ಏರ್ ಏಷ್ಯಾ ವಿಮಾನದಲ್ಲಿ ತನ್ನ ಗೆಳತಿಗೆ ಮತ್ತು ಸಹೋದ್ಯಗಿ ಆದ ಕೆಟ್ಟ ಅನುಭವವನ್ನು ಗಗನಸಖಿ ನುರಲಿಯಾ ಮಜ್ಲಾನ್ ಟ್ವೀಟ್ ಮೂಲಕ ಬಿಚ್ಚಿಟ್ಟಿದ್ದಾರೆ. ಬಾಯಫ್ರೆಂಡ್ ಪಕ್ಕದ ಸೀಟ್ ಅರೆಂಜ್ ಮಾಡದ ಗಗನಸಖಿ ವಿರುದ್ಧ ಯುವತಿಯೊಬ್ಬಳು ಕೆಟ್ಟದಾಗಿ ನಡೆದುಕೊಂಡಿರುವ ಬಗ್ಗೆ ನುರಲಿಯಾ ಮಾಹಿತಿ ಹೊರ ಹಾಕಿದ್ದಾರೆ.
ಬಾಯ್ ಫ್ರೆಂಡ್ ಪಕ್ಕದ ಸೀಟ್ ನೀಡದ ಗಗನಸಖಿ... ರೊಚ್ಚಿಗೆದ್ದ ಯುವತಿ ಮಾಡಿದ್ದು ಹೀಗೆ!
ವಿಮಾನದಲ್ಲಿ ಪ್ರತಿ ಪ್ರಯಾಣಿಕರನ್ನು ನಗುತ್ತಲೇ ಮಾತನಾಡಿಸುವುದು, ಪ್ರತಿ ಸೀಟ್ಗೆ ಹೋಗಿ ಪ್ರಯಾಣಿಕರನ್ನು ವಿಚಾರಿಸುವುದು ಗಗನಸಖಿಯರು. ಏರ್ ಹೊಸ್ಟೆಸ್ ಕೆಲಸ ಅಷ್ಟು ಸುಲಭದ ಮಾತಲ್ಲ. ಇಷ್ಟೆಲ್ಲ ಮಾಡಿದ ಅವರ ಮೇಲೆ ಕೆಲವೊಮ್ಮೆ ಪ್ರಯಾಣಿಕರು ಕರುಣೆ ಇಲ್ಲದೆ ವರ್ತಿಸುತ್ತಾರೆ. ಅಂಥದೊಂದು ಘಟನೆ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಕೃಪೆ: Twitter
ಚೈನೀಸ್ ಜೋಡಿಯೊಂದು ಏರ್ಏಷ್ಯಾ ವಿಮಾನದಲ್ಲಿ ಟಿಕೆಟ್ ಬುಕ್ ಮಾಡಿದ್ದರು. ಆದ್ರೆ, ಇವರ ಸೀಟ್ ಅಕ್ಕ-ಪಕ್ಕ ಬರದೇ ಬೇರೆ-ಬೇರೆಯಾಗಿ ಬಂದಿದೆ. ವಿಮಾನದಲ್ಲಿ ಪ್ರಯಾಣ ಬೆಳಸಿದ ವೇಳೆ ಯುವತಿ ನನ್ನ ಬಾಯಫ್ರೆಂಡ್ ಪಕ್ಕ ಸೀಟ್ ಅರೇಂಜ್ ಮಾಡಿಕೊಡುವಂತೆ ಗಗನಸಖಿಗೆ ಮನವಿ ಮಾಡಿದ್ದರು. ಆದರೆ, ವಿಮಾನ ಫುಲ್ ಆಗಿದ್ದು, ಸಹ ಪ್ರಯಾಣಿಕರು ಸೀಟ್ ಬಿಟ್ಟು ಕೋಡಲು ನಿರಾಕರಿಸಿದ್ದರು. ಇದರಿಂದ ಆ ಯುವತಿಗೆ ಗಗನಸಖಿ ಸೀಟ್ ಒದಗಿಸಿಕೊಡಲು ಸಾಧ್ಯವಾಗ್ತಿಲ್ಲ ಅಂತಾ ಹೇಳಿದ್ದಾರೆ.
ಸೀಟ್ ಅರೇಂಜ್ ಮಾಡಿ ಕೊಡದ ಗಗನಸಖಿ ವಿರುದ್ಧ ಯುವತಿ ರೊಚ್ಚಿಗೆದ್ದು ಹೈಡ್ರಾಮ ನಡೆಸಿದ್ದಾಳೆ. ತನ್ನ ಬಳಿಯಿದ್ದ ಬಿಸಿ - ಬಿಸಿಯಾದ ನೂಡಲ್ಸ್ ನೀರನ್ನು ಗಗನಸಖಿ ಮುಖಕ್ಕೆ ಎರಚಿ ದುರ್ವತನೆ ತೋರಿದ್ದಾಳೆ. ಬಳಿಕ ಯುವತಿಯ ಬಾಯ್ಫ್ರೆಂಡ್ ವಿಮಾನವನ್ನು ಬ್ಲಾಸ್ಟ್ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ. ಅವರಿಬ್ಬರನ್ನು ಸಮಾಧಾನ ಪಡಿಸಿದ ಸಿಬ್ಬಂದಿ ವಿಮಾನ ನಿಲ್ದಾಣಕ್ಕೆ ತೆರಳಿ ದೂರು ನೀಡಿದ್ದಾರೆ. ಈ ಘಟನೆ ಬಗ್ಗೆ ವಿಚಾರಣೆ ನಡೆಸಿದ ವಿಮಾನ ಸಂಸ್ಥೆ ಅವರನ್ನು ಇನ್ಮುಂದೆ ಏರ್ ಏಷ್ಯಾ ವಿಮಾನದಲ್ಲಿ ಪ್ರಯಾಣಿಸದಂತೆ ಬಹಿಷ್ಕರಿಸಿದೆ.