ತಂಗಿಯನ್ನೇ ಮದುವೆಯಾಗ್ತಿನಿ ಎಂದ ಅಣ್ಣ... ಅಪ್ಪ, ಅಮ್ಮ ಒಪ್ಲಿಲ್ಲ, ಮುಂದೇನಾಯ್ತು?

ಕೆಲವರಿಂದ ಈ ಪ್ರಪಂಚದಲ್ಲಿ ಸಂಬಂಧಗಳಿಗೆ ಬೆಲೆಯೇ ಇಲ್ಲದಂತಾಗಿದೆ. ಇಲ್ಲೊಬ್ಬ ಯುವಕ ತನ್ನ ದೊಡ್ಡಪ್ಪನ ಮಗಳ ಮೇಲೆ ಮನಸ್ಸು ಮಾಡಿದ್ದು, ಆಕೆಯನ್ನು ನನಗೆ ಕೊಟ್ಟು ಮದುವೆ ಮಾಡಿಕೊಡಿ ಎಂದು ಬೆದರಿಕೆ ಹಾಕಿದ್ದಾನೆ.

ಹೈದರಾಬಾದ್​: ಸಂಬಂಧದಲ್ಲಿ ಆಕೆ ಸಹೋದರಿ. ಆದ್ರೂ ಸಹ ಆಕೆಯನ್ನು ನನಗೆ ಮದುವೆ ಮಾಡಿಕೊಡಿ ಎಂದು ಅಣ್ಣನೊಬ್ಬ ದೊಡ್ಡಮ್ಮಳಿಗೆ ಚಾಕುವಿಂದ ಇರಿದ ಘಟನೆ ತೆಲಂಗಾಣದಲ್ಲಿ ಸಂಚಲನ ಮೂಡಿಸಿದೆ.

ಹೌದು, ಇಂತಹದೊಂದು ವಿಚಿತ್ರ ಪ್ರಕರಣ ನಡೆದಿರುವುದು ಹೈದರಾಬಾದ್​ನಲ್ಲಿ. ಇಲ್ಲಿನ ಶಂಷಾಬಾದ್​ನ ನಿವಾಸಿ ರಮೇಶ್​ಗೆ (26) ತನ್ನ ದೊಡ್ಡಪ್ಪನ ಮಗಳ ಮೇಲೆ ಪ್ರೇಮಾಂಕುರವಾಗಿದೆ. ಅಷ್ಟೆ ಅಲ್ಲದೇ ಸಂಬಂಧದಲ್ಲಿ ಸಹೋದರಿ ಆದ್ರೂ ಅವಳನ್ನು ನಾನು ಪ್ರೀತಿಸುತ್ತಿದ್ದೇನೆ, ನನಗೆ ಕೊಟ್ಟು ಮದುವೆ ಮಾಡಿಕೊಡಿ ಎಂದು ನಾಚಿಕೆ ಇಲ್ಲದೇ ದೊಡ್ಡಪ್ಪನಿಗೆ ಕೇಳಿದ್ದಾನೆ.

ಇದಕ್ಕೆ ರಮೇಶನ ದೊಡ್ಡಪ್ಪ ಸಾಧ್ಯವಿಲ್ಲ ಎಂದು ಬುದ್ದಿ ಮಾತು ಹೇಳಿದ್ದಾರೆ. ಇದರಿಂದ ಕುದ್ದುಹೋದ ರಮೇಶ್​, ಯುವತಿ ಮತ್ತು ಆಕೆಯ ತಾಯಿ ದೇವಸ್ಥಾನಕ್ಕೆ ಹೋಗಿ ಹಿಂದಿರುಗುತ್ತಿದ್ದ ವೇಳೆ ಚಾಕುವಿನಿಂದ ದಾಳಿ ಮಾಡಿದ್ದಾನೆ. ದಾಳಿಯಲ್ಲಿ ಯುವತಿಯ ತಾಯಿ ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇನ್ನು ಈ ಪ್ರಕರಣ ಪೊಲೀಸ್​ ಠಾಣೆ ಮೆಟ್ಟಿಲೇರಿದೆ. ಚಾಕುವಿನಿಂದ ದಾಳಿ ನಡೆಸಿದ ಆರೋಪಿ ರಮೇಶ್​ನನ್ನು ಪೊಲೀಸರು ಬಂಧಿಸಿ ಹೆಚ್ಚಿನ ವಿಚಾರಣೆ ಕೈಗೊಂಡಿದ್ದಾರೆ.