯಾರ್ಥಿನಿ ಸಫಾ ಸೆಬಿನಾ ವೇದಿಕೆಗೆ ಬಂದು​ ಸಂಪೂರ್ಣ ಭಾಷಣವನ್ನ ಅನುವಾದ ಮಾಡಿದ್ದಾರೆ.

ರಾಹುಲ್​​ ಗಾಂಧಿ ಗಂಟೆಗೂ ಹೆಚ್ಚು ಕಾಲ ಇಂಗ್ಲಿಷ್​​ನಲ್ಲಿ ಮಾಡಿರುವ ಭಾಷಣದ ಅನುವಾದವನ್ನು ಸಂಪೂರ್ಣವಾಗಿ ಮಲಯಾಳಂಗೆ ಪರಿವರ್ತಿಸಿ ಜನರ ಕಿವಿ ತಲುಪಿಸಿದ್ದಾರೆ.

ಹಿಂದೊಮ್ಮೆ ಕೇರಳದಲ್ಲಿ ರಾಹುಲ್ ಗಾಂಧಿ ಚುನಾವಣಾ ಭಾಷಣವನ್ನು ಕಾಂಗ್ರೆಸ್ ಮುಖಂಡ ಹಾಗು ರಾಜ್ಯಸಭೆಯ ಮಾಜಿ ಉಪಸಭಾಧ್ಯಕ್ಷ ಪಿ.ಜೆ. ಕುರಿಯನ್‌ ಅನುವಾದಿಸಿದ್ದು ನಗೆಪಾಟಲಿಗೆ ಗುರಿಯಾಗಿತ್ತು.