ಲಖನೌ: 2019ರಲ್ಲಿ ರಾಜ್ಯದ ವಿವಿಧ ಪಶು ಸಂಗೋಪನಾ ಕೇಂದ್ರಗಳಲ್ಲಿ 9,261 ಹಸುಗಳು ಸಾವನ್ನಪ್ಪಿವೆ. ನೈಸರ್ಗಿಕ ಕಾರಣಗಳಿಂದಾಗಿ ಸಾವು ಸಂಭವಿಸಿರುವುದರಿಂದ ಅಧಿಕಾರಿಗಳ ವಿರುದ್ಧ ಯಾವುದೇ ಕ್ರಮಕೈಗೊಂಡಿಲ್ಲ ಎಂದು ಉತ್ತರಪ್ರದೇಶ ಸರ್ಕಾರ ಸೋಮವಾರ ತಿಳಿಸಿದೆ.
ವಿಧಾನಸಭೆಯಲ್ಲಿ ಬಿಎಸ್ಪಿ ಸದಸ್ಯೆ ಸುಷ್ಮಾ ಪಟೇಲ್ ರಾಜ್ಯ ಪಶು ಸಂಗೋಪನಾ ಕೇಂದ್ರಗಳ್ಲಿ ಸಾವನ್ನಪ್ಪಿದ್ದ ಹಸುಗಳ ವರದಿ ಕೇಳಿದ್ದರಿಂದ ಪಶುಸಂಗೋಪನಾ ಸಚಿವ ಲಕ್ಷ್ಮಿ ನಾರಾಯಣ್ ಚೌಧರಿ, "2019ರಲ್ಲಿ ರಾಜ್ಯದಲ್ಲಿ 9261 ಜಾನುವಾರುಗಳು ಸಾವನ್ನಪ್ಪಿವೆ. ನೈಸರ್ಗಿಕವಾಗಿ ಸಾವನ್ನಪ್ಪಿರುವುದರಿಂದ ಅಧಿಕಾರಿಗಳ ವಿರುದ್ಧ ಕ್ರಮಕೈಗೊಂಡಿಲ್ಲ ಎಂದು ಉತ್ತರಿಸಿದ್ದಾರೆ.