ಬೆಂಗಳೂರು:ಡೆಡ್ಲಿ ವೈರಸ್ ಕೋವಿಡ್-19 ಕೇಸ್ಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದು, ದೇಶವನ್ನ ಲಾಕ್ಡೌನ್ ಮಾಡಿ ಆದೇಶ ಹೊರಹಾಕಲಾಗಿದ್ದು, ಇದರ ಮಧ್ಯೆ ಕೋಡ ರಕ್ಕಸ ವೈರಸ್ ಕಂಟ್ರೋಲ್ ಮಾಡಲು ಸಾಧ್ಯವಾಗ್ತಿಲ್ಲ.
ಕರ್ನಾಟಕದಲ್ಲೂ ಕೋವಿಡ್-19 ಕೇಸ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಇಂದು 13 ಹೊಸ ಕೇಸ್ ಕಂಡು ಬಂದಿವೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು 101 ಪ್ರಕರಣಗಳು ಕಂಡು ಬಂದಿವೆ. ಇದರಲ್ಲಿ 3 ಜನರು ಸಾವನ್ನಪ್ಪಿದ್ದು, 8 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ.
ಇನ್ನು ಮಧ್ಯಪ್ರದೇಶದಲ್ಲಿ 66 ಕೋವಿಡ್ ಕೇಸ್ ಕಂಡು ಬಂದಿದ್ದು, ಇಂದೋರ್ನಲ್ಲಿ 44 ಪ್ರಕರಣಗಳು ಕಾಣಿಸಿಕೊಂಡಿವೆ. ಇಲ್ಲಿ 5 ಜನರು ಸಾವನ್ನಪ್ಪಿದ್ದಾರೆ. ಮಹಾರಾಷ್ಟ್ರದಲ್ಲಿ ಇಂದು ಒಂದೇ ದಿನ 72 ಹೊಸ ಪ್ರಕರಣ ಕಂಡು ಬಂದಿವೆ. ಮುಂಬೈನಲ್ಲೇ 59 ಕೇಸ್ಗಳಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 302ಕ್ಕೆ ಏರಿಕೆಯಾಗಿದೆ.
ಕೇರಳದಲ್ಲಿ ಇಂದು 7 ಹೊಸ ಕೇಸ್ಗಳು ಕಂಡು ಬಂದಿವೆ. ಈ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 215ಕ್ಕೆ ಏರಿದೆ. ದೆಹಲಿಯಲ್ಲಿ 97 ಪ್ರಕರಣಗಳಿದ್ದು, 24 ಹೊಸ ಕೇಸ್ಗಳು ಇದಕ್ಕೆ ಸೇರಿಕೊಂಡಿವೆ. ಇನ್ನು ತಮಿಳುನಾಡಿನಲ್ಲಿ ಒಂದೇ ದಿನ 50 ಹೊಸ ಕೋವಿಡ್ ಕೇಸ್ ಕಂಡು ಬಂದಿದ್ದು, ಸೋಂಕಿತರ ಸಂಖ್ಯೆ 125ಕ್ಕೆ ಏರಿಕೆಯಾಗಿದೆ.