ವಲಸೆ ಕಾರ್ಮಿಕರ ವಿಶೇಷ ರೈಲಿನ ಮೂಲಕ ಲಖನೌ ತಲುಪಿದ 847 ಕಾರ್ಮಿಕರು..

ಮಹಾರಾಷ್ಟ್ರದ ನಾಸಿಕ್​ನಲ್ಲಿದ್ದ ಉತ್ತರಪ್ರದೇಶದ 847 ವಲಸೆ ಕಾರ್ಮಿಕರನ್ನ 847 ವಲಸೆ ಕಾರ್ಮಿಕರನ್ನ ವಲಸೆ ಕಾರ್ಮಿಕರ ವಿಶೇಷ ರೈಲಿನ ಮೂಲಕ ಲಕ್ನೋ ರೈಲು ನಿಲ್ದಾಣದಲ್ಲಿ ಅಲ್ಲಿನ ನಾಗರೀಕ ಆಡಳಿತಕ್ಕೆ ಒಪ್ಪಿಸಲಾಗಿದೆ.

ಉತ್ತರಪ್ರದೇಶ :847 ವಲಸೆ ಕಾರ್ಮಿಕರನ್ನ ಹೊತ್ತ ಮೊದಲ ವಲಸೆ ಕಾರ್ಮಿಕರ ವಿಶೇಷ ರೈಲು ಮಹಾರಾಷ್ಟ್ರದ ನಾಸಿಕ್​ನಿಂದ ಉತ್ತರಪ್ರದೇಶದ ಲಖನೌ ತಲುಪಿದೆ.

ಲಾಕ್​ಡೌನ್​ನಿಂದಾಗಿ ದೇಶದ ವಿವಿಧ ಸ್ಥಳಗಳಲ್ಲಿ ಸಿಲುಕಿರುವ ವಲಸೆ ಕಾರ್ಮಿಕರು ತಮ್ಮ ತಮ್ಮ ಊರುಗಳಿಗೆ ತೆರಳುವುದಕ್ಕಾಗಿ ಈ ವಿಶೇಷ ರೈಲು ಆರಂಭಿಸಲಾಗಿದೆ. ಮಹಾರಾಷ್ಟ್ರದ ನಾಸಿಕ್​ನಲ್ಲಿದ್ದ ಉತ್ತರಪ್ರದೇಶದ 847 ವಲಸೆ ಕಾರ್ಮಿಕರನ್ನ ವಿಶೇಷ ರೈಲಿನ ಮೂಲಕ ಲಖನೌ ರೈಲು ನಿಲ್ದಾಣದಲ್ಲಿ ಅಲ್ಲಿನ ನಾಗರಿಕ ಆಡಳಿತಕ್ಕೆ ಒಪ್ಪಿಸಲಾಗಿದೆ. ಈ ರೈಲು ತಲುಪುವ ಮುನ್ನ, ಸುರಕ್ಷತೆಗಾಗಿ ಲಖನೌ ರೈಲು ನಿಲ್ದಾಣದಲ್ಲಿ ಬ್ಯಾರಿಕೇಡ್​ ಹಾಕಿ, ಟಿಕೇಟ್ ಪರಿಶೀಲನಾ ಸಿಬ್ಬಂದಿ, ಆರ್‌ಪಿಎಫ್, ಜಿಆರ್‌ಪಿ ಮತ್ತು ಸ್ಥಳೀಯ ಪೊಲೀಸ್ ಸಿಬ್ಬಂದಿಯನ್ನ ನಿಯೋಜಿಸಲಾಗಿತ್ತು.

ಸರದಿಯಲ್ಲಿ ಬಂದಿಳಿದ ವಲಸೆ ಕಾರ್ಮಿಕರಿಗೆ ರಾಜ್ಯ ಸರ್ಕಾರಿ ಅಧಿಕಾರಿಗಳು ಸ್ಕ್ರೀನಿಂಗ್​ ಮಾಡಿ ಆರೋಗ್ಯ ಪರಿಶೀಲಿಸಿದರು. ಬಳಿಕ ವಲಸೆ ಕಾರ್ಮಿಕರಿಗೆ ಆಯಾ ಊರುಗಳಿಗೆ ತೆರಳಲು ಬಸ್ ವ್ಯವಸ್ಥೆ ಮಾಡಲಾಯ್ತು. ಸಾಮಾಜಿಕ ಅಂತರ ಕಾಯ್ದುಕೊಂಡು ಬಸ್​ ಹತ್ತುವಂತೆ ಅಧಿಕಾರಿಗಳು ತಿಳಿಸಿದ್ರು. ಅಲ್ಲದೆ ಪ್ರಯಾಣಿಕರಿಗೆ ಆಹಾರ ಪ್ಯಾಕೇಟ್‌ಗಳನ್ನ ನೀಡಿ ಅವರವರ ಊರುಗಳಿಗೆ ಕಳುಹಿಸಿದ್ದಾರೆ.