ಭಾರತಕ್ಕೆ ಅಪ್ಪಳಿಸಲಿದೆ ಭೀಕರ ಚಂಡಮಾರುತ: ಅಂಫಾನ್ ಎಂದು ಹೆಸರು ಬಂದಿದ್ದು ಹೇಗೆ ?

ನಾಳೆ ಸಂಜೆ ವೇಳೆಗೆ ಭಾರತವನ್ನು ಅಪ್ಪಳಿಸಲಿರುವ ಅಂಫಾನ್ ಚಂಡಮಾರುತಕ್ಕೆ ಅಂಫಾನ್ ಎಂದು 2004 ರಲ್ಲೇ ಹೆಸರಿಡಲಾಗಿತ್ತು.

ನವದೆಹಲಿ: ನಾಳೆ ಸಂಜೆ ವೇಳೆಗೆ ಅಂಫಾನ್ ಎಂಬ ಭೀಕರ ಚಂಡಮಾರುತ ಭಾರತವನ್ನು ಅಪ್ಪಳಿಸಲಿದ್ದು, ಇದಕ್ಕಾಗಿ ಸಾಕಷ್ಟು ಮುಂಜಾಗ್ರತೆ ಕ್ರಮ ವಹಿಸಲಾಗಿದೆ. ಭಾರತವನ್ನು ಅಪ್ಪಳಿಸಲಿರುವ ಈ ಅಂಫಾನ್ ಚಂಡಮಾರುತದ ಬಗ್ಗೆ ನಿಮಗೆ ತಿಳಿಯದ ಕೆಲವು ವಿಷಯಗಳಿವೆ.

ಭಾರತವನ್ನು ಅಪ್ಪಳಿಸಲಿದೆ ಭೀಕರ ಚಂಡಮಾರುತ

ಸೈಕ್ಲೋನ್‌ಗಳಿಗೆ ಹೆಸರಿಡಲು ಕಾರಣವೇನು ಗೊತ್ತಾ?

2000 ರಲ್ಲಿ, ವಿಶ್ವ ಹವಾಮಾನ ಸಂಸ್ಥೆ , ಯುನೈಟೆಡ್ ನೇಷನ್ಸ್ ಎಕಾನಾಮಿಕ್ಸ್ ಅಂಡ್​ ಸೋಷಿಯಲ್ ಕಮಿಷನ್ ಫಾರ್ ಏಷ್ಯಾ ಸಭೆ ಸೇರಿ ಸೈಕ್ಲೋನ್‌ಗಳಿಗೆ ಹೆಸರಿಡುವ ಪದ್ಧತಿ ಪ್ರಾರಂಭಿಸಲು ನಿರ್ಧರಿಸಲಾಯಿತು. ಪ್ರತೀ ದೇಶದಿಂದ ಬಂದ ಸೂಚನೆ ಮತ್ತು ಹೆಸರುಗಳನ್ನು ಪಟ್ಟಿಮಾಡಿ WMO ಮತ್ತು ESCAP ಪ್ಯಾನಲ್ ಯಾವುದಾದರೂ ಒಂದು ಹೆಸರನ್ನು ಅಂತಿಮಗೊಳಿಸುತ್ತದೆ.

ಅಂಫಾನ್​ ಹೆಸರು ಬಂದಿದ್ದು ಹೀಗೆ!

2004ರಲ್ಲಿ ಚಂಡಮಾರುತ ಕಾಣಿಸಿಕೊಂಡಿತು. ಈ ವೇಳೆ, ಎಂಟು ದೇಶಗಳು ಸುಮಾರು 64 ಹೆಸರುಗಳನ್ನು ನೀಡಿದವು ಆ ಪೈಕಿ ತೈವಾನ್ ನೀಡಿದ್ದ ಅಂಫಾನ್ ಎಂಬ ಹೆಸರನ್ನು ಅಂತಿಮಗೊಳಿಸಲಾಗಿದೆ.

ಹೆಸರಿಸುವಾಗ ಪಾಲಿಸಬೇಕಾದ ಸೂಚನೆಗಳು:

ಯಾವುದೇ ಹೆಸರಾದರೂ ತಟಸ್ಥವಾಗಿರಬೇಕು, ರಾಜಕೀಯ ಉದ್ದೇಶಗಳಿರಬಾರದು, ಯಾವುದೇ ಧಾರ್ಮಿಕ ಮತ್ತು ಸಾಂಸ್ಕೃತಿಕ ನಂಭಿಕೆಗೆ ಧಕ್ಕೆ ಉಂಟುಮಾಡುವಂತಿಲ್ಲ. ಯಾವುದೇ ಗುಂಪಿನ ಭಾವನೆಗೆ ಧಕ್ಕೆ ಉಂಟುಮಾಡುವಂತಿರಬಾರದು. ಅಸಭ್ಯ ಮತ್ತು ಕಠಿಣವಾಗಿರುವಂತಿಲ್ಲ ಎಂಬ ನಿಯಮವಿದೆ.